Bjartur og frú Emilía: tímarit um bókmenntir og leiklist - 01.07.1997, Blaðsíða 5

Frá ritnefnd
Ritnefnd vill koma eftirfarandi skilaboðum á framfæri við lesendur:
í fyrsta lagi ber að tilkynna að ástralskt hefti kemur nú fyrir sjónir lesenda.
Heiðurinn á sá vandvirki dugnaðarforkur Rúnar Helgi Vignisson. Hann valdi
sögurnar, hann þýddi sögumar og hann samdi kynningar á höfundum. Rit-
nefnd sendir honum þakkir fyrir ágæta samvinnu og óskar honum til ham-
ingju. Einu sinni kom út þýskt hefti, nú er heftið ástralskt og bráðum kemur
japanskt hefti.
I öðru lagi hefur ritnefnd ákveðið að þeir sem finna rit- eða málvillu í
tilkynningu ritnefndar, nú eða síðar, hljóti eftirsóknarverð verðlaun - laun á
himnum eða flugferð eftir himinbrautum til Parísar. Þessi háttur er hafður á
vegna þess að hörmuleg villa fannst í inngangi ritnefndar fyrr á þessu ári.
Nefndarmenn voru beygðir af skömm og gengu ekki teinréttir dögum saman.
Sá sem fyrstur tilkynnir villufund fær flugferð til Parísar á vegum tímaritsins.
Ef deilur rísa um hvað er rétt og hvað er ekki rétt mun ritnefnd leysa úr
deilumálum.