Dagblaðið Vísir - DV - 28.12.2007, Page 26

26 FÖSTUDAGUR 28. DESEMBER 2007
Helgarblað DV
HVAÐ KITLAÐIHJARTAÐ?
Fegurðarsmiðir landsins voru
iðnir við kolann á árinu sem
leið. Listamenn hafa víst at-
vinnu af því að skjóta ljósi í
hjartagarma samferðamanna
sinna, plotta stemningar sem
þenja hversdagsleikann út og
gæða hann spennu sem við ann-
ars færum á mis við. DV spjall-
aði við Birtu Guðjónsdóttur
myndlistarmann og sýningar-
stjóra og listamanninn Ragnar
Kjartansson sem nýverið var
valinn fulltrúi íslands á Fen-
eyjatvíæringnum 2009, um það
sem snerti við þeim eða þeim
þótti minnisstæðast í íslenskri
mvndlist á árinu sem leið.
„Guð" Sýning Ragnars Kjartans-
sonar i Nýlistasafninu i haust.

Birta Guðjónsdóttir
Myndlistarmaður og safnstjóri.
Sýning Heklu Daggar Jónsdótt-
ur Liminality-Alveg á mörkunum
sem opnaði í Nýlistasafninu 28. júní
var glæsileg. Á sýningunni skapaði
Hekla eins konar töfrum gæddan
griðastað þar sem perlur og bálkestir
vöktu draumkennd hughrif. Nýlista-
safnið heldur upp á 30 ára afmæli sitt
á næsta ári en þá verður geysilega
merkilegri safneign þess gert hátt
undir höfði með veglegri dagskrá allt
árið.
Þá var yfirlitssýning Gjörninga-
klúbbsins í Listasafni Reykjavíkur
afar mögnuð. Bæði var forvitnilegt
að sjá hversu afkastamiklar stúlkurn-
ar hafa verið á ferli sínum, en einn-
ig var eftirtektarvert hversu listilega
sýningin var kompóseruð utan um
töfrandi verkin. Sýningin var enda
tilnefnd til fslensku byggingarlista-
verðlaunanna sem veitt voru í fyrsta
sinn á árinu. Gjörningaklúbburinn
veitti einnig Green Leaf verðlaunun-
um viðtöku í Osló á árinu.
Yfirlitssýning Hreins Friðfinns-
sonar sem stendur nú yfir í Hafnar-
húsinu er hrífandi leiðangur um feril
þessa farsæla listamanns. Þar er gott
að sigla um sali og hleypa huganum
yfir skýin.
Aðrar vel heppnaðar sýningar
á liðnu ári sem vert er að nefna er
sýning Magnúsar Pálssonar í Gallerí
i8, Minning Þórarins Neíjólfssonar,
samsýningin Foss á Kjarvalsstöðum
og krassandi veröld Kolbeins Huga
Höskuldssonar á sýningu hans Still
Drinking About You þar sem Nýlista-
safnið fékk dramatíska andlitslyft-
ingu. Dagskrá Gallerí 101 var býsna
kræsileg yfir árið, en þar var einblínt
á unga ffamsækna listamenn á borð
við Helga Þórsson og Söru Riel sem
talsvert hefur kveðið að undanfarið.
Tímalistahátíðin Sequences er auk
þess minnistæð. Hátíðin var haldin
í annað sinn í október sem leið og
þræddi anga sína um miðborgina
gjörvalla.
„Ansi viðburðaríkt ár í mynd-
listinni"
„Mér kemur reyndar strax í hug
allt sem myndlistarlífið missti á árinu,
fólk og rými," segir Birta Guðjónsdótt-
ir myndlistarmaður og sýningarstjóri.
„Það sem kemur sterkast upp í hug-
ann er þegar myndlistin missti Birgi
Andrésson. Það var mjög þungt reið-
arslag á myndlistarárinu en það sem
þó var fallegt ( því var hvernig sam-
eining myndlistarfólks sýndi sig í því
sorgarferíi." Birta hefur verið sýning-
arstjóri á Safni við Laugaveg í þrjú ár
Kolbeinn Hugi Frá gjörningi Kolbeins f
Nýlistasafninu af tilefni sýningar hans
„Still drinking about you".
