Morgunblaðið - 02.09.2015, Blaðsíða 35

MENNING 35
MORGUNBLAÐIÐ MIÐVIKUDAGUR 2. SEPTEMBER 2015
Silja Björk Huldudóttir
silja@mbl.is
„Maður er auðvitað ýmsu vanur í
bransanum, en vissulega fylgir því
pínu pressa að vera fyrstur,“ segir
söngvarinn Valdimar Guðmundsson,
sem ásamt gítarleikaranum Erni
Eldjárn ríður á vaðið á fyrstu tón-
leikum í nýrri tónleikaröð, er nefnist
Blikktromman, sem hefur göngu
sína í Kaldalóni Hörpu í kvöld kl. 20.
„Mér finnst frábært að verið sé að
virkja Hörpu og Kaldalónssalinn
fyrir svona músík. Blikktromman
verður góð viðbót við tónlistarflór-
una í Hörpu. Ég er mjög spenntur
að kíkja á hina sem koma á eftir okk-
ur,“ segir Valdimar og vísar þar til
tónlistarfólksins Úlfs Eldjárn, Sól-
eyjar og Sin Fang, sem öll koma
fram fyrir áramót, en Blikktromman
verður slegin fyrsta miðvikdags-
kvöld hvers mánaðar í allan vetur.
Spurður nánar um efnisskrá
kvöldsins svarar Valdimar: „Við
munum fara um víðan völl á pró-
gramminu. Aðallega munum við
flytja koverlög eftir aðra, en svo
verða nokkur lög eftir mig og hljóm-
sveitina sem ég er í,“ segir Valdi-
mar, sem best er þekktur sem
söngvari hljómsveitarinnar Valdi-
mar en sveitina stofnaði hann með
vini sínum, Ásgeiri Aðalsteinssyni,
árið 2008.
Draumkenndur hljóðheimur
„Við munum meðal annars flytja
lög eftir Bob Dylan, Beck, Bítlana,
Radiohead, Tom Waits, Leonard Co-
hen og Megas,“ segir Valdimar og
tekur fram að þeir Örn muni setja
sinn blæ á flutninginn. „Það er mjög
gaman að fá tækifæri til að flytja
þessi lög sem maður elskar svo mik-
ið og gera þau að sínum,“ segir
Valdimar og hrósar Erni í hástert.
„Það er frábært að hafa Örn með sér
í þessu, því hann býr til skemmti-
legan hljóðheim með effektum og
brögðum. Það má segja að þetta sé
mjög „spacy“ hljóðheimur þar sem
Örn notar mikið reverb- og delay-
effekta sem búa til draumkenndan
hljóðheim, sem er mjög fallegur.“
Að sögn Valdimars kynntust þeir
Örn í Listaháskóla Íslands árið 2007,
þaðan sem Örn lauk námi í kvik-
myndatónsmíðum árið 2010 undir
handleiðslu Hilmars Arnar Hilm-
arssonar tónskálds. Örn hefur komið
að fjölmörgum verkefnum sem gít-
arleikari og lagasmiður með hljóm-
sveitum á borð við t.d. Hljómsveitina
Ég, Ylju, Brother Grass, Tilbury,
Borko, Snorra Helgason og Múm.
„Við urðum góðir vinir og höfum
spilað mikið saman,“ segir Valdimar,
en þeir voru m.a. saman í hljóm-
sveitinni Eldar. „Hugmyndin að pró-
grammi kvöldsins og þessum hljóð-
heimi sem Örn skapar varð til þegar
Mugison talaði við okkur fyrir síð-
asta Aldrei fór ég suður, í vor sem
leið. Öll lögin sem við tókum á Aldrei
fór ég suður verða á prógramminu í
Hörpu auk þess sem við bætum við
helmingi fleiri lögum og höldum
þannig áfram með þessa hugmynd.
Valdimar og Örn ríða á
vaðið í nýrri tónleikaröð
 Blikktromman
verður slegin
fyrsta miðvikudag
hvers mánaðar
Morgunblaðið/Styrmir Kári
Stemning Örn Eldjárn og Valdimar Guðmundsson flytja lög eftir meistara
á borð við Bob Dylan og Tom Waits í Kaldalóni Hörpu í kvöld.
Helgi Snær Sigurðsson
helgisnaer@mbl.is
Sýningardagskrá fyrir næsta árið hjá
Listasafninu á Akureyri býður upp á
margt kræsilegt fyrir myndlistarunn-
endur, m.a. nýja hátíð, A! Gjörn-
ingahátíð, sem hefst á morgun og
stendur til 6. september. Hlynur
Hallsson, safnstjóri Listasafnsins á
Akureyri, segir hátíðina mjög spenn-
andi og að hún verði haldin árlega. A!
Gjörningahátíð er haldin í samvinnu
við leiklistarhátíðina Lókal, Reykja-
vík Dance Festival, Leikfélag Ak-
ureyrar, Menningarfélag Akureyrar
o.fl. „Síðan er það stór einkasýning
veflistakonunnar Ragnheiðar Þórs-
dóttur sem var bæjarlistamaður Ak-
ureyrar í fyrra. Hún verður með
stóra sýningu í Ketilhúsinu sem er
núna orðið hluti af listasafninu,“ segir
Hlynur.
Verk eftir grafíklistamenn frá
öllum Norðurlöndunum
Þríæringur verður haldinn í safn-
inu í haust, norrænn grafíkþríær-
ingur. Á honum sýna grafíklistamenn
frá öllum Norðurlöndunum verk sín.
„Það verður stór sýning og meiningin
að í framtíðinni verði þetta sýning
sem geti ferðast á milli Norður-
landanna. Líklega verður þessi fyrsta
sýning bara sett upp hér en þegar
eru komnar óskir um að sýningarnar
ferðist milli Norðurlandanna og við
munum vinna að því. Eftir þrjú ár
verður þessi grafíkþríæringur aftur
og byrjar þá kannski hér en fer síðan
til Danmerkur og Svíþjóðar og
kannski Grænlands,“ segir Hlynur.
Undir lok árs verður opnuð í Ket-
ilhúsinu sýning Hugsteypunnar.
Hugsteypan er samstarfsverkefni
myndlistarkvennanna Ingunnar
Fjólu Ingþórsdóttur og Þórdísar Jó-
hannesdóttur sem útskrifuðust báðar
úr myndlistardeild Listaháskóla Ís-
lands árið 2007. „Þær verða með
rosalega innsetningu í Ketilhúsinu og
það verður líka gaman að sjá hvað
þær gera,“ segir Hlynur.
Sköpun bernskunnar
Árið 2016 hefst með sýningu ungra
og ferskra myndlistarmanna í Ket-
ilhúsinu, að sögn Hlyns og í kjölfar
hennar verður sett upp sýningin
Sköpun bernskunnar.
„Þar blöndum við saman verkum
starfandi myndlistarmanna og
barna,“ segir Hlynur um þá sýningu.
Þá verði sumarsýning næsta árs
einnig mjög spennandi en Hlynur
segir ekki tímabært að svipta hulunni
af henni.
Frekari upplýsingar um safnið má
finna á listak.is.
Spennandi ár framundan
Morgunblaðið/Skapti Hallgrímsson
Safnstjóri Hlynur Hallsson tók við starfi safnstjóra Listasafnsins á Akur-
eyri í fyrra. Margrar forvitnilegar sýningar verða í safninu næsta árið.
 Norrænn grafíkþríæringur og ný gjörningahátíð meðal
þess sem er á dagskrá Listasafnsins á Akureyri næsta árið
Nicholas Hoult mun fara með hlutverk
JD Salinger í nýrri kvikmynd sem
fjallar um ævi skáldsins. Samkvæmt
heimildum Hollywood Reporter verða
árin í aðdraganda bókarinnar Catcher
in the Rye í brennidepli. Myndin sem
hlotið hefur vinnutitilinn Rebel in the
Rye verður byggð á ævisögu Kenneths
Slawenski um skáldið þar sem einblínt
var á mótunarár Salinger og árin fram
til 1951 þegar frægasta skáldsaga hans
kom út. Handritshöfundur er Danny
Strong, sem unnið hefur að Empire
sjónvarpsþáttunum vinsælu, en hann
mun einnig leikstýra myndinni.
Ný mynd um ævi
Salinger í bígerð
Mótun Nicholas Hoult leikur JD
Salinger í væntanlegri mynd.
Bandaríska streymisveitan Netflix
hefur ákveðið að endurnýja ekki
samning við dreififyrirtækið Epix
sem þýðir að þúsundir kvikmynda
verða fjarlægðar úr veitunni í
Bandaríkjunum. Má þar nefna vin-
sælar kvikmyndir á borð við þær í
Hunger Games syrpunni, að því er
fram kemur á vef breska rík-
isútvarpsins, BBC. Yfir 60 milljónir
manna eru í áskrift hjá Netflix um
heim allan.
Veitan mun framvegis einbeita
sér að efni sem hún ein getur veitt.
Keppinautur Netflix, streym-
isveitan Hulu, mun taka við þeim
myndum sem Epix dreifir. Hulu
mun því geta boðið notendum sín-
um upp á nýlegar og vinsælar kvik-
myndir sem sýndar hafa verið í
kvikmyndahúsum. Samningur Net-
flix og Epix rennur út í lok þessa
mánaðar og í tilkynningu frá Net-
flix segir að notendur geti nálgast
þær myndir sem Epix dreifir víða,
m.a. í VOD-leigum. Netflix muni á
móti bjóða upp á nýtt efni með
stjörnum á borð við Ricky Gervais
og Idris Elba, efni sem verður ekki
hægt að nálgast annars staðar.
Þúsundir mynda fjarlægðar af Netflix
Hungurleikar
Fjarlægðir af
Netflix.
Bandaríska tónlistarkonan Miley
Cyrus átti óvæntustu uppákomu
tónlistarmyndbandaverðlauna-
hátíðar MTV, VMA, sem fram fór
liðna helgi, að mati dagblaðsins
Guardian. Cyrus var kynnir hátíð-
arinnar og greindi frá því undir lok
hennar að hún væri búin að senda
frá sér nýja plötu sem hægt væri að
nálgast strax og það ókeypis. Plat-
an heitir Miley Cyrus & Her Dead
Petz og vann Cyrus hana með for-
sprakka Flaming Lips, Wayne
Coyne. Meðal þeirra sem leggja
henni lið á plötunni eru Ariel Pink
og Big Sean. Cy-
rus segir í sam-
tali við dagblaðið
New York Times
að hún sé ást-
fangin af Coyne
og hann af henni
en tekur fram að
samband þeirra
sé platónskt.
Framleiðsla plöt-
unnar kostaði aðeins um 50 þúsund
dollara, sem er heldur lítið miðað
við þær tvær milljónir sem plata
hennar Bangerz mun hafa kostað.
Cyrus gefur nýja plötu á netinu
Miley Cyrus
Billy Elliot (Stóra sviðið)
Fös 4/9 kl. 19:30 Sun 13/9 kl. 19:00 Fös 25/9 kl. 19:00
Lau 5/9 kl. 19:00 Fös 18/9 kl. 19:00 Sun 27/9 kl. 19:00
Sun 6/9 kl. 19:00 Sun 20/9 kl. 19:00
Lau 12/9 kl. 19:00 Fim 24/9 kl. 19:00
Fjölskyldusýning í hæsta gæðaflokki - ósóttar pantanir seldar daglega
Lína langsokkur (Stóra sviðið)
Sun 20/9 kl. 13:00 Sun 4/10 kl. 13:00 Sun 11/10 kl. 13:00
Sun 27/9 kl. 13:00 Lau 10/10 kl. 13:00
Haustsýningar komnar í sölu
Dúkkuheimili (Stóra sviðið)
Fim 10/9 kl. 20:00 aukas. Lau 19/9 kl. 20:00 Lau 26/9 kl. 20:00
Fös 11/9 kl. 20:00 aukas. Mið 23/9 kl. 20:00
Aukasýningar í september
Blæði: obsidian pieces (Stóra sviðið)
Sun 6/9 kl. 20:00
Íslenski dansflokkurinn - Aðeins þessi sýning
Billy Elliot –★★★★★ , S.J. Fbl.