Tímarit hjúkrunarfræðinga - 01.10.2010, Blaðsíða 42
Tímarit hjúkrunarfræ›inga – 4. tbl. 86. árg. 201038
Aðalbjörg Finnbogadóttir, adalbjorg@hjukrun.is
HUGSUM UM HEILSUNA
Heilsueflingarátak Félags íslenskra hjúkrunarfræðinga
Félag íslenskra hjúkrunarfræðinga gengst fyrir heilsueflingarátaki meðal
félagsmanna sinna nú í vetur. Aðaláherslan verður lögð á bætta heilsu og
vellíðan til lengri tíma sem næst með breyttum og bættum lífsstíl.
Upphaf þessa átaks má rekja til þess
að dr. Sólfríður Guðmundsdóttir kom
á fund félagsins síðastliðið vor með
hugmynd að samstarfsverkefni félagsins
og heilbrigðisyfirvalda um „forvarnir og
heilsueflingu samfélagsins“. Sólfríður var
þá búin að ganga á milli þeirra sem valdið
hafa í kerfinu, fengið áheyrn en síðan
ekki söguna meir. Formanni félagsins,
sviðstjóra fagsviðs og síðar stjórn félagsins
leist afar vel á hugmyndina, bæði í ljósi
stefnu stjórnvalda um eflingu forvarna, en
ekki síður í ljósi tilgangs og stefnu félagsins
að stuðla að auknu heilbrigði landsmanna.
Félag íslenskra hjúkrunarfræðinga
bauð fyrrverandi heilbrigðisráðherra,
Álfheiði Ingadóttur, til samstarfs um
verkefnið þar sem félagið legði fram
forustu, framkvæmdastjórn og fjármagn
til verkefnisins en á móti skyldi koma
stuðningur og samstarf heilbrigðisráðherra
og ráðuneytis. Þar sem ekki fékkst
samstarf við heilbrigðisráðuneytið um
verkefnið né styrkur úr forvarnarsjóði,
sem sótt var um á vordögum, var ákveðið
að fá Sólfríði til liðs við félagið og úr
varð verkefni sem nefnist „Hugsum um
heilsuna“ og er heilsueflingarátak meðal
hjúkrunarfræðinga.
Heilsuþing
Átakið hófst með Heilsuþingi hjúkrunar
fæðinga sem haldið var 24. september
síðastliðinn. Tilgangur þess var fyrst og
fremst að vekja hjúkrunarfræðinga til
umhugsunar um mikilvægi heilsueflingar
og hvetja þá til að hugsa vel um eigin
heilsu og vera góð fyrirmynd. Á þinginu
var boðið upp á ávörp, fyrirlestra og
umræður þátttakenda og var það vel sótt.
Í fyrirlestrunum var fjallað um hvernig bæta
má eigin heilsu og auka vellíðan til lengri
tíma, hvernig skuli taka ábyrgð á eigin
heilsu og sýna gott fordæmi og að lokum
hvert skuli vera hlutverk hjúkrunarfræðinga
í heilsueflingu landsmanna. Þinggestir tóku
þátt í umræðuhópum þar sem rætt var
um helstu þætti sem hindra góða heilsu
hjúkrunarfræðinga og almennings og
úrræði til eigin heilsueflingar og annarra.
Í lok þingsins sýndi hópur glæsilegra
eldri kvenna úr Hressingarleikfimihópnum
leikfimi undir stjórn Ástbjargar
Gunnarsdóttur. Það var þinggestum þörf
áminning sem sýndi svo ekki verður um
villst að heilbrigður lífsstíll bætir lífi við árin
en ekki eingöngu árum við lífið.
Í framhaldi af Heilsuþinginu verður
boðið upp á heilsueflandi námskeið
fyrir hjúkrunarfræðinga sem dr. Só lfríður
Guðmundsdóttir hefur um sjón með. Í
framhaldi af því verður leiðbeinenda
námskeið fyrir þá hjúkrunar fræðinga sem
vilja gerast „heilsuboðar“ fyrir almenning
og halda sjálfir heilsunámskeið með
námsefni sem hannað hefur verið með
tilliti til þess að auka andlega, líkamlega
og félagslega velferð. Greinaflokkur um
hvetjandi og letjandi áhrifaþætti á heilsufar
verður í Tímariti hjúkrunarfræðinga og
margt fleira stendur til sem verður kynnt
jafnóðum á vefsvæði félagsins.
Heilbrigð sál í hraustum líkama
Hjúkrunarfræðingar sjálfir eru mikil væg
asta tækið sem þeir vinna með. Það
tæki þarf að vera í lagi til að þeir geti
hjálpað öðrum. Oft vill það brenna við
að þeir sem eru stöðugt að vinna með
heilsu annarra vilja gleyma sjálfum sér í
erli dagsins. Hjúkrunarfræðingar þurfa
að vera líkamlega vel á sig komnir til að
standa undir því álagi sem fylgir starfinu.
„Heilbrigð sál í hraustum líkama“ ætti að
vera eitt af kjörorðum hjúkrunarfræðinga.
Nú á tímum er til næg gagnreynd þekking
á því hvernig einstaklingur getur viðhaldið
og eflt eigin heilsu og fyrirbyggt helstu
sjúkdóma sem hrjá íbúa Vesturlanda, það
er hjarta og æðsjúkdóma, sykursýki og
Heilsusamlegar veitingar.
Heilsuvörur auglýstar á heilsuþinginu.