Tímarit hjúkrunarfræðinga - 01.10.2010, Blaðsíða 23
Tímarit hjúkrunarfræ›inga – 4. tbl. 86. árg. 2010 19
Nú klæðum við áleggið okkar í gull
...því það á það svo sannarlega skilið
frumu meðferð á Land spítala. Hún var í hópi þeirra sem stofnaðu
fag deild krabba meinshjúkrunarfræðinga og var um tíma formaður
hennar. Þá er Þórunn félagi í evrópskum og norrænum samtökum
hjúkrunarfræðinga sem starfa við blóð og beinmergsígræðslur og
á sæti i vísindanefnd evrópsku samtakanna. Hún á tvö uppkomin
börn. „Áhugamál mín utan vinnu eru líkamsrækt eða bara öll hreyfing,
argentískur tangó, ítölsk menning og matargerð,“ segir hún.
„Ég hef áhuga á að efla sérgreinina, jafnt í klíník og hvað varðar menntun
hjúkrunarfræðinga,“ segir Þórunn. „Sjúklinga hópurinn er stækkandi og
það vantar fleiri hjúkrunarfræðinga með sérhæfða þekkingu í krabba
meinshjúkrun. Skortur á hjúkrunarfræðingum er áhyggju efni.“ Staða
sérfræðinga í hjúkrun er henni hugleikin. „Félagið þarf að styðja við
þróun sérgreina og einnig styðja við sérfræðiþekkingu og eflingu
sérfræðinga í hjúkrun og vísindastarfa þeirra.“ Staða heilbrigðismála í
heild, niðurskurður og öryggi sjúklinga og gæði þjónustunnar er einnig
mikið áhyggjuefni eins og aukin kostnaðarþátttaka sjúklinga. „Víða er
fjárhagur fjölskyldna orðinn það aðþrengdur að hætt er við að fólk þurfi
að fara að velja hvort það hafi efni á heilbrigðisþjónustu,“ segir Þórunn
að lokum.
Nú er um eitt og hálft ár síðan 18 manna stjórn tók fyrst til starfa.
Elsa B. Friðfinns dóttir, formaður félagsins, segir að í raun hafi
fyrsta starfsárið farið í að aðlagast þessum breytingum. Stjórnin er
nú tvöfalt stærri en hún var, fundir eru mun sjaldnar og verkefnin
eru önnur. Megin breytingin er sú að nú eru nær allir stjórnarmenn
fulltrúar ákveðinna hópa, það er svæðisdeilda eða fagdeilda. Þessir
fulltrúar hafa komið sér upp samstarfs og samráðsvettvangi við
stjórnir deildanna sem þeir eru fulltrúar fyrir. Þannig ættu boðleiðir
milli félagsmanna og stjórnar að hafa styst. Elsa nefnir einnig að nú
afgreiði framkvæmdaráð öll smærri erindi þannig að stjórnin geti
einbeitt sér að stærri málum sem eru á einhvern hátt stefnumarkandi.
Hún vonar að með fulltrúum deilda félagsins í stjórn finni hver og einn
félagsmaður fyrir því að hann geti haft meiri áhrif en áður var á stefnu
og störf félagsins.
Þórunn
Sævarsdóttir