19. júní - 19.06.2008, Blaðsíða 30

28
Eins og sjá má af þessari
upptalningu er með þessari
löggjöf verið að ganga lengra
en áður hefur verið gert í
að knýja bæði stjórnvöld og
atvinnurekendur til að virða
jafnrétti karla og kvenna í reynd.
Hér er líka verið að fara nýjar
leiðir, einkum að því er varðar
meðferð mála hjá kærunefnd
jafnréttismála og aðgerðum
jafnréttisstofu í framhaldi. Þessu
ber að fagna og vænta þess
að lögin verði sú lyftistöng til
jafnréttis sem vonast er til.
Þar sem lögin eru svo ný er
engin reynsla komin á þetta, en
þegar hafa vaknað spurningar
um framkvæmdina. Eitt atriði
varðar ákvæði í 5. gr. laganna
þar sem fjallað er um kærunefnd
jafnréttismála. Þar segir að
úrskurðir kærunefndar séu
bindandi gagnvart málsaðilum.
Málsaðilum er heimilt að bera
úrskurði nefndarinnar undir
dómstóla. Að kröfu málsaðila
getur nefndin kveðið upp
úrskurð um frestun réttaráhrifa
úrskurðar telji hún ástæðu
til þess. Krafa þess efnis skal
gerð eigi síðar en tíu dögum
frá birtingu úrskurðar. Frestun
á réttaráhrifum úrskurðar
skal vera bundin því skilyrði
að málsaðili beri málið undir
dómstóla innan þrjátíu daga
frá birtingu úrskurðar um
frestun réttaráhrifa og óski þá
eftir að það hljóti flýtimeðferð.
Ef beiðni um flýtimeðferð er
synjað skal mál höfðað eins
fljótt og unnt er eftir að synjun
kemur fram og eigi síðar en
innan þrjátíu daga frá synjun
dómara. Frestun réttaráhrifa
úrskurðar fellur úr gildi ef mál
er ekki borið undir dómstóla
innan þrjátíu daga frá birtingu
úrskurðar um frestun réttaráhrifa
eða mál er ekki höfðað innan
þrjátíu daga frá synjun dómara
um flýtimeðferð. Síðan segir í
4. gr. að Jafnréttisstofa skuli að
beiðni kæranda fylgja því eftir
að úrskurðum kærunefndar
jafnréttismála sé framfylgt
eftir því sem við getur átt.
Þegar sá sem úrskurður
kærunefndar beinist að fer
ekki að úrskurðinum getur
Jafnréttisstofa beint þeim
fyrirmælum til viðkomandi að
gripið verði til viðunandi úrbóta
til samræmis við úrskurðinn
innan hæfilegs frests. Verði sá
sem úrskurður beinist að ekki
við fyrirmælum Jafnréttisstofu
getur Jafnréttisstofa ákveðið að
viðkomandi greiði dagsektir þar
til farið verður að fyrirmælunum.
Eins og af þessu má sjá er hér
hert verulega á frá því sem
áður var. Öll þessi framkvæmd
virðist þó afar flókin og
erfitt að fylgja henni eftir.
Ofuráhersla er hér á hraða
málsmeðferð. Spyrja má hvað
knýr á um hraða málsmeðferð
í þessum málaflokki fremur
en öðrum. Hvers vegna á t.d.
launajafnréttismál að ganga
hraðar í gegn um dómskerfið
en almennt launamál eða
nauðgunarmál. Einnig hafa