19. júní - 19.06.2008, Blaðsíða 12

10
GAMAN ER AÐ GETA ÞESS AÐ
MATTHILDUR HELGADÓTTIR
HELDUR ERINDI UM ÓBEISLAÐA
FEGURÐ Á ÞINGINU
„Nordiska Kvinnor mot Våld 2008“
sem haldið verður í Stokkhólmi í haust.
Að keppninni stóð hópur
sem kallaði sig Óbeislaða
hópinn. Hann varð til þegar
hluti vina- og kunningjahóps
sem hittist oft á kaffihúsinu
Langa Manga á Ísafirði hafði
rökrætt fram og aftur um
hvort og þá hvernig hægt væri
að keppa í fegurð. Hópurinn
samanstóð af þeim, Matthildi
Helgadóttur, framkvæmdastjóra
tölvufyrirtækis, Írisi
Jónsdóttur skrifstofustjóra
ferðaþjónustufyrirtækis, Margréti
Skúladóttur hárgreiðslu- og
förðunarmeistara, Guðmundi
Hjaltasyni trúbador og
kaffihúsaeiganda og Eygló
Jónsdóttur starfsmanni
verkalýðsfélags.
Það er skemmst frá því að
segja að hugmyndin fékk byr
undir báða vængi og ekki stóð
á viðbrögðum. Bæði karlar og
konur gátu skráð sig og allir tekið
þátt óháð aldri. Eina skilyrðið var
að vera sem upprunalegastur og
hárígræðslur, brjóstastækkanir
og aðrar lýtaaðgerðir gátu
útilokað fólk frá keppni. Þá taldist
það keppendum til tekna ef lífið
sást utan á þeim. Með því áttu
aðstandendur við aldur, aukakíló,
hrukkur, slit vegna barnsfæðinga,
lafandi brjóst, skalla, loðið bak,
appelsínuhúð og fleira en þetta
töldu þeir að flokka mætti undir
kynþokka.
Húðslit, skalli og
appelsínuhúð kostur
Ljósaböð voru bönnuð fyrir
keppnina og ekki var til þess
ætlast að þátttakendur legðu
á sig erfiði við að breyta
líkamsþyngd sinni hvort sem
það var til að lækka hana eða
hækka. Auk þess að hreppa
titilinn Óbeisluð fegurð 2007
gátu keppendur fengið nokkra
aðra titla þar á meðal: Michelin
2007, húðslit 2007, Dansukker
2007. Í fyrstu átti þetta að vera
grín og tilkynning sem send var
bæði RÚV og Bæjarins besta
meira samin í gamni en alvöru
en eftirsókn eftir að taka þátt í
keppninni fór fram úr björtustu
vonum aðstandenda og þegar
keppendur fóru að gefa sig fram
var ekki um annað að ræða en
að verða við óskum þeirra og sjá
til þess að þeir hefðu vettvang til
að keppa á.
Keppnin fór síðan fram með
pompi og prakt og var mál
manna að þeir sem fengu
titla hefðu verið vel að þeim
komnir. Um hugmyndina hefur
Matthildur Helgadóttir sagt:
„Hugmyndin af Óbeislaðri
fegurð varð til þegar
ég las um fyrirhugaða
fegurðarsamkeppni hér á Ísafirði.
Ég varð frekar fúl, enda á móti
fegurðarsamkeppnum, og fór
að hugsa með mér hvernig ég
gæti fengið fólk til að sjá hversu
fáránlegt það er að keppa í
fegurð.“
Með tiltækinu vildi hópurinn líka
vekja fólk til umhugsunar um
að aðeins lítill hluti mannkyns
næði þeim fegurðarstöðlum sem
gjarnan eru settir í tengslum
við fegurðarsamkeppnir og
fyrirsætur í blöðum eiga iðulega
lítið skylt við raunverulegt fólk
því búið að er lagfæra bæði
andlit og líkama með hjálp
tölvutækninnar. Í stað þess að
bera sig saman við umskapaðar
ímyndir af þessu tagi ætti fólk
að vera hreykið af líkama sínum
og þeim merkjum sem lífið
hefur sett á hann. Aðstandendur
keppninnar vildu einnig láta gott
af sér leiða og létu allan ágóða
af keppninni renna til Sólstafa
sem eru nýstofnuð systursamtök
Stígamóta á Vestfjörðum.
Heimildarmynd og
erindi hjá SÞ
Þær Hrafnhildur Gunnarsdóttir
og Tina Naccache gerðu
heimildarmynd um Óbeislaða
fegurð og myndin var frumsýnd
á kvikmyndahátíð Reykjavíkur og
uppselt á allar sýningar. Seinna
var hún sýnd í Ísafjarðarbíói
og í sjónvarpinu. Í kjölfarið var
Matthildi Helgadóttur boðið
að halda erindi á 52. þingi
kvennanefndar Sameinuðu
þjóðanna sem haldið var í
New York á síðasta ári. Þar
fjallaði hún um keppnina
og heimildarmyndina sem
gerð var um hana. Matthildur
kom ekki fram sem hluti af
sendinefnd Íslands á þinginu
heldur var erindi hennar einn af
hliðarviðburðum sem haldnir
voru samhliða því. Það er
skemmst frá því að segja að
Matthildur vakti mikla athygli á
þinginu og konum þótti mikið
til um þessa skemmtilegu
hugmynd.
Og þetta var ekki allt. BBC World
Fegurðarsamkeppnir hafa verið umdeildar um langa hríð og
kvenréttindakonum þykir lítill sómi að því að láta ungar stúlkur
spígspora hálfnaktar uppi á sviði og dæma þær síðan eftir
útlitinu mest. Forsvarsmenn slíkra uppákoma brugðust við
með því að leggja áherslu á að persónuleiki stúlknanna skipti
líka máli og viðhorf þeirra til lífsins. Þess verður þó sjaldnast
vart þegar fegurðarsamkeppnir eru haldnar og því þagna
ekki mótmælaraddirnar. En flestir tóku fagnandi nýstárlegri
fegurðarsamkeppni sem haldin var á Ísafirði 18. apríl 2007 og
kallaðist Óbeisluð fegurð.
KEPPNI SEM ALLIR VINNA