Tímarit hjúkrunarfræðinga - 01.10.2010, Blaðsíða 20

Tímarit hjúkrunarfræ›inga – 4. tbl. 86. árg. 201016
Eftirmynd af málverkinu hangir nú í Ljósmæðraskólanum. Við
hliðina af Þórunni er annað málverk eftir Eggert Guðmundsson
en það er af Guðrúnu Magnúsdóttur yfirljósmóður.
Þetta fallega málverk fannst á skrifstofu Hovedstadens
Sygehusfælleskab í Kaupmannahöfn. Verið var að undirbúa útgáfu
bókarinnar „Sygeplejersken i kunsten“ en Dansk Sygeplejeråd gaf
hana út 1999. Einhver benti þá á þetta málverk. Enginn vissi hver
hefði málað það eða hver fyrirsætan var. En þegar nánar er að gáð
sést að hún ber félagsmerki Félags íslenskra hjúkrunarkvenna.
MYNDASAGA
Haft var samband við Félag íslenskra hjúkrunarfræðinga og á fundi í öldunga­
deild tók ekki langan tíma að leysa gátuna. Fyrirsætan er Þórunn Þorsteins dóttir
en hún var 26 ára þegar Eggert Guðmundsson listmálari málaði myndina 1936.
Þórunn hafði þá hjúkrað konu Eggerts í einhvern tíma. Sagan segir að Þórunn
hafi þurft að fá leyfi yfirlæknis til þess að fara í búningi út í bæ en vinnustofa
Eggerts var í miðbæ Reykjavíkur.
Þórunn Þorsteinsdóttir var fædd 1910 í Vestmannaeyjum og útskrifaðist úr
Hjúkrunarkvennaskólanum 1933. Þegar myndin var máluð vann hún á hand­
lækninga deild á Landspítalanum en 1948 gerðist hún deildarhjúkrunarkona á
kvensjúkdómadeild og starfaði þar allar götur síðan. Hún lést 1973. Árið 1976
málaði Eggert Guðmundsson myndina aftur eftir minni og hangir sú mynd nú á
fjórðu hæð í Ljósmæðraskólanum. Upphaflega myndin er enn í Kaupmannahöfn.
Þorgerður Ragnarsdóttir, þáverandi ritstjóri, skrifaði grein um málverkið í Tímarit
hjúkrunar fræðinga 1997, sama ár og fyrirspurn um myndina barst frá Danmörku.
Þar kemur einnig fram að Þórunn hefði lánað andlit sitt á styttu af íslenskri
hjúkrunarkonu en hana gerði Guðmundur frá Miðdal fyrir 25 ára afmæli Félags
íslenskra hjúkrunarkvenna 1944.
Félagsmerki Félags
íslenskra hjúkrunarkvenna
kom útgefendum dönsku
listabókarinnar á sporið.