Þjóðmál - 01.12.2012, Page 67

66 Þjóðmál VETUR 2012
Ragnar Halldórsson
Eru athugasemdakerfi
Netsins illgresi eða
jarðvegur lýðræðisins?
Lifandi lýðræði í heilbrigðu réttarríki snýst um að efla og rækta almenna
mennt un, upplýsingu og siðmenningu . Þ .e .
í viðbót við heilbrigða lýðræðisfram kvæmd,
eins og heilbrigðar stofnanir (vand aða og
hæfa embættismenn) og heil brigt og hæft
lög gjafar þing, framkvæmdar vald og dóms-
vald .
Því ef dómgreind borgaranna sljóvgast
m .a . vegna þess að gæðum menntunar hefur
hrakað svo mikið að rökleysa, múgæsingur
og lýðskrum vaxa á kostnað upplýsingar
(eins og gerðist t .d . í stórum stíl fyrstu
þrjú árin eftir hrunið) — og ef almennt
siðmenningarleysi kæfir siðmenninguna
sem fyrir er í stað þess að hún styrkist,
vaxi og dafni — þá útþynnist og spillist
siðmenningarstigið smám saman með þeim
afleiðingum að bæði lýðræðið og réttarríkið
úrkynjast innan frá .
Eins og virðist því miður hafa gerst á
Íslandi . Því almennri menntun og sið-
mennt un virðist hafa hrakað gríðarlega á
meðan sálarangist fer sívaxandi ásamt eitur -
lyfjafíkn, ofneyslu áfengis og hvers kyns
glæp um og ofbeldi . Sérstaklega meðal ungra
karla frá tekjulægri heimilum . Og almenn
upplýsing virðist á svo miklu undan haldi
á Íslandi að opinber umræða er í sí aukn-
um mæli hætt að snúast um veru leik ann .
En er í staðinn því oftar farin að snúast um
gerviheim sem er ekki til .
Áskorun frelsisins
Í slenskir grunnskólar gera allt of lítið til að kenna börnum rökhugsun, tjáningu
og samskipti, þ .m .t . almenna mannasiði,
til að auka hæfni þeirra í mannlegum
samskiptum og sem almennra borgara í
lýðræðisríki . Að kenna börnum að skilja t .d .
áróður auglýsinga og þess grófa myndmáls
sem mætir þeim hvert sem þau horfa . Og
sjá í gegn um eitthvað af þeirri rökleysu
og lýðskrumi sem einkennir því miður svo
margt í okkar vestræna þjóðfélagi . Því slík