19. júní - 19.06.2015, Page 7

Ársrit Kvenréttindafélags Íslands | 5
og ritlist, og greinar um konur í pólitík,
konur á besta aldri, konur með fötlun.
Við lítum til systra okkar í nágrannalönd­
unum sem skrifa okkur bréf þar sem
þær greina frá því hvað helst er á baugi
í jafnréttisbaráttunni á Norðurlönd­
unum, og við birtum 62 kröfur norrænu
kvenna hreyfingarinnar sem samþykktar
voru í lok kvennaráðstefnunnar Nord­
iskt forum sem fram fór í Malmö, Sví­
þjóð í fyrra, en 30.000 gestir sóttu þá
ráð stefnu heim.
19. júní, ársrit Kvenréttindafélags
Íslands, kom fyrst úr árið 1951. Það
kemur nú út í sérprenti í fyrsta skipti í
fimm ár. Árið 2011 var ákveðið að hætta
prentaðri útgáfu, og blaðið kom í tvö ár
út sem fylgirit með Fréttablaðinu og tvö
árin eftir það einungis í rafrænu formi.
Í tilefni af þessu mikla afmælisári, þegar
við fögnum því að 100 ár eru liðin frá því
að konur á Íslandi fengu kosningarétt,
að 40 ár eru liðin frá Kvennafrí deginum,
og 20 ár eru liðin frá Pekingsáttmála
Sam einuðu þjóðanna, þá gefum við
þetta blað út í veglegri útgáfu, bæði
prentaðri og á netinu.
Vonumst við til þess að þetta nýja
form eigi framtíðina fyrir sér, að 19.
júní geti verið framtíðarvettvangur fyrir
femínískar greinar um stjórnmál, menn­
ingu, list og sögu.
Gleðilegt byltingarár,
Fríða Rós Valdimarsdóttir
formaður Kvenréttindafélags Íslands