19. júní - 19.06.2008, Blaðsíða 36

34
Kvenréttindafélag Íslands hefur
verið aðili að samtökunum
síðan 1911. Þegar Bríet
Bjarnhéðinsdóttir sótti stofnþing
IAW í Berlín 1904, hvöttu
forsvarskonur samtakanna hana
til að stofna kvenréttindafélag
á Íslandi og gáfu henni góð ráð
þar að lútandi. Bríet stofnaði
síðan Kvenréttindafélag Íslands,
ásamt öðrum baráttukonum,
árið 1907 og á aldarafmæli
KRFÍ í fyrra þótti vel við hæfi
að senda veglega sendinefnd
frá Íslandi, þar sem KRFÍ hefur
í gegnum árin verið virkur
þátttakandi í starfi IAW. Fulltrúar
KRFÍ hafa margsinnis setið í
stjórn IAW og gegnt ýmsum
trúnaðarstörfum fyrir samtökin.
Einnig skiptir það verulegu máli
fyrir það aðildarfélag sem heldur
ársþingið hverju sinni að fá góða
þátttöku félagsaðila til að ná
betur eyrum eigin stjórnvalda þá
viku sem aðalþingið stendur.
Með góðum stuðningi
frá Forsætisráðuneyti,
Utanríkisráðuneyti og
Félagsmálaráðuneyti gafst KRFÍ
kostur á að senda þrjá fulltrúa
til Indlands, þær Þorbjörgu I.
Jónsdóttur formann KRFÍ, sem
einnig hefur setið í stjórn IAW
síðastliðin fimm ár, Margréti
Steinarsdóttur gjaldkera
KRFÍ, sem var í framboði til
stjórnar IAW og undirritaðan
framkvæmdastjóra félagsins. Auk
þeirra voru með í för Ásgerður
Jóna Flosadóttir, sem er fulltrúi
Frjálslynda flokksins í aðalstjórn
KRFÍ og er jafnframt með
einstaklingsaðild að IAW, og Elín
Jónsdóttir sem unnið hefur að
útgáfu 19. júní á undanförnum
árum. Þess má geta að yfir
helmingur félagsaðila IAW eru
einstaklingar en aðildarfélögin
hafa þó meira atkvæðavægi í
kosningum samtakanna sem og
við aðrar ákvarðanatökur.
IAW voru stofnuð til að berjast
fyrir kosningarétti kvenna. Í
gegnum árin hafa bæst við
þau baráttumál kvenna sem
vantað hefur upp á að konur
njóti réttar til jafns við karla.
Rúmum hundrað árum eftir
stofnun samtakanna eru enn
mörg baráttumál kvenna að
takast á við. Í Evrópu hafa
kvenréttindakonur sett mansal,
vændi, jafnlaunamálin og aukna
þátttöku kvenna í stjórnmálum,
stjórnun fyrirtækja og stofnana á
oddinn, á meðan konur í fátækari
löndum heimsins berjast oftar
fyrir almennum mannréttindum
s.s. bættri heilsu og menntun
kvenna og gegn kynbundnu-
og menningartengdu ofbeldi
ásamt fleiru. Samtökin hafa
ráðgefandi stöðu hjá ýmsum
alþjóðastofnunum, t.d. hjá
Sameinuðu þjóðunum
og eiga fulltrúa í stjórnum
og áheyrnarfulltrúa hjá
alþjóðasamtökum- og
stofnunum líkt og hjá
Evrópuráðinu og Alþjóða
stríðsglæpadómstólnum.

Þing IAW er sá vettvangur þar
sem konum hvaðanæva úr
heiminum gefst kostur á að
skiptast á skoðunum og reynslu
og álykta um helstu baráttumál
samtakanna og aðildarfélaga
þeirra. Þátttakendur á þinginu í
Nýju Delhí komu alls staðar að úr
heiminum, þó flestir frá Suður-
Asíu og Evrópu.
Skipulag þingsins og dagskrá
fyrir gestina var einstaklega
gott. Ekki vorum við íslensku
þátttakendurnir þó hrifnir af
þeim húsakynnum sem í boði
voru. Annars vegar var um að
ræða ráðstefnusetrið, Gandhi
Darshan sem er fræða- og
friðarsetur tileinkað þjóðhetju
Indlands Mahatma Gandhi og
hinsvegar voru nokkur hótel
í boði. Íslenska sendinefndin
hafði bókað herbergi á einu
hótelanna en þegar á hólminn
var komið reyndust þau herbergi
sem okkur voru úthlutuð
ekki íbúðarhæf. Herbergin á
ráðstefnusetrinu voru uppbókuð
og voru þá góð ráð dýr. Úr varð
að fara inn á hótel sem var
vissulega í öðrum verðklassa
en reiknað hafði verið með en
ómetanlegt að geta komið
á kvöldin eftir langa daga á
þinginu.
Sú dagskrá sem gestum þingsins
var boðið upp á utan þingsins
var glæsileg. Var okkur til að
mynda boðið til allra helstu
mektarmanna Indlands, þar á
meðal forseta landsins, Pratibha
Patil, sem er fyrsta konan sem
gegnir því embætti. Þess má
geta að Indland hefur líka átt
kvenkyns forsætisráðherra, Indiru
FULLTRÚAR
KVENRÉTTINDAFÉLAGS
ÍSLANDS Á AÐALÞINGI
IAW Á INDLANDI
34. aðalþing alþjóðlegu
kvennabaráttusamtakanna International Alliance
of Women (IAW) var haldið í Nýju Delhí á
Indlandi í október 2007 en aðalþing samtakanna
er haldið á þriggja ára fresti.