Dagblaðið Vísir - DV - 23.11.2012, Blaðsíða 4

Kröfu Sigurðar hafnað
n Fær þó viðurkennda 73 milljóna króna kröfu í Hæstarétti
H
æstiréttur hafnaði á fimmtu­
dag kröfu Sigurðar Einarssonar,
fyrrverandi stjórnarformanns
Kaupþings, um að 138 milljóna
króna krafa hans í þrotabú bankans
yrði viðurkennd. Hæstiréttur staðfesti
þar með dóm Héraðsdóms Reykja­
víkur frá 16. október.
Sigurður hafði lýst kröfu við slit
Kaupþings meðal annars vegna van­
goldinna launa og annarra launa­
tengdra greiðslna. Slitastjórn Kaup­
þings samþykkti kröfu Sigurðar aðeins
að hluta og var ágreiningi vísað til
úrlausnar héraðsdóms samkvæmt
ákvæði laga um gjaldþrotaskipti.
Deilan fyrir dómstólum snérist um
hvort Sigurður ætti rétt á biðlaunum í
12 mánuði eftir starfslok auk lífeyris­
greiðslna samkvæmt ráðningarsamn­
ingi og hvort Kaupþing hefði ábyrgst
að greiða skattaskuld Sigurðar í Bret­
landi.
Hæstiréttur telur að 6 mánaða
uppsagnarfrestur sér sanngjarn í ljósi
þeirra uppsagnarfresta sem tíðkist al­
mennt á vinnumarkaði svo og með til­
liti til stöðu og starfskjara Sigurðar að
öðru leyti. Er einnig talið að Sigurður
gæti ekki átt aðild að kröfu um van­
goldin iðgjöld til lífeyrissjóða held­
ur væri það viðkomandi lífeyrissjóður
sem ætti slíka kröfu gegn Kaupþingi
og var kröfu Sigurðar um greiðslu líf­
eyrisiðgjalda því hafnað. Að endingu
var talið að Sigurði hefði ekki tek­
ist að sanna skyldu Kaupþings til að
taka þátt í skattgreiðslum stjórnar­
mannsins fyrrverandi í Bretlandi og
þeirri kröfu því einnig hafnað. Stað­
festi Hæstiréttur því þá ákvörðun
slitastjórnar Kaupþings að viðurkenna
kröfu Sigurðar aðeins að hluta.
Sú krafa varðar þó enga skiptimynt
því þar er um að ræða rúmar 73 millj­
ónir króna sem slitastjórn viðurkennir
sem almenna kröfu í búið.
Sigurður þarf að greiða Kaupþingi
300 þúsund krónur í kærumálskostn­
að. n mikael@dv.is
Borgin vill kaupa Perluna:
Óvissa með
kaupverðið
Borgarráð samþykkti á fundi
sínum á fimmtudag að borgin
gangi til samninga við Orkuveitu
Reykjavíkur um kaup á Perlunni í
Öskjuhlíð. Þá mun borgin ganga
til samninga við íslenska ríkið
um að það leigi húsið í allt að
15 ár og komi þar upp náttúru­
minjasýningu. Takist samningar
um kaupin og leigu ríkisins þarf
Reykjavíkurborg að verja 100
milljónum króna í breytingar á
Perlunni svo hægt verði að setja
upp sýninguna.
Fulltrúar Sjálfstæðisflokksins í
borgarráði lögðu fram bókun við
afgreiðslu málsins þar sem þetta
er gagnrýnt. „Borgar fulltrúar
Sjálfstæðisflokksins hafa ítrekað
gagnrýnt hvernig staðið hefur
verið að söluferli vegna Perlunn­
ar. Tilraun til að selja Perluna
á almennum markaði á síðasta
ári mistókst algjörlega vegna
óskýrra forsendna og undirbún­
ings. Nú er ákveðið stefna að
því að Reykjavíkurborg kaupi
Perluna og aftur er undirbúning­
ur án skýrra forsenda, þar sem
hvorki er búið að skýra aðkomu
ríkisins að ferlinu né liggur fyrir
hvaða markmið Reykjavíkurborg
hyggst setja sér varðandi kaup­
verð og rekstur,“ segir í bókun­
inni.
