19. júní - 19.06.2015, Qupperneq 125

Ársrit Kvenréttindafélags Íslands | 123
Feminóteka (www.feminoteka.pl) sem
vilja sækja landið heim og læra um
baráttu okkar gegn kynbundnu ofbeldi.
Samskiptin hafa gengið vel, og stefnt er
að því að Femínóteka sæki Ísland heim í
lok júní 2015.
Kvenréttindafélagið lagði á árinu
litla vinnu í þennan undirbúning, en
er að gefinni reynslu búið að tryggja
það að öll vinna við undirbúning verði
greidd af Femínóteka.
METiNA LiSTA, SLÓVENÍA
Kvenréttindafélaginu bauðst í lok
ársins 2013 til að vera félagi Metina
lista í Slóveníu (http://metinalista.si) í
verkefni til að auka stjórnmálaþátttöku
kvenna. Metina lista reyndist hinn full­
komni félagi í evrópsku samstarfi, og
félagið hlakkar til að starfa með þeim
frekar á næstu árum.
Metina lista kom í heimsókn á maí
2014, og skipulagði framkvæmdastýra
Kvenréttindafélagsins dagskrá fyrir full­
trúa félagsins, Natasa Briski og Maja
Hawlina.
Í kjölfarið skipulagði Kvenrétt­
indafélagið og Metina lista málþing í
Háskólanum í Ljubljana, Slóveníu, 8.
desember 2014, um stjórnmálaþátttöku
kvenna. Þátttakendur í málþinginu
voru frá Íslandi Brynhildur Heiðar­
og Ómarsdóttir framkvæmdastýra
Kvenréttinda félags Íslands og Þórunn
Sveinbjarnardóttir framkvæmdastýra
Samfylkingarinnar og fyrrum umhverfis­
ráðherra. Með þeim í pallborðinu sátu
Katarina Kresal fyrrum innanríkis­
ráðherra Slóveníu, Mojca Kleva­Kekuš
fyrrum Evrópuþingmaður, og Milica
Antić­Gaber prófessor í félagsfræði og
stjórnmálum við Háskólann í Ljubljana.
Var þetta málþing tekið upp og sett á
Youtube, og er hægt að sjá það hér:
http://kvenrettindafelag.is/2014/fundur­
kvenrettindafelagsins­i­sloveniu­a­
youtube.
FAcuLDADE DE PSicOLOGiA E
DE ciêNciAS DA EDucAçãO
DA uNiVERSiDADE DO PORTO,
PORTúGAL
Kvenréttindafélagið hóf samstarf
2014 við félags­ og menntavísindasvið
háskólans í Porto, Portúgal, um að skipt­
ast á þekkingu og leiðum til samþætt­
ingar fjölskyldu­ og atvinnulífs, og
kynja samþættingu.
Fulltrúi Kvenréttindafélagsins í
verkefninu er Hanna Björg Vilhjálmsdóttir.
Women’s Perspective
on uN Post-2015
Development Agenda
Petrína Ásgeirsdóttir sótti
ráðstefnuna Women‘s Perspective on
UN Post­2015 Development Agenda
í Istanbúl í maí 2014, sem fulltrúi
Kvenréttindafélags Íslands. Petrína
hafði samband við Kvenréttindafélagið
og bað um að vera fulltrúi félagsins á
ráðstefnunni, en ráðstefnan var aðeins
opin fulltrúum frjálsra félagasamtaka.
Aðkoma Kvenréttindafélagsins að
undirbúningi ráðstefnunnar og ferðar
Petrínu var annars enginn. Petrína flutti
skýrslu um ráðstefnuna á aðalfundi
félagsins 10. október 2014.
Nefndir og ráð
JAFNRéTTiSRÁÐ
Kvenréttindafélagið deilir tveimur
sætum í Jafnréttisráði með Kvenfélaga­
sambandi Íslands og Femínista félagi
Íslands. Á yfirstandandi vetri hefur
Stein unn Stefánsdóttir sótt þessa fundi
fyrir hönd félagsins, en varamaður allra
félaganna þriggja er framkvæmdastýra
félagsins, Brynhildur Heiðar­ og Ómars­
dóttir.