Skólavarðan - 01.12.2015, Síða 7

DESEMBER 2015 7
Hlýlegar jólagjafir
fyrir alla ölskylduna
Laugavegi 25
REYKJAVÍK
s. 552-7499
Glerártorgi
AKUREYRI
s. 461-3006www.ullarkistan.is
ORLOFSSJÓÐUR LEITAR AÐ SUMAR­
HÚSUM OG ÍBÚÐUM TIL FRAMLEIGU
Orlofssjóður Kennarasambands Íslands óskar eftir sumarhúsum og
íbúðum til framleigu fyrir félagsmenn sumarið 2016. Leitað er að
eignum á landsbyggðinni og er leigutímabilið sumarið 2016 frá 3.
júní til 12. ágúst, eða í tíu vikur.
Áhugasamir eru beðnir að senda Orlofssjóði tilboðsbréf á
netfangið sjodir@ki.is eigi síðar en 14. desember næstkomandi. Í
tilboðsbréfinu þarf að fylgja lýsing á eigninni, stærð í fermetrum,
ástand og byggingarár. Greina þarf frá herbergjaskipan, svo sem
fjölda svefnherbergja og hversu margir geta gist í rúmum. Þá þarf að
segja frá staðsetningu, hvað fylgir með húsinu og hvernig nærum-
hverfið er, til dæmis með tilliti til afþreyingar og þjónustu. Ljós-
myndir af eigninni og umhverfi verða að fylgja með og að sjálfsögðu
hugmynd um leiguverð fyrir vikudvöl.
Leitað er að sum-
arhúsum og íbúðum
á landsbyggðinni
sem Orlofssjóður
getur framleigt til
félagsmanna KÍ næsta
sumar.
SAMÞYKKTIR OG REGLUR VONARSJÓÐS FG OG SÍ
Talsverðar breytingar hafa verið gerðar
á Verkefna- og námsstyrkjasjóði FG og
SÍ, með það að markmiði að símenntun
félagsmanna styðji sem best við framþróun
í skólastarfi. Nafni sjóðsins hefur t.d. verið
breytt, og heitir hann nú Vonarsjóður FG
og SÍ. Nýjum samþykktum og reglum er
ætlað að auka svigrúm félagsmanna og gera
reglurnar einfaldari og skýrari, t.d. hvað
varðar hlutverk sjóðsins og sjóðsstjórnar,
umsóknarferlið, afgreiðslu umsókna, ábyrgð
umsækjanda og framkvæmd styrkveitinga.
Markmið sjóðsins er að auka tækifæri
félagsmanna FG og SÍ til faglegrar starfs-
þróunar. Með faglegri starfsþróun er átt við
að félagsmenn viðhaldi og auki sérfræði-
þekkingu sína á sviði náms og kennslu.
Styrkflokkar eru nú þrír í stað sex, þ.e.:
a. starfsmenntunarstyrkur
b. styrkur vegna lokinna ECTS háskóla-
eininga
c. ferðastyrkur innanlands
Ekki verða veittir styrkir vegna
námsleyfa, styrkir til aðildar-, svæða- og
sérfélaga, styrkir til rannsókna- og þró-
unarverkefna, ferðastyrkir vegna lokinna
ECTS eininga og hópstyrkir til skólaheim-
sókna/kynnisferða (bæði innanlands
sem utan) eins og núgildandi reglur gera
ráð fyrir. Til að öðlast rétt til úthlutunar
þarf sjóðnum að hafa borist iðgjald vegna
félagsmanns í sex samfellda mánuði í stað
þriggja. Eftirlaunaþegar geta ekki sótt í
sjóðinn þegar nýjar samþykktir og reglur
taka gildi.
Starfsmenntunarstyrkurinn hækkar
úr 160.000 kr. í 220.000 kr. á tveggja
ára tímabili. Í þennan hluta sjóðsins geta
félagsmenn sótt styrki til að sækja nám-
skeið innanlands eða utan og til ákveðinna
verkefna sem teljast til starfsþróunar þeirra,
s.s. vegna námskeiða, ráðstefna, málþinga
og skráningar-/skólagjalda. Félagsmenn
geta einnig sótt um styrk vegna lokinna
ECTS eininga þegar þeir hafa fullnýtt styrk
vegna ECTS eininga úr b-hluta sjóðsins. Auk
þess geta félagsmenn sótt um styrk vegna
skipulagðra skólaheimsókna eða kynnisferða.
Nýjar samþykktir og reglur um
Vonarsjóð FG og SÍ taka gildi frá og með 2.
maí 2016. Frá þeim tíma geta félagsmenn
framvísað kvittunum sem eru allt að sex
mánaða gamlar og taka þá mið af nýjum
styrkfjárhæðum. Eru félagsmenn hvattir til
að kynna sér nýjar samþykktir og reglur um
Vonarsjóð FG og SÍ á heimasíðu Kennara-
sambands Íslands.
160.000 kr.
220.000 kr.
starfsmenntunar-
styrkurinn hækkar