Tímarit hjúkrunarfræðinga - 01.10.2010, Síða 14

Tímarit hjúkrunarfræ›inga – 4. tbl. 86. árg. 201010
TVÆR KONUR
2 JÁKVÆÐARNÝJUNGAR
Ráðlagt af meltingarlæknum og heilsusérfræðingum
Detox
Sykurveiðarinn Suco Bloc. 180 töflur.
Hentar öllum, stöðvar sykurinn
áður en hann verður að fitu.
STÖÐVIÐ SYKUR
OG KOLVETNI
NÝJUNG! BRENNIÐ FITU
30 Days
120 töflur ásamt
samnefndu
kremi vinnur á
appelsínuhúð.
30 Days (120 töflur)ásamt OxyTarm
(60 eða 150)töflur gegn kviðfitu
gefur 35% meiri virkni.
Valin
heils
uvara
ársin
s
2008
&
B e t r i a p ó t e k i n o g M a ð u r l i f a n d i w w w . s o l o g h e i l s a . i s
Panama og víðar, eldgos í Indónesíu.
Það eru rétt átta mánuðir liðnir af árinu
og allar þessar hamfarir. Ég hvet alla til
að snúa sér til Rauða krossins og taka
þátt í þessu starfi, hvort sem það er
með vinnu eða fjárstuðningi. Það má
ekki gleymast að hörmungar halda lengi
áfram að hrjá fólk þar sem hamfarir hafa
dunið yfir og löngu eftir að fjölmiðlar hafa
hætt að fjalla um þær. Fjárstuðningur
skiptir öllu til að halda starfinu áfram,“
segir hún.
Ekki hefðbundin leið
Margrét, sem er fædd árið 1962, fór ekki
hefðbundna leið í hjúkrun. Hún sótti um í
gamla Hjúkrunarskólanum þegar hún var
nítján ára. Þorbjörg Jónsdóttir, þáverandi
skólastjóri, neitaði henni um inngöngu á
þeim forsendum að eitthvað vantaði upp
á eðlis­ eða efnafræðikunnáttu. „Henni
fannst að ég þyrfti að taka einn áfanga til
viðbótar. Það var til þess að tíu ára hlé varð
á náminu. Ég tók sjúkraliðanám meðfram
fjölbrautanámi, eins og algengt er. Þá
vann ég sem sjúkraliði á Landspítalanum
á gigtar­ og nýrnadeildinni en flutti síðan
til Danmerkur og starfaði við fagið þar. Ég
byrjaði raunar fyrst að vinna við umönnun
í Danmörku þegar ég var sextán ára
en ég fór út á hverju sumri og vann í
skólafríum á hjúkrunarheimili.“
Margrét bjó á grísku eyjunni Ródos í fimm
ár. Hún giftist Grikkja árið 1985 og starfaði
sem fararstjóri fyrir Samvinnuferðir –
Landsýn í Grikklandi. Hjónabandið entist
ekki og Margrét flutti heim. „Mér líkaði vel
að búa á Grikklandi. Grikkir eru hlýir og
skemmtilegir. Ég lærði að búa til grískan
mat hjá tengdamóður minni og ýmsir þeir
réttir eru enn ómissandi af matseðlinum
heima hjá mér.“ segir Margrét.
Margrét á vinkonur á Grikklandi en hún
hefur ekki mikið samband við landið
nema í gegnum tengdafólk sitt þar. Hún
stefnir þó á að fara þangað næsta sumar
með dóttur sinni.
Frá börnum til aldraðra
„Ég var þrítug þegar ég hóf nám í hjúkrun
við Háskóla Íslands. Ég útskrifaðist árið
1996 og fór þá að vinna við ungbarnaeftirlit
á Heilsuverndarstöðinni en þar hafði ég
verið í verknámi. Það var ómetanleg
reynsla. Síðan fór ég að vinna sem
deildarstjóri á hjúkrunarheimilinu Grund.
Þar starfaði ég í tvö ár. Það var góður
tími. Mér finnst gott að vera innan um
gamalt fólk. Ég starfaði á svokölluðum
Frúargangi þar sem einungis voru konur.
Gangurinn var nefndur eftir frú Helgu,
eiginkonu Gísla Sigurbjörnssonar og
móður Guðrúnar, núverandi forstjóra.
Mér líkaði vel við heimilisbraginn sem
þar ríkti en fannst svo vera kominn tími
til að sinna bráðahjúkrun og hóf þá störf
á slysa­ og bráðamóttökunni á LSH í
Fossvoginum. Eftir eitt ár þar var mér
boðið að koma aftur á Grund og taka
við stöðu framkvæmdarstjóra hjúkrunar
sem ég þáði. Í því starfi var ég í þrjú ár
og á sama tíma tók ég diplómanámið í
Stjórnun og rekstri í heilbrigðisþjónustu
í Endumenntun HÍ. Þá fór ég aftur á
slysadeildina og var þar þangað til ég fór
í framhaldsnám til Bandaríkjanna,“ segir
Margrét.
Hún fór til Bandaríkjanna árið 2003 í
meistaranám í Health Systems
Administration við Georgetown háskólann
í Washingtonborg. Eftir námið sótti hún
um stöðu hjá Sameinuðu þjóðunum í
New York. Þar starfaði hún í tvö ár sem
hjúkrunarfræðingur á heilsugæslustöð.
„Þá fór ég að huga að heimferð og þá
kom starfið á taugalækningadeildinni upp
í hendurnar á mér. Þetta er mjög krefjandi
en jafnframt ánægjulegt starf. Starfsemin
á spítalanum er að breytast mikið þannig
að einungis veikustu einstaklingarnir eru
lagðir inn. Dag­ og göngudeildir eru
nýttar fyrir fólk sem á árum áður hefði
verið í innlögn. Við erum með dagdeild
taugalækninga sem við höfum verið að
efla mikið og flytur í betra húsnæði í
næsta mánuði. Sú aðstaða mun bæta
þjónustu við skjólstæðinga okkar afar
mikið. Sjúklingar, sem koma til okkar,
eru með heilaslag, flogaveiki, MS, MND,
parkinsonssjúkdóm, úttaugamein og
fleiri sjúkdóma frá heila­ og taugakerfi.
Þetta eru flóknir sjúkdómar sem
þarnast mikillar sérhæfingar í meðferð
og hjúkrun. Á deildinni vinnur sterkur
og samhentur hópur. Góður kjarni af
hjúkrunarfræðingum, sjúkraliðum og
læknum. Teymisvinnan er mikilvæg þar
sem ýmsar fagstéttir koma að meðferðinni.
Það sést vel á teymisfundunum okkar
sem eru tvisvar í viku en þá bætast við
áðurnefndan hóp sjúkraþjálfarar, iðjuþjálfi,
talmeinafræðingur, næringarfræðingur
og félagsráðgjafi. Það er mjög mikilvægt
fyrir sjúklinga okkar að fá endurhæfingu
frá fyrsta degi og við leggjum mikla
áherslu á hana. Mér finnst mjög gefandi
að vinna með þessu góða fagfólki og
allir eru tilbúnir til að leggja sig fram um
að bæta lífskjör þessara sjúklinga,“ segir
Margrét Rögn Hafsteinsdóttir.
Tjaldsjúkrahúsið í Port Au Prince.