19. júní - 19.06.2008, Blaðsíða 50

48
gesti í heimsókn. Nokkrar
kínverskar kvenfélaga- og
kvenréttindakonur sem óskuðu
eftir að heimsækja Ísland og
kynna sér starfsemi félagsins
komu til landsins í nóvember.
Formaður og varaformaður KRFÍ
sáu um kynninguna sem fór
fram á Hallveigarstöðum.

Viðurkenningar KRFÍ
KRFÍ hefur haft þann sið
undanfarin misseri að veita
þeim konum viðurkenningu
sem fyrstar kvenna taka við
stöðum sem hingað til hafa
eingöngu verið í höndum karla.
Nokkrar slíkar viðurkenningar
hafa farið fram á starfsárinu og
eru hér taldar í tímaröð: Fyrsti
kvenformaður Læknafélags
Íslands, Birna Jónsdóttir, fékk
afhent blóm frá fulltrúum KRFÍ
á haustmánuðum og Helga
Guðjónsdóttir fékk sömuleiðis
blómvönd frá KRFÍ um sama
leyti, en hún er fyrst kvenna til
að gegna formennsku UMFÍ
í hundrað ára sögu félagsins.
Sigríður Lilly Baldursdóttir,
fyrsti kvenkyns forstöðumaður
Tryggingastofnunnar ríkisins,
fékk einnig heimsókn frá
stjórnarkonum KRFÍ í febrúar
sl. Þar fyrir utan veittu fulltrúar
KRFÍ byggingavöruverslunni
Mest viðurkenningarskjal fyrir
auglýsingu þeirra „Þú ferð
létt með að saga til næsta
bæjar“ sem þótti ýta undir
jákvæða ímynd kvenna og er
viðurkenningin um leið hvatning
til auglýsenda um að hafa ávallt
í huga jafnrétti kynjanna við
auglýsingagerð.
Afmælisárið á enda.
Hinn árlegi jólafundur KRFÍ
var haldinn í samkomusal
Hallveigarstaða 5. desember.
Sama dag opnaði einnig vegleg
sögusýning sem spannaði
hundrað ára sögu félagsins og
kvenréttindabaráttu á Íslandi.
Verkefnisstjórar sýningarinnar
voru menningarfræðingarnir
Anna Jónsdóttir og Þorvaldur
Halldór Gunnarsson og
stóð sýningin til 1. febrúar
sl. Þjóðhátíðarsjóður og
Ríkisútvarpið styrktu sýninguna.
Var leitast við að hafa
samkomusal Hallveigarstaða
opinn fyrir samkomum smærri
félagasamtaka þannig að sem
flestir gætu séð sýninguna.
Nokkur félagasamtök nýttu sér
salinn á meðan á sýningunni
stóð. Einnig stóð KRFÍ fyrir
bókmenntakvöldi í janúar sem
og afmælisveislu þann 28. janúar
en fyrr um daginn hélt KRFÍ
málþing í Ráðhúsi Reykjavíkur
undir yfirskriftinni: Jafnréttislög
– til hvers? Áhrif löggjafar á
framvindu jafnréttis.
Á Þorranum hélt aðalstjórn KRFÍ
Þorrablót fyrir Alþingismenn
eins og gert hefur verið
undanfarin ár og var þátttaka
þingmanna einstaklega góð
því um þriðjungur þeirra
þáði boðið. Í upphafi Góu, á
konudaginn var haldið opið hús
á Hallveigarstöðum með dagskrá
og veitingum sem einnig hefur
verið fastur liður undanfarin ár.
KRFÍ átti tvo fulltrúa á
Kvennaráðstefnu Sameinuðu
þjóðanna í New York sem haldin
var dagana 25. febrúar til 7. mars.
Íslenski hliðarviðburðurinn á
ráðstefnunni vakti athygli en þar
komu fram Guðrún Jónsdóttir
sem kynnti starfsemi Stígamóta,
Margrét Steinarsdóttir sem
fjallaði um úrræði til styrktar
konum af erlendum uppruna
á Íslandi og Matthildur
Helgadóttir sem sagði frá
tilurð hinnar óhefðbundnu
fegurðarsamkeppni Óbeisluð
fegurð, sem haldin var á Hnífsdal
í fyrra.
Eins og áður sagði var
afmælisárið viðburðarríkt
og ekkert lát hefur verið á
viðburðum á vegum félagsins
það sem af er nýju ári. Til
félagsins bárust góðir styrkir,
ekki síst á sjálfu afmælisárinu
og veittu ríkisstjórn Íslands,
Reykjavíkurborg og Samfylkingin
félaginu peningagjafir í tilefni
afmælisins. KRFÍ fékk úthlutað
fjármunum á fjárlögum árið 2007
sem og árið 2008 og einnig hafa
einstök ráðuneyti styrkt einstaka
verkefni sem félagið hefur ráðist í
hverju sinni.
Hér að ofan hefur verið greint
frá því helsta á síðasta starfsári
þótt ekki sé umfjöllunin
tæmandi yfir umfangsmikið starf
Kvenréttindafélags Íslands.
19.júní 2007