Morgunblaðið - 02.09.2015, Blaðsíða 37

MENNING 37
MORGUNBLAÐIÐ MIÐVIKUDAGUR 2. SEPTEMBER 2015
Helgi Snær Sigurðsson
helgisnaer@mbl.is
Bandaríska indírokksveitin Blonde
Redhead heldur tónleika í Gamla
bíói í kvöld kl. 20 ásamt bassaleik-
aranum Skúla Sverrissyni. Skúli
mun leika lög af Seríu-plötum sín-
um og njóta aðstoðar vina sinna í
Blonde Redhead, þ.e. tvíbura-
bræðranna Amedeo og Simone
Pace og söngkonunnar og gítar-
leikarans Kazu Mikano.
Hljómsveitin var stofnuð árið
1993 í New York og vakti fljótt at-
hygli fyrir tónlist sína, sem var
undir áhrifum frá hávaðarokki þar
í borg á þeim tíma. Hún hefur
nokkrum sinnum leikið á Íslandi,
það oft að gítarleikarinn Amedeo
Pace er ekki með það á hreinu
númer hvað tónleikarnir í kvöld
eru. „Ég held að við höfum spilað
hérna þrisvar eða fjórum sinnum,
ég man það ekki nákvæmlega, en
það er alltaf gaman að koma hing-
að aftur,“ segir Pace.
-Er það Skúla að þakka eða eruð
þið svona hrifin af Íslandi?
„Fyrst þegar við komum hingað
hafði Skúli sagt mér margt um Ís-
land og mig langaði virkilega að
kynnast landinu því hann er góður
vinur minn. Tónleikarnir í kvöld
eru Skúla að þakka og við tveir
skipulögðum þá. Fyrstu tónleik-
arnir sem við héldum voru líka
skipulagðir af Skúla þannig að
hann hefur átt mikinn þátt í tón-
leikahaldinu.“
-Þið ætlið væntanlega að flytja
lög af síðustu plötunni ykkar, Bar-
ragán, auk þess að leika tónlist
Skúla með honum?
„Jú. Við ætlum að spila lög af
Barragán og líka af öðrum plötum.
Svo flytur Skúli Seríu,“ svarar
Pace.
Hafði mikil áhrif
Samstarf Skúla og Blonde Red-
head má rekja til upphafsára sveit-
arinnar og hefur hann leikið á
nokkrum platna hljómsveitarinnar
auk þess að leika með henni á tón-
leikum.
Spurður að því hvort Skúli hafi
haft mikil áhrif á hljómsveitina og
öfugt segir Pace svo vera. „Hann
fór að vinna að eigin verkefnum og
spila með ólíkum tónlistarmönnum
og við fórum að þróa hljóm sem
var ólíkur þeim sem var í upphafi.
Skúli var okkur mikilvægur og
hafði mikil áhrif á sveitina og ég
tengi ennþá vel við tónlistina
hans.“
-Tónlist hljómsveitarinnar hefur
breyst mikið með árunum, frá því
að vera undir áhrifum hávaðarokks
yfir í melódískt og fágað kammer-
popp. Er það rétt lýsing?
„Já. Ég er lítið fyrir að lýsa tón-
listinni því ég á erfitt með það,“
segir Pace. Honum þyki for-
vitnilegra að vita hvernig fólk upp-
lifi hana. „Þannig að þetta er
ágætislýsing,“ segir hann.
-Eruð þið að verða „listrænni“,
ef hægt er að nota það orð?
„Ég veit það ekki. Mér finnst við
alltaf hafa reynt að vera eins skap-
andi og listræn og mögulegt er,“
segir Pace. „Við erum bara að
skrásetja ólík æviár
okkar með tónlist,
reyna að
gera það sem okkur finnst vera
rétt hverju sinni.“
Opnari og mínímalískari
-Þú verður líklega ekki hrifinn
af næstu spurningu, þar sem þú
segist lítt gefinn fyrir að lýsa tón-
list ykkar ... en gætirðu lýst henni
á síðustu plötu ykkar, borið hana
saman við þær fyrri?
Pace hlær. „Ef ég ber hana sam-
an við fyrri plötur þá er hún opn-
ari, mínímalískari og kannski
slepptum við mörgu sem hefur ein-
kennt fyrri verk. Fólk hefur meira
svigrúm til að túlka tónlistina með
sínum hætti,“ segir hann. „Ég veit
ekki hvort þetta er draumkenndari
plata eða einfaldari. Ég veit ekki
hvað skal segja, ég held ég sé fyrst
núna farinn að skilja Penny
Sparkle (áttundu plötu hljómsveit-
arinnar), þannig að það tekur mig
dágóðan tíma að átta mig á því
hvað við erum að gera.“
-Það besta við tónlist er líka að
það þarf ekki að lýsa henni með
orðum. Samt er alltaf verið að
biðja þig um það?!
„Já,“ segir Pace og hlær.
-Hvað er svo fram undan? Fleiri
tónleikar og kannski ný plata?
„Já. Við förum í stutta tónleika-
ferð núna í september og erum
farin að huga að nýjum lögum. Við
skulum sjá hvernig það
gengur.“
Aukið svigrúm til túlkunar
 Blonde Red-
head og Skúli
leika í Gamla bíói
Samstillt Hljómsveitin Blonde Redhead, skipuð tvíburabræðrunum Amedeo og Simone Pace og Kazu Mikano.
Hljómsveitin heldur tónleika í Gamla bíói í kvöld með góðvini sínum og samstarfsmanni Skúla Sverrissyni.
Iðinn Skúli Sverrisson bassaleikari hefur rekið menningar-
húsið Mengi í um tvö ár, auk þess að leika á tónleikum, og
senda frá sér plötur og þá m.a. Seríu og Seríu II.
Hann leikur með Blonde Redhead í Gamla
bíói í kvöld.
Nokkur hundruð manns söfnuðust
saman í New York í byrjun vik-
unnar til að minnast leikarans
Kyle Jean-Baptiste, sem sl. föstu-
dag féll til bana úr brunastiga á
heimili móður sinnar í Brooklyn.
Jean-Baptiste varð fyrsti blökku-
maðurinn til að leika hlutverk
Jean Valjean í Vesalingunum á
Broadway og jafnframt sá yngsti,
en hann var aðeins 21 árs. Hann
þreytti frumraun sína á
Broadway í hlutverki
Jean Valjean 23.
júní sl.
Aðalleikari Vesaling-
anna hrapar til bana
Harmræn örlög Kyle Jean-Baptiste.
Morgunblaðið/Golli
STRAIGHTOUTTACOMPTON 7, 10:10
ABSOLUTELY ANYTHING 6, 8, 10
THE GIFT 10
MINIONS - ENS TAL 2D 6
LAUGARÁSBÍÓ Sýningartímar
Miðasala og nánari upplýsingar