Morgunblaðið - 02.09.2015, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 2. SEPTEMBER 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Vel hefur viðrað á höfuðborgarsvæðinu að undanförnu til að viðra
heimilishunda og sjálfan sig í leiðinni. Konan á myndinni rölti við
Ægisíðuna er ljósmyndari Morgunblaðsins átti þar leið um.
Hún var vel útbúin og með allt sem þarf til að hreinsa upp eftir hundinn.
Enn var smá dögg á grasinu og því betra að vera í stígvélum. Veðurstofan
spáir vætusamara veðri næstu daga á höfuðborgarsvæðinu en verið hefur.
Morgunblaðið/Eggert
Vel viðrar til að viðra heimilishundinn
Bjarni Steinar Ottósson
bso@mbl.is
Fundi í kjaradeilu ríkisins við SFR
og stéttarfélög sjúkraliða og lög-
reglumanna var slitið án árangurs í
gær. Samninganefnd ríkisins bar
þar fram gagntilboð við kröfu félag-
anna um sambærilegar launahækk-
anir við þær sem Bandalagi háskóla-
manna og hjúkrunarfræðingum voru
dæmdar í gerðardómi.
Sjúkraliða lengir eftir
samningi
Tilboð ríkisins þótti ekki breyta í
meginatriðum frá því sem ríkið lagði
fram í júní. Það væri óviðunandi fyr-
ir félagsmenn og einsýnt að þeir
myndu fella alla samninga í at-
kvæðagreiðslu sem fælu í sér lægri
hækkanir en dæmdar voru BHM og
hjúkrunarfræðingum. Næst verður
fundað í deilunni í næstu viku.
Kristín Á. Guðmundsdóttir, for-
maður Sjúkraliðafélags Íslands, seg-
ir ríkið á hlaupum frá niðurstöðu
gerðardóms. „Samninganefnd ríkis-
ins hefur ekkert fært sig nær kröfum
okkar síðan í sumar. Þá var væntan-
legt að deila BHM og hjúkrunar-
fræðinga færi í gerðardóm og þá
vildu þeir bíða og sjá. Þeir bjuggust
við að gerðardómur gæfi lítið og þá
hefðu þeir eitthvað í höndunum sem
þeir gætu boðið okkur. Þegar
gerðardómur fer fram úr vænting-
um þeirra vilja þeir hins vegar ekki á
það hlusta.“
Kristín segir þolinmæði sjúkraliða
vera á þrotum. „Marga sjúkraliða
lengir eftir samningi, sem hefur
dregist á langinn að gera, en samn-
ingar hafa verið lausir síðan í apríl.
Margir hafa komið að máli við félag-
ið og krafist þess að farið verði í að-
gerðir. Við höfum viljað ná samning-
um án þess að þurfa að fara í hart en
ég veit ekki hvaða dans ríkið er að
bjóða upp í núna. Ef þörf er á að-
gerðum til þess að knýja fram samn-
inga verður það skoðað.“
Kristín segist ekki vilja sjá kjara-
mál félagsmanna sinna fara fyrir
gerðardóm. Það sé ekki eftirsóknar-
vert að samningsrétturinn sé tekinn
af heilum stéttum.
Um 10-12% ber á milli
Árni Stefán Jónsson, formaður
SFR, segir félögin miða við launa-
hækkanir upp á um 28-30% á fjórum
árum til samræmis við niðurstöðu
gerðardóms í málum BHM og hjúkr-
unarfræðinga. Gróflega áætlað sé
tilboð ríkisins um 10-12% lægra en
krafist sé.
Árni segir ríkinu ekki stætt á því
að miða við samninga á almennum
vinnumarkaði. „Þeir halda því fram
með þessu tilboði að þetta sé launa-
stefna ríkisins, að fylgja almennum
markaði eftir. Við svörum því til að
þeir hafi ekki samið við nokkurn
mann út frá þessari stefnu. Þeir hafi
hins vegar samið við lækna og fram-
haldsskólakennara og gerðardómur
fallið í öðrum málum og þær niður-
stöður eru alls ekki í takt við þessa
launastefnu sem þeir birta okkur.“
Bætur fyrir vaktavinnu
Eitt áhersluatriði félaganna í
samningaviðræðunum er lagfæring
á kjörum vaktavinnufólks sem býr
ekki við reglubundin vaktavinnu-
kerfi heldur gengur inn í mislangar
vaktir, að sögn Árna. „Þetta eru ekki
fyrstu samningarnir þar sem þetta
er rætt í sambandi við rammann ut-
an um vaktavinnu en það hefur
gengið mjög illa hingað til.“
Sjúkraliðar íhuga aðgerðir
 Sjúkraliðar, lögreglumenn og SFR krefjast sömu launahækkunar og hjúkrunarfræðingar og BHM
 Fullviss um að félagsmenn felli í atkvæðagreiðslu kjarasamninga um minni launahækkanir
Kristín Á.
Guðmundsdóttir
Árni Stefán
Jónsson
Gunnar Dofri Ólafsson
gunnardofri@mbl.is
Uppsagnir 17 geislafræðinga komu til
framkvæmda á Landspítalanum í
gær, en 77 geislafræðingar störfuðu
áður á spítalanum. Aðeins einn
geislafræðingur af þeim 18 sem
sögðu upp dró uppsögn sína til
baka, en tveir nýir geislafræð-
ingar hafa verið ráðnir inn á
spítalann. Það þýðir að enn
vantar 15 geislafræðinga til
starfa á spítalanum, en þó
er ekki um 15 stöðugildi
að ræða. Starfsemi
spítalans verður
áfram í hægagangi.
Páll Matthíasson,
forstjóri spítalans, segir starfsemi
röntgendeildar vissulega vera í hæga-
gangi en stjórnendur sviðsins ætluðu að
funda með geislafræðingum í gær og
ræða hvernig brugðist yrði við upp-
sögnum með því að endurskipuleggja
starfsemina þannig að áhrif uppsagn-
anna yrðu sem minnst.
„Síðan verða aftur auglýst störf
geislafræðinga sem sögðu upp, og við
hvetjum þá geislafræðinga sem sögðu
upp, og aðra, til að sækja um,“ segir
Páll. „Fyrst þurfum við að meta hvað við
getum gert með breyttu skipulagi og
hversu marga við fáum til baka þegar
við auglýsum upp á nýtt.“
Hann segir inni í myndinni að reyna
að fá fólk frá útlöndum í störfin.
„Það er hægt en við kjósum frekar að
hafa okkar eigið fólk. Hins vegar verð-
um við auðvitað að bera virðingu fyrir
uppsögnunum,“ sagði Páll í samtali við
mbl.is í gær. Ekki náðist í forsvarsmenn
spítalans eftir fundinn í gær.
Uppsögn eins geislafræðings
á spítalanum dregin til baka
 Stjórnendur röntgendeildar funduðu með geislafræðingum
Morgunblaðið/Golli
Hægagangur Starfsemi röntgendeildar
gengur nú hægt fyrir sig að sögn Páls.
Fylgi Samfylkingarinnar er 9%
samkvæmt nýjum þjóðarpúlsi Gall-
up og hefur ekki verið minna í 17
ár, eða frá því í maí 1998, ári fyrir
fyrstu þingkosningarnar sem flokk-
urinn bauð fram í. RÚV greindi frá
þessu í gær. Sjálfstæðis-
flokkurinn er með 21,6%
fylgi og hefur stuðningur
við flokkinn ekki verið
minni síðan í nóvember
2008. Píratar njóta
sem fyrr mests
stuðnings, eða með
36% í könnun
Gallup. Fram-
sókn er með
11%, VG 12%
og Björt
framtíð
4,4%.
Samfylkingin ekki
mælst neðar í 17 ár