Í tilkynningu frá meirihlut­
anum í borginni segir að með­
al framkvæmda sem ráðast þarf
í sé að byggja milligólf í hluta
Perlunnar og að opnað verði bet­
ur inn í hitaveitutankinn þar sem
Sögusýningin var til húsa áður.
„Í greinargerð með tillögunni
kemur fram að með kaupunum
verði almenningi áfram tryggður
aðgangur að Perlunni og um­
hverfi hennar, þó með þeim
takmörkunum að selt verður
inn á náttúruminjasýninguna.
Með kaupunum gefst Reykja­
víkurborg einstakt tækifæri til
þess að stjórna uppbyggingu og
nýtingu svæðisins í Öskjuhlíð
þar sem Perlan stendur. Nú er í
gangi skipulagssamkeppni um
Öskjuhlíðina á vegum skipulags­
ráðs Reykjavíkurborgar. Heimild
borgarráðs er bundin við það að
viðunandi leigusamningur um
sýningu Náttúruminjasafns Ís­
lands náist við ríkið.“
Hafnað Sigurður Einarsson, fyrrverandi
stjórnarformaður Kaupþings, fær ekki rúm-
lega 138 milljóna kröfu sína samþykkta.
S
verrir Þór Gunnarsson, gjarn­
an kallaður Sveddi tönn, hef­
ur samkvæmt heimildum
DV verið dæmdur til 22 ára
fangelsisvistar í Brasilíu fyrir
skipulagningu á smygli á um 50.000 e­
töflum til landsins. Í dómnum sem féll
í undirrétti í vikunni kemur fram að
verði dómnum áfrýjað til Hæstarétt­
ar þá sé mælst til þess að Sverrir muni
ekki fá að ganga laus á meðan beðið sé
dóms.
Hann á að baki níu ára óafplánað­
an fangelsisdóm á Spáni fyrir fíkni­
efnasmygl en hann lagði á flótta eftir
að dómurinn féll og síðan hefur hann
verið eftirlýstur af spænskum yfirvöld­
um.
Þess má geta að á síðasta ári lögðu
brasilísk tollyfirvöld samtals hald á
tæplega 200.000 e­pillur við landa­
mæri Brasilíu og á flugvöllum þar í
landi. Efnin sem voru tekin í umrætt
skipti eru því um fjórðungur alls þess
sem hald var lagt á í fyrra. Þetta er jafn­
framt mesta magn af e­pillum sem
tollyfirvöld hafa lagt hald á í einu.
Burðardýrið sagði til Sverris
Sverrir var handtekinn á kaffihúsi í Rio
de Janeiro þann 2. júlí síðastliðinn.
Þegar hann var handtekinn höfðu
fíkniefnin verið gerð upptæk en þau
voru í farangri Renötu Araujo Neves,
26 ára brasilískrar konu. Renata flaug
til Rio de Janeiro frá Lissabon í Portú­
gal og fundust efnin við hefðbundið
eftirlit. Í farangri hennar voru um 46
þúsund e­töflur og benti hún lögreglu
á tvo vitorðsmenn, Sverri og kærasta
sinn, Marco Dias Bittencourt e Silva.
Hún sagði við yfirheyrslu að þeir ætl­
uðu að hjálpa henni við að selja eitur­
lyfin og hugðist hún hitta mennina tvo
á áðurnefndu kaffihúsi.
Lögreglan framkvæmdi svo hús­
leit í íbúð Marcos og fann þar nokkuð
magn af sýru ásamt marijúana. Sverr­
ir hafði komið með sama flugi og
Renata en lögreglan beitti sérstakri
greiningaraðferð sem sýnir hversu oft
hver farþegi flýgur og hvert. Þetta er
gert til þess að koma auga á grunsam­
legt ferðamynstur sem getur gefið til
kynna smygl. Sverrir Þór gaf upp falskt
nafn við komuna til Rio de Janeiro
og þóttist vera 43 ára Breiðhyltingur.
Þegar nafnið var sent íslenskum yfir­
völdum komust þau fljótlega að því að
sá maður var alls ekki í haldi lögreglu
þar ytra. Það var ekki fyrr en brasil­
ískir fjölmiðlar birtu myndir af hin­
um grunuðu að borin voru kennsl á
Sverri.
Höfuðpaur í stóra
fíkniefnamálinu
Sverrir er fæddur árið 1972 en
brotaferill hans hófst þegar hann var
sextán ára. Næstu árin á eftir hafði
lögregla ítrekað afskipti af honum
vegna umferðar­ og fíkniefnabrota.
Smám saman urðu afbrot Sverris
skipulagðari og umsvifameiri og á
árunum 1991–1995 hlaut hann fjóra
dóma fyrir þjófnað, fjársvik og fíkni­
efnabrot. Í undirheimum Reykjavík­
ur var Sverrir ævinlega þekktur undir
viðurnefninu Sveddi tönn vegna tann­
lýtis.
Þekktastur er Sverrir líklega fyrir
að vera einn höfuðpauranna í Stóra
fíkniefnamálinu svokallaða en dóm­
ur í því máli féll árið 2000. Þar hlaut
hann næstþyngsta dóminn í málinu
eða sjö og hálfs árs óskilorðsbund­
inn fangelsisdóm. Þar að auki voru 20
milljónir króna gerðar upptækar hjá
honum. Í dómnum var honum gef­
ið að sök að hafa móttekið 105 kíló af
kannabisefnum yfir nokkurra mánaða
tímabil. Stóra fíkniefnamálið teygði
anga sína til Danmerkur, Hollands og
Bandaríkjanna og varðaði innflutning
á gífurlegu magni kannabisefna, am­
fetamíns, kókaíns og e­taflna. Að auki
voru gerðar upptækar haglabyssur,
handjárn, loftrifflar og stuðbyssur.
Í kjölfar málsins var einnig dæmt í
fyrsta skipti fyrir peningaþvætti fyrir
íslenskum dómstólum en Sverrir
skipulagði það í gegnum kjötvinnslu­
fyrirtækið Rimax. Í þætti Sannra ís­
lenskra sakamála um stóra fíkniefna­
málið kemur fram að Sverrir Þór hafi
lifað mjög hátt. Þar er hann sagð­
ur hafa átt miklar eignir, góða bíla og
hafa gengið í mjög dýrum fatnaði.
Veiddu hákarl
Eftir að hann hafði afplánað dóm sinn
á Litla­Hrauni þá er Sverrir sagður
hafa verið umsvifamikill í glæpaheim­
inum. Hann hefur búið bæði í Brasilíu
og á Spáni en auk þess hefur spurst
til hans í Amsterdam. Þrátt fyrir að
hafa búið erlendis þá hafa íslensk lög­
regluyfirvöld lengi grunað Sverri um
að standa að baki fíkniefnasmygli til
landsins. Í samtali við brasilíska fjöl­
miðla stuttu eftir handtöku Sverris
sagði Richardo Bechera, yfirmaður
lögreglunnar á flugvellinum í Rio De
Janiero. „Við settum út net til að veiða
fiska en fengum í staðinn stóran há­
karl í alþjóðlegri glæpastarfsemi.“ n
n Dómur í máli Svedda „tannar“ fallinn í Brasilíu n Óvíst með áfrýjun
Sveddi tönn í
22 ára fangelSi
Viktoría Hermannsdóttir
blaðamaður skrifar viktoria@dv.is
4 Fréttir 23.–25. nóvember 2012 Helgarblað
„Við settum út net til að veiða fiska
en fengum í staðinn stóran hákarl
í alþjóðlegri glæpastarfsemi
Dómur fallinn Samkvæmt
heimildum DV féll dómur í máli
Sverris Þórs í vikunni. Hann fékk
22 ára fangelsisdóm.