19. júní - 19.06.2008, Blaðsíða 34

32
Elska konuna eins
og hún er
31% karlanna gat ekki sagt
nákvæmlega til um hvað hefði
dregið þá að konunni sinni í
upphafi en þeir kváðust hafa
dregist ómótstæðilega að henni
og fundist þeir verða að eignast
hana hvað sem það kostaði.
32% sögðu að persónuleiki
konunnar þeirra hefði heillað
þá upp úr skónum. Lífsgleði,
hreinskilni og hlýlegt fas var
meðal þeirra eðliseiginleika sem
karlarnir töldu hafa verið mest
aðlaðandi í fari kvennanna í lífi
þeirra.
7% féllu fyrir fegurð konunnar.
4% féllu fyrir gáfum hennar
eingöngu.
3% sögðu að kímnigáfa hennar
hefði alveg slegið þá út.
23% nefndu svo margvíslega
aðra eiginleika.
Vilja að sambandið
endist til æviloka
90% karlanna sem þátt tóku í
könnuninni sögðu að þeir vildu
að hjónband þeirra entist meðan
bæði lifðu. 18% þeirra sögðust
ekki hafa trú á að skilnaður væri
lausn á vandamálum. 47% voru
þess fullviss að konan þeirra væri
sú eina rétta og því kæmi ekki
til greina að sleppa henni. 25%
voru ekki sannfærð um að konan
þeirra væri sú eina og töldu að
skilnaður gæti komið til greina ef
sambandið gengi alls ekki. Þeir
sem féllu í þann hóp sögðust
hins vegar vona af einlægni að
sambandið héldi áfram og þeir
fengju að eldast með konunni
sinni.
Af þeim tíu prósentum sem
ekki töldu að hjónaband þeirra
myndi endast ævilangt sögðu
9% að það væri vegna að þess að
erfiðleikar væru í hjónaböndum
þeirra. 1% höfðu einfaldlega ekki
trú á að hjónbönd gætu verið
varanleg.
Peningar og aftur
peningar
Stærsta ágreiningsefni í
hjónabandi er peningar og
fjármál. 36% karlanna sögðu að
hvernig farið væri með peninga,
þ.e. hvernig best væri að spara,
eyða og fjárfesta, væru erfiðustu
vandamálin í hjónabandinu.
23% voru þessu hins vegar ekki
sammála því þeir og konan
þeirra rifust oftast um það
hversu miklum eða litlum tíma
þeir eyddu með fjölskyldunni.
15% karla deildu við konu
sína um kynlíf fyrst og fremst
og 13% um heimilistörfin og
verkaskiptingu á heimilinu. 13%
rifust síðan um ýmislegt annað,
allt frá tengdafjölskyldunni
og skorti á samskiptum upp í
líkamsþyngd konunnar.
Hjónabandið hvorki
betra né verra en þeir
bjuggust við
Nærri helmingur karlanna, eða
46%, var á því að líf þeirra hefði
lítið breyst eftir brúðkaupið og
hjónabandið væri hvorki betra
né verra en þeir hefðu búist
við. Þeir töldu sig einnig hafa
tekið á vandamálum eins og
erfiðum tengdafjölskyldum,
barnauppeldi og verkaskiptingu
og leyst þau. 23% sögðu að
hjónabandið væri betra og mun
meira gefandi en þeir hefðu
átt von á en 31% fannst það
erfiðara en þeir bjuggust við.
Þær hindranir sem verst var að
takast á við voru: Að líta þannig
á hlutina að miðað væri við
tvo frekar en einn og að þurfa
að tjá sig um tilfinningar sínar
og ræða þær í þaula. Reyndar
voru 39% karlanna sammála
um að það væri erfitt þótt þeir
teldu það fæstir vera fyrirstöðu
í hjónabandinu. Aðeins 6%
karlmannanna töldu að það að
halda tryggð við eina konu ylli
erfiðleikum í hjónabandinu.
Karlmenn eru
trygglyndir
Þessir rúmlega þúsund menn
sem tóku þátt í könnuninni
virðast trygglyndir því 84%
þeirra höfðu aldrei haldið fram
hjá konunni sinni og ætluðu
ekki að gera það. 10% þessara
trygglyndu kappa höfðu af og til
verið við það að falla í freistni en
29% höfðu aldrei verið nálægt
því en 61% hafði ákaflega sjaldan
fundið fyrir því að aðrar konur
kveiktu með þeim losta. Hvað
varð þá til að halda aftur af þeim
þegar stund freistingarinnar
rann upp? Jú, 29% gátu ekki
hugsað sér að svíkja konuna
sína og hjúskaparheitið. 15%
voru hrædd um að upp um
framhjáhaldið kæmist og 25%
misstu alla löngun þegar á
hólminn var komið. Önnur svör
voru margvísleg. Sumir höfðu
verið truflaðir áður en hlutirnir
gengu of langt og aðrir áttuðu
sig á síðustu stundu.
Texti: Steingerður Steinarsdóttir
Viðhorf karla
til ástarinnar
Ein þeirra staðalímynda sem áberandi er í kvikmyndum
og sjónvarpsþáttum er karlinn sem óttist skuldbindingu
og það að fá karl til að fara á skeljarnar og biðja sér konu
þrautin þyngri. En skyldi það vera svo í raunveruleikanum?
Bandarísk rannsókn sem náði til ríflega þúsund karlmanna
á öllum aldri sýndi athyglisverðar niðurstöður.
www.itr.is sími 411 5000
SUND ER
FYRIR ALLA!