Morgunblaðið - 02.09.2015, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 2. SEPTEMBER 2015
SVIÐSLJÓS
Benedikt Bóas
benedikt@mbl.is
Þann 15. júlí biðu 5.723 einstaklingar
eftir skurðaðgerð en þar af höfðu um
4.000 beðið lengur en þrjá mánuði.
Biðlistar eftir aðgerðum lengdust
umtalsvert meðan á verkföllum heil-
brigðisstarfsfólks stóð síðastliðinn
vetur. Þann 15. júlí árið 2014 voru
4.545 manns á sama lista. Kristján
Þór Júlíusson heilbrigðisráðherra
kynnti á fundi ríkisstjórnar í gær
áætlun um átak til að stytta listana.
Mun heilbrigðisráðherra í samvinnu
við Bjarna Benediktsson fjármála-
ráðherra gera tillögur um fjármögn-
un slíks verkefnis, en áætlaður
kostnaður er um 1.260 milljónir
króna. Alls fara 1.165 milljónir króna
í kostnað við styttingu biðlista en við
þessa tölu bætist kostnaður vegna
endurhæfingar og sjúkraþjálfunar
auk heimahjúkrunar að fjárhæð 95
milljónir króna.
Skortur á hjúkrunarrými
Helga H. Bjarnadóttir, deildar-
stjóri á hagdeild og fjármálasviði
Landspítalans, segir að verkfall
lækna og BHM hafi sett strik í reikn-
inginn. „Aukning á milli ára er 26%
sem kemur til vegna verkfalla lækna
og BHM. Þar fyrir utan eru aðstæð-
ur eins og vaxandi fráflæðisvandi
spítalans sem hefur líka áhrif. Aldr-
aðir einstaklingar lenda í því að bíða
hér inni eftir að virkri meðferð ljúki
vegna þess að hjúkrunarrými eða
heimaþjónustu skortir. Þetta er
vandi sem spítalinn hefur verið að
kljást mikið við síðustu ár og var
komið á móts við með opnun deildar
á Vífilsstöðum en við höfum séð
aukningu á ný. En áhyggjurnar núna
eru afleiðingar verkfalla.“
Hinn raunverulegi biðlisti, þeirra
sem hafa beðið lengur eftir aðgerð í
meira en þrjá mánuði, lengdist um
37% á milli ára. Rúmlega 2.300 konur
hafa beðið lengur en þrjá mánuði eft-
ir aðgerð, á móti 1.667 körlum. Ef lit-
ið er til fjölda þeirra sem beðið höfðu
lengur en þrjá mánuði í júní síðast-
liðnum biðu 2.915 eftir skurðaðgerð á
augasteini, 598 biðu eftir gerviliðaað-
gerð á hné, 338 eftir gerviliðaaðgerð
á mjöðm og 102 biðu eftir hjarta- og/
eða kransæðamyndatöku og eru þar
kransæðavíkkanir meðtaldar. Þetta
er fjölgun miðað við sama tíma árið
2014 og getur biðtíminn verið allt að
þrjú ár. Löng bið dregur úr lífsgæð-
um fólks og þegar um er að ræða
hjartaaðgerðir getur löng bið verið
lífshættuleg. Sú staða er sögð óvið-
unandi og er það mat heilbrigðisráð-
herra að nauðsynlegt sé að stytta
biðlista og biðtíma og setja markið á
að sem flestir séu komnir í aðgerð
innan þriggja mánaða frá því að
beiðni um aðgerð er skrifuð.
Tillögurnar frá landlækni
Embætti landlæknis upplýsti heil-
brigðisráðherra nýverið um biðtíma.
Erindi heilbrigðisráðherra á fundi
ríkisstjórnarinnar byggist á tillögum
Embættis landlæknis þar sem horft
er bæði til biðtíma og sérstakrar
áhættu sem leiðir af bið eftir aðgerð.
Tillögurnar miða að því að stytta bið
eftir augasteinsaðgerðum, gerviliða-
aðgerðum á hné, gerviliðaaðgerðum
á mjöðm og loks hjarta- og/eða
kransæðamyndatöku.
Alls hefur 71% þeirra sem þurfa
skurðaðgerð beðið lengur en þrjá
mánuði, en samsvarandi hlutfall var
65% á sama tíma í fyrra.
Milljarður til að stytta bið
 Kristján Þór Júlíusson kynnti áætlun um átak til að stytta biðlista  4.036 hafa
beðið lengur en þrjá mánuði  Áætlaður kostnaður um 1.260 milljónir króna
Morgunblaðið/Ásdís
Margir bíða Biðlistar á Landspítalanum hafa lengst á vormánuðum vegna verkfalla. Ríkisstjórnin hefur sett um
1.260 milljónir króna í það verkefni að stytta listana. Tillagan er byggð á mati Embættis landlæknis.
5.723 bíða eftir aðgerð
Staða á biðlistum á Landspítala eftir deildum
2.000
1.600
1.200
800
400
0
Hja
rtad
eild
Öld
run
arlæ
kni
nga
r
Alm
. sk
urð
læk
nin
gar
Aug
nlæ
kni
nga
r
Brjó
tsh
olss
kur
ðlæ
kni
nga
r
Bæ
klu
nar
læk
nin
gar
Hál
s-n
ef o
g ey
rna
rlæ
kni
nga
r
Hei
la-
og
tau
gas
kur
ðlæ
kni
nga
r
Lýt
alæ
kni
nga
r
Þva
gfæ
ras
kur
ðlæ
kni
nga
r
Æð
ask
urð
læk
nin
gar
Kve
nsk
urð
læk
nin
gar
15. júlí 2014
15. júlí 2015
Beðið lengur en 3 mánuði
Bankamenn funduðu með viðsemj-
endum sínum í gær og annar fund-
ur er fyrirhugaður í dag. Friðbert
Traustason, framkvæmdastjóri
Samtaka starfsmanna fjármálafyr-
irtækja, segir að verið sé að ræða
útfærsluatriði innan þess ramma
sem kjarasamningar hafa náðst um
á undanförnum vikum. Er þetta
rætt í smærri hóp en áður undir
verkstjórn ríkissáttasemjara. „Það
hefur alla vega ekki slitnað enn upp
úr, þannig að við erum vongóðir um
framhaldið,“ sagði Friðbert í sam-
tali við Morgunblaðið.
Bankamenn hafa þrýst á viðsemj-
endur sína um að ljúka samningum
og bent á að aðgangur samtakanna
að vinnudeilusjóði sé afar sterkur
og nægi vel til að greiða full laun
félagsmanna í nokkrar vikur í verk-
falli. gudmundur@mbl.is
Bankamenn ræða
útfærsluatriði
Samsett mynd/Eggert
Bankar Enn ósamið við starfsmenn.
Kennslanefnd
ríkislögreglu-
stjóra hefur
greint lík manns
sem fannst í Lax-
árdal í Nesjum
við Hornafjörð í
ágúst sl. Staðfest
er að hinn látni
er Frakkinn
Florian Maurice
François Cendre,
19 ára. Vitað var um ferðir hans
eystra sl. haust en hann skilaði sér
ekki til baka, og gaf það vísbend-
ingar í málinu. Rannsókn verður
framhaldið hjá lögreglu á Suður-
landi.
Kennsl borin á lík í
Laxárdalnum eystra
Lögreglan Mál í
rannsókn.
Óánægja er meðal nokkurra for-
eldra nemenda við Vesturbæjar-
skóla í Reykjavík vegna fram-
kvæmda þar. Fyrsta skóflustunga
að stærra skólahúsi var tekin í sl.
viku og nú stendur jarðvegsvinna yf-
ir og verður næsta mánuðinn eða
svo. Meðal foreldra er það sjónarmið
uppi að jarðvinnan skapi rask sem
trufli nám. Þá skerði framkvæmdir á
lóðinni leiksvæði barna, þó að því
verði mætt með því að Vestur-
vallagata verður lokuð tímabundið
milli Hringbrautar og Ásvallagötu.
„Við erum ósátt við það hvernig að
þessu máli er staðið. Framkvæmdir
hefðu átt að hefjast í vor, þannig að
raskið fyrir börnin yrði sem minnst.
En það verður auðvitað að stækka
skólann. Hér í hverfinu eru allir að
eignast börn,“ sagði foreldri sem
hafði samband við Morgunblaðið.
Öryggi nemenda sé tryggt
Viðbyggingin við Vesturbæjar-
skóla verður 1.340 fermetrar og mun
hýsa hátíðarsal, matsal, tónmenntir
og kennslustofur. Auk viðbyggingar
verða gerðar breytingar á eldra hús-
næði skólans, svo sem bókasafni og
tölvuveri.
Áætlað er að þetta verði allt klárt
árið 2017.
„Ég skil alveg sjónarmið foreldra
sem hafa áhyggjur, en auðvitað er
reynt að haga þessari vinnu þannig
að öryggi nemenda verði sem best
tryggt,“ sagði Margrét Einarsdóttir,
skólastjóri Vesturbæjarskóla, í sam-
tali við Morgunblaðið í gær. Hún
sagðist vegna þessa hafa haldið for-
eldrum upplýstum og átt í góðu sam-
starfi við framkvæmdasvið Reykja-
víkurborgar. Úr þeim ranni kveðst
hún hafa þau svör að girðing sem
loki framkvæmdastað af verði sett
upp á allra næstu dögum og leik-
svæðið á Vesturvallagötu verði til-
búið strax í næstu viku. Þegar það sé
í höfn eigi mál að vera komin í
þokkalegan farveg. sbs@mbl.is
„Skil sjónarmið foreldra“
 Rask við stækkun Vesturbæjarskóla  Truflun og
þrengt að leiksvæðinu  Girðingar verða settar upp
Vesturbærinn Framkvæmdir við stækkun grunnskólahússins að hefjast.
Matsmenn vinna enn að því að meta
umfang þess tjóns sem varð á Siglu-
firði eftir vatnselginn sem skolaði yf-
ir bæinn í síðustu viku. Fjórir mats-
menn eru á svæðinu og hafa farið í
nokkrar tjónaskoðanir. Þó er ljóst að
bærinn þarf sjálfur að bera það tjón
sem varð þegar tvær götur bæjarins
rofnuðu í vatnavöxtunum. Viðlaga-
tryggingar gáfu út minnisblað í gær
þar sem þetta kemur m.a. fram.
Undir bótaskyldu Viðlagatrygg-
inga falla aðeins brunatryggðar
eignir og sérstaklega skilgreindar
eignir ríkis og sveitarfélaga. Í þessu
tilfelli fellur fráveitukerfi bæjarins
undir þá skilgreiningu auk kostnað-
ar við aðgerðir sem ráðist var í til
þess að takmarka tjón á því en ekki
aðrar eignir svo sem götur og ræsi.
Hulda Ragnheiður Árnadóttir,
framkvæmdastjóri Viðlagatrygg-
inga, sagði ekki hafa komið upp
ágreining um bótaskyldu enn sem
komið er en það skýrist eftir því sem
vinnu miðar áfram við endanlegt
tjónamat. Um 30 tilkynningar um
tjón á fasteignum og lausafé hafa
borist til Viðlagatrygginga.
Tjarnir fullar af möl
Tvær tjarnir sem liggja beggja
vegna bæjarins og eru hluti af snjó-
flóðavörnum hans fylltust af möl og
drullu eftir aurskriður. Það tjón fell-
ur einnig utan viðlagatrygginga.
Ármann Viðar Sigurðsson,
deildarstjóri tæknideildar Fjalla-
byggðar, segir um 2.000 rúmmetra
af möl hafa runnið í tjarnirnar. Hann
segir það ekki ljóst hver endanlegur
kostnaður verði en gróflega áætlað
muni það kosta Fjallabyggð um 50-
60 milljónir kr. að koma bænum í
samt lag.
Talsvert hreinsunarstarf er enn
óunnið í bænum en unnið er að því að
koma þeim götum sem rofnuðu aftur
í notkun. Ármann segir þær trúlega
verða nothæfar eftir næstu viku en
þá eigi eftir að malbika þær á ný.
bso@mbl.is
Götur og snjóflóða-
varnir ótryggðar
 Viðlagatryggingar enn að meta tjón
Ljósmynd/Björn Valdimarsson
Fjallabyggð Viðlagatryggingar ná
ekki yfir tjón á götum bæjarins.