Morgunblaðið - 02.09.2015, Blaðsíða 30

30 DÆGRADVÖL
MORGUNBLAÐIÐ MIÐVIKUDAGUR 2. SEPTEMBER 2015
Síðasta ár hefur verið lærdómsríkt. Það var í septemberbyrjun ífyrra sem ég tók við embætti lögreglustjóra hér á Suðurnesj-unum; starfi sem er ólíkt öllu öðru sem ég hef áður kynnst. Þung-
inn er alþjóðaflugvöllurinn, þar sem farþegum hér fjölgar stöðugt. Slíkt
kallar á vinnu svo sem vegna fólks sem yfirvöld þurfa að kanna betur,“
segir Ólafur Helgi Kjartansson sem er 62ja ára í dag.
Þótt starfið sé annasamt segist Ólafur Helgi alltaf gefa sér tíma til að
sinna hugðarefnum sínum, svo sem að sækja áhugaverða tónleika er-
lendis. Þannig hafi Glastonbury tónleikarnir í Englandi í sumar verið
skemmtilegir – og tillegg stirnisins Burt Bacharach, sem nú nálgast ní-
rætt, áhugavert. Þá detti tónleikar með Rolling Stones inn alltaf mjög
reglulega og þá segist viðmælandi okkar reyna að komast á, eins og tök
leyfa hverju sinni.
Ólafur Helgi er uppalinn austur við Sog og ólst þar upp, en hefur á
embættisferli sínum starfað á Ísafirði, Selfossi og nú í Keflavík. „Það
verða engin sérstök tilþrif á dagskránni, þrátt fyrir afmælið. Þessi dag-
ur verður öðrum líkur,“ segir Ólafur Helgi sem kveðst jafnan fara
snemma á stjá. Byrjar daginn jafnan á sundlauginni í rauðabítið og er
kominn til starfa á skrifstofunni um klukkan hálf átta. „Morgunninn er
drjúgur; lítið áreiti og hugurinn bæði frjór og skýr,“ segir Ólafur sem
er kvæntur Þórdísi Jónsdóttur og eiga þau fjögur uppkomin börn.
Morgunblaðið/Júlíus
Yfirvaldið „Síðasta árið lærdómsríkt,“ segir Ólafur Helgi Kjartansson.
Hugurinn er frjór
og skýr á morgnana
Ólafur Helgi Kjartansson er 62ja ára í dag
H
ögni S. Kristjánsson er
fæddur og uppalinn á
Höfn í Hornafirði.
„Það eru forrétt-
indi að fæðast og alast
upp á stað eins og Höfn í Hornafirði.
Eins og gjarnan á slíkum stöðum
hurfu börnin eftir fyrsta matmál og
síðan spurðist ekki til þeirra fyrr en
sulturinn svarf að. Þetta var verndað
umhverfi hins litla sjávarpláss, veiði-
mannasamfélagið. Þess vegna skil ég
t.d. ekki fiskveiðar þar sem bráð er
sleppt.
Á unglingsárum kom það gjarnan
upp að það þurfti að „bjarga verð-
mætum“. Þegar sú staða kom upp
var einfaldlega elsta bekk grunn-
skólans lokað og allir héldu í tunnu-
skipið, frystihúsið eða síldarvinnsl-
una til að bjarga þessum verð-
mætum. Það kölluðust „uppgrip“.
Þetta eru þau ár sem óneitanlega
móta viðhorf manns. Það þarf ekki
að útskýra að lífið sé saltfiskur.
Á sama tíma var ungdómurinn
rekinn til þroska með því að fara að
vinna fullan vinnudag yfir sumar-
tímann frá fermingu. Það þýddi fisk-
vinnslu flest sumur frá morgni til
kvölds. Ekkert var spurt um vinnu-
tíma; að bjarga verðmætum réði
för.“
Menntavegurinn
„Upp úr þessu var ákveðið að
ganga menntaveginn. Framhalds-
skóli á Akranesi var valinn, en Horn-
firðingar áttu ekkert val um annað
en að flytja að heiman ef ganga átti
menntaveginn. Mitt val varð Akra-
nes því þar átti ég og á enn ættingja í
föðurlegg sem tóku mér opnum örm-
um og gekk hún Erna mágkona föð-
ur míns mér hreinlega í móður stað.
Þessi tími var auðvitað frábær eins
og menntaskólaárin eiga að vera.
Síðan var ákveðið að takast á við
lögfræðina en þá tók alvaran við. Á
þessu tímabili stóð ekki bara námið
upp úr heldur ekki síður fæðing dótt-
urinnar, Steinlaugar, sem kemur í
heiminn í lok árs 1989. Þá var fæð-
ingarorlof fyrir mæður. Gripið var til
þess ráðs að skrifa ritgerðina til
embættisprófs yfir sumarið 1990
með stuðningi LÍN, sem reyndist á
endanum verða hið besta fæðingar-
orlof um leið og ritgerðin var kláruð
undir mjög styrkri handleiðslu frá-
bærs leiðbeinanda, Markúsar Sigur-
björnssonar.“
Starfsferillinn
„Við lok náms í desember 1990
kom að því að finna sér starf. Þá voru
menn ekki uppteknir af því að aug-
lýsa laus störf. Á þriðja stað hjá Ás-
geiri Péturssyni, bæjarfógeta í
Kópavogi, fékkst starf. Eins og venja
stóð til byrjaði ég við þinglýsingar.
Svo þróast stundum mál með óvænt-
um hætti. Það að leggja niður sýslu-
mannsembætti er ekkert nýtt. Það
var reynt haustið 1993. Þá var ekk-
Högni S. Kristjánsson, sendiherra og skrifstofustjóri – 50 ára
Hjónin og elsta barnabarnið Högni og Ásgerður ásamt Guðmundi Sævari Sigurðssyni.
Afmælisdagur á Spáni
Eydís Katla Þorbjörnsdóttir, Lovísa Ósk Sveinsdóttir, Ásbjörn Ari Þorbjörnsson
og Dagmar Eva Þorbjörnsdóttir héldu tombólu og söfnuðu 3.540 krónum fyrir
Rauða krossinn.
Hlutavelta
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is