Morgunblaðið - Sunnudagur - 29.11.2015, Page 33

29.11. 2015 MORGUNBLAÐIÐ SUNNUDAGUR 33
* Þegar tæknin er fullkomin lýturlistin í lægra haldi. Brian Eno tónskáld
Indland mun, ef spár ganga eftir,
fara fram úr Bandaríkjunum í
netnotkun í byrjun desember á
þessu ári. Bandaríkin sitja sem
stendur í öðru sæti á lista yfir
fjölda netnotenda en mikill
vöxtur í netnotkun á Indlandi
mun koma þeim þægilega fyrir í
öðru sæti listans.
Kína er sem fyrr í fyrsta sæti
og ekki óeðlilegt að Indland
komi þar fast á eftir enda tvær
fjölmennustu þjóðir heims. Hátt
í 402 milljónir Indverja munu
nota netið daglega í byrjun
næsta árs og miðað við öran
vöxt netnotkunar gæti Indland
nálgast þær 600 milljónir sem
nota netið daglega í Kína.
Snjallsímar eru sagðir vera
helsta ástæðan fyrir aukinni net-
notkun á Indlandi en 76 pró-
sent fólks á aldrinum 18 til 30
ára í dreifbýli fara á netið í
gegnum símann sinn.
Í könnuninni, sem gerð er af
Mobile Association of India,
segir að það hafi tekið landið
tíu ár að koma daglegri net-
notkun úr 10 milljónum not-
enda í 100 milljónir og þrjú ár
að koma henni úr 100 millj-
ónum í 300 milljónir. Með til-
komu snjallsíma á viðráðanlegu
verði hafi tekið innan við ár að
koma netnotendum úr 300
milljónum í 400.
Þróunin mun opna á marga
áhugaverða möguleika bæði fyrir
Indland og alþjóðleg fyrirtæki
enda stór markaður að opnast.
Indland í 2. sæti
INDLAND ER AÐ RJÚKA FRAM ÚR BANDARÍKJUNUM Í DAGLEGRI
NETNOTKUN MEÐ HÁTT Í 400 MILLJÓN NOTENDUR. Bættur aðgangur að netinu
á Indlandi mun hafa veruleg
áhrif enda hefur það sýnt
sig að frjálst flæði upplýs-
inga er alla jafna til góðs.
Getty Images/iStockphoto
Einstein - Eindir og afstæði heitir bók sem Hið íslenska bók-
menntafélag gefur út en hún inniheldur tímamótagreinar Ein-
steins frá árinu 1905. Þorsteinn Vilhjálmsson ritstýrir verkinu
en greinarnar eru undirstöðurit í vísindum og tækni nútímans.
Tímamótagreinar Einsteins
LEIKJABÆKUR
Tvær síð-
ari af
Minecraft
Í haust komu út tvær bækur um
tölvuleikinn Minecraft, Byrjenda-
handbókin og Rauðsteinahand-
bókin en nú er komið út framhald;
tvær til viðbótar; Byggingar-
handbókin og Bardagahandbókin.
Minecraft leikirnir hafa notið
mikilla vinsælda og ekki síður hafa
bækur um leikina selst vel. Mine-
craft þykir einkar skapandi þar sem
leikurinn snýst að stórum hluta um
að byggja og þá hreinlega hvað sem
er; hvort sem er hús, sjóræningja-
skip eða tívolítæki, en í bókinni eru
það félagar í Minecraftbyggingar-
hópnum FyreUK sem gefa góð ráð
og nákvæmar leiðbeiningar fyrir
leikjaspilarana.
Það er Forlagið sem gefur bæk-
urnar út.
444 9911 - hjalp@taeknisveitin.is - www.taeknisveitin.is
Leyfðu okkur að aðstoða! Við komum til þín, veitum ráðgjöf, setjum tækin upp,
gerum við, leggjum lagnir, tengjum tækin saman við önnur og fáum allt til að virka.
Svo færðu kennslu líka ef þörf er á því.
Viltu taka þátt í
sjónvarpsbyltingunni?