Víkurfréttir - 17.12.1987, Blaðsíða 4

JÓLABLAÐ
mur<
jutUt
Jólahugvekja
A þessari aðventu, árið 1987, gerðist sögulegur atburður.
Vestur í Washington, höfuðborg Bandaríkjanna, komu saman
tveir voldugustu menn jarðarinnar. Tveir menn, stjórnendur
stœrstu risavelda jarðarkringlunnar, áttu saman fund þar sem
öllum heiminum var boðið að fylgjast með gjörðum þeirra.
Hægt var að fylgjast með hverju skrefi, hverju handabandi og
hverri taugatrekktri smáhreyfingu þessara tveggja manna sem
virðast hafa örlög okkar í höndum sér. Tilefnið var undirritun
samnings um gagnkvœma eyðingu ákveðinna kjarnorkuvopna.
Og við öll fylgdumst spennt með.
Hvílík völd, hvílíkur máttur, hvílík ,,kjarn-orka“I Gerumvið
okkur grein fyrir hversu miklu þessir menn og þeir sem að þeim
standa, ráða um okkar örlög og framtíð? Það sem þeir sömdu
um að afsala sér, er einungis 3 til 4% allra þeirra kjarnorku-
vopna sem þeir búa yfir. Því má segja að þeir hafi ekki fórnað
mik/u á þessum fundi. Efþeim rétt sýnist svo þá geta þeir hæg-
lega, án mikillar fyrirhafnar, virkjað lítinn h/uta þess gjöreyð-
ingarmáttar, sem þeir hafa ífórum sínum, hvor um sig, og með
því raskað jafnvœgi alls lífríkis jarðarinnar. Og afleiðingar
gerða þeirra yrðu varanlegar. Þær yrðu geislandi minnisvarði
mannsins um alla eilífð. Lífhér ájörðu yrði allsendis óbærilegt
upp frá því og hyrfi aldrei aftur til fyrra horfs.
Hvílík vöíd, hvílíkur máttur, hvílíkt ,,brjál-œði“I
Hvaða erindi á þetta efni íjólahugvekju, kynni nú einhver að
spyrja. Jú, sá boðskapur sem okkur berst á jólunum er annars
eð/is en það sem hér er ritað. Astæðan fyrir þvíaðégdregþessa
hluti fram er sú að ég vil sýna fram á muninn á þessu tvennu.
Styrkur heimsins er ekki samskonar og styrkur Jesú Krists.
Jesús sagði forðum við Pílalus: ,,Mitt ríki er ekki af þessum
heimi. Eg er konungur. Til þess er ég fœddur og til þess er ég
kominn í heiminn, