Skólavarðan - 01.11.2013, Blaðsíða 34

32 Skólavarðan 2. tbl 2013
viðtalviðtal
DiSKUr Með ÖLLUM
VerKUNUM
Tónleikarnir vöktu verðskuldaða athygli sem leiddi til
þess að flytjendurnir fengu það gullna tækifæri að flytja
alla dagskrá tónleikanna á Myrkum músíkdögum í Hörpu
í vetur sem leið. TÁ er fyrstur tónlistarskóla til að öðlast
þann heiður. „Við erum mjög montin af þessu,“ segir
Sveinbjörg og brosir breitt. „Þetta var viðburðaríkur vetur
og við og nemendurnir erum mjög ánægð með afrakstur-
inn. Í vor gáfum við svo út disk með öllum verkunum sem
samin hafa verið fyrir skólann okkar.“
LiTLar eiNiNgar BLóMSTra BeTUr
Tónlistarskóli Álftaness stendur á tímamótum og segja
má að hann sé aftur kominn á byrjunarreit. Hann var
stofnaður sem deild í Tónlistarskóla Garðabæjar en varð
sjálfstæður skóli árið 1987. Sveinbjörg hóf störf við skól-
ann 1984 en tók við skólastjórastöðunni af Gísla heitnum
Magnússyni þegar skólinn varð sjálfstæð stofnun. Bæjar-
stjórn Garðabæjar notaði tækifærið þegar Sveinbjörg
hætti og sameinaði hann aftur gamla móðurskólanum
þar sem sveitarfélögin hafa verið sameinuð.
„Ég er mjög ósátt við sameininguna,“ segir Sveinbjörg. „Ég
held að þetta sé röng stefna. Við starfsfólkið og foreldra-
félagið höfum barist á hæl og hnakka fyrir því að halda
skólanum. Rök okkar eru þau að útibú geti ekki blómstrað
með sama hætti og sjálfstæð stofnun, það missir sérstöðu
sína og hlýtur að draga dám af móðurskólanum. Skólinn
í Garðabæ er 430 manna skóli meðan okkar skóli er með
hundrað nemendur. Litlar einingar blómstra miklu betur,
en samstarf hefði auðvitað verið sjálfsagt. En það er erfitt
fyrir skólastjóra að hafa tvær stefnur ríkjandi í einum og
sama skólanum.“
Sveinbjörg ætlar að njóta þess að gera það sem hugurinn
girnist nú þegar hún er hætt störfum sem skólastjóri. Hún
hlakkar til að njóta frelsisins og lítur sátt yfir farinn veg.
Texti: Guðlaug Guðmundsdóttir.
Myndir: Jón Svavarsson.
Sveinbjörg Vilhjálmsdóttir með
nemendum úr Tónlistarskóla Álftaness.
Við starfsfólkið og foreldrafélagið höfum barist á hæl
og hnakka fyrir því að halda skólanum. rök okkar eru þau
að útibú geti ekki blómstrað með sama hætti og sjálfstæð
stofnun, það missir sérstöðu sína og hlýtur að draga dám
af móðurskólanum.