19. júní - 19.06.2015, Qupperneq 82

80 | 19. júní 2015
Malin Gustavsson
framkvæmda stýra Ekvalita
(ekvalita.fi)
Femínistahópar í Finnlandi eru margbreytilegir og
hafa ólík áherslumál. Því er erfitt að draga fram
einstaka þætti sem eru sérstaklega í umræðunni hér á
landi. Þó má nefna skort á kynjajafnréttismálefnum í
stefnuskrá ríkisstjórnarinnar og fækkun þingkvenna.
Sömuleiðis höfum við í finnsku kvennahreyfingunni
mikið verið að ræða málefni transfólks, kynþátta­
fordóma, femínisma og hatursorðræðu.
Helstu áskoranir okkar næstu árin eru að nýja
hægristjórn Finnlands skortir áhuga á að vinna að
femínískum markmiðum og stíga þess í stað skref til
baka, til dæmis með því að draga úr gæðum dagvistar
barna og afnema skilyrðislausan rétt allra til dag­
vistunar. Við höfum áhyggjur af því að rétturinn til
frjálsra fóstureyðinga sé nú aftur til umræðu og af
ofbeldi gegn konum og minnihlutahópum. Þá erum
við að reyna að breyta femínísku starfi okkar svo það
endurspegli margbreytileika samfélagsins.
Útlitið er að mörgu leyti svart varðandi stöðu
kynjajafnréttis í Finnlandi. Hins vegar er ljóst að
femínísk málefni hafa aldrei verið meira í umræðunni
en nú, þökk sé samfélagsmiðlum. Jafnréttismál, þar á
meðal kynjajafnrétti, eru hluti nýrrar aðalsnámskrár
grunnskóla og jafnréttislög í Finnlandi gilda nú um
transfólk.
Finnland