Ragnar Kjartansson
Sigri hrósandi.
og starfar einnig sem myndlistarmað-
ur. Hún segir miklar sviptingar vera í
íslenskri myndlist um þessar mund-
ir. „Það eru helst allar þessar hróker-
ingar í myndlistinni sem koma upp í
hugann og svona hvað landslagið er
að breytast mikið," segir Birta og bæt-
ir við: „Til dæmis það að bæði Kling &
Bang og Safn fari úr sínu húsnæði á
árinu en líka að nýtt myndlistargallerí
opnaði á árinu; Gallerí Ágúst. Góðar
fféttir sem eru mér ofarlega í huga eru
þau tvö listtímarit sem komu fram á
prenti á árinu. Annars vegar Sjónauki
sem mér finnst æðislega flott, vel gert
og metnaðarfullt tímarit sem á fram-
tíðina fýrir sér. Hins vegar listtímarit-
ið LIST, sem er gert út sem nettíma-
rit og gefið út af Kynningarmiðstöð
íslenskrar myndlistar og var prentað
í fýrsta sinn að tilefni sýningar Stein-
gríms Eyfjörð á Feneyjatvíæringnum.
Það var ansi gott. Svo finnst mér ff am-
takið að opna hina nýju listbókverka-
búð, Útúrdúr, líka skipta miklu máli.
Þegar upp er staðið var þetta í raun
býsna viðburðaríkt ár í myndlistinni
því mikilvægum fræjum var sáð sem
munu blómstra á næsta ári, í ýmsum
myndum, svo maður setji sig í völvu-
hlutverk," segir Birta en listbókverka-
búðin Útúrdúr var opnuð við Njáls-
götu 14 fyrir um tveimur vikum síðan
og er rekin af sex ungum listamönn-
um.
Aðspurð hvort henni þyki einhver
sýning standa uppúr segist hún ekki
vera sérstaklega hrifin af því að gera
„best of" lista þegar myndlist er ann-
ars vegar. „Það er reyndar ein sýn-
ing sem situr í mér og það er frábæra
sýningin hans Ragnars Kjartansson-
Glitperlur í Nýlistasafninu
Frá sýningu Heklu Daggar Jónsdóttur,
Liminality-Alveg á mörkunum í sumar.
ar í Nýlistasafninu, Guð. Mér finnst
hann afar vel valinn fulltrúi íslands
fýrir næsta Feneyja Tvíæring," segir
Birta.
List sem breytir lífinu
Ragnar gerði víðreist á árinu og
hélt sýningar víða um heim, en skyldi
eitthvað sérstakt hafa snert við þess-
um gullkálfi íslenskrar myndlistar á
árinu sem leið, öðru fremur?
„Það er eitt ljóð sem skaust í
hjarta mitt og breyttí árinu mínu,"
segir Ragnar.
Ljóðið sem um ræðir heitír Au-
tobiographia Literaria og er eftír
bandaríska skáldið Frank O' Hara.
Þegarégvarbarn
Lék ég mér í útjaðri leikvallarins
Aleinn.
Ég þoldi ekki dúkkur og ég
Þoldi ekki leiki, dýr voru
Óvinsamleg ogfuglar
flugu á brott
Efeinhverfór að leita að mér
faldi égmigá bak við
tré og öskraði: “ég er
munaðarleysingi."
Oghérerég,
miðpunktur fegurðarinnar!
að skrifa þessi Ijóð!
Að hugsa sér.
„Þetta ljóð sprengdi upp hausinn
á mér með sínum heiðarlega sjálfs-
ánægju húmor" segir Ragnar en
hvernig skyldi komandi ár leggjast í
hann: „Massavel, það er ekki hægt að
segja annað," segir Ragnar. „Ég verð
„miðpunktur fegurðarinnar," eins
og segir í ljóðinu," bætír hann við
hlæjandi en næsta ár fer að mestu í
að undirbúa sýninguna í Feneyjum
sem síðan opnar vorið 2009. „Það er
óhætt að segja að þessi sýning sé það
langstærsta sem ég hef komist með
puttana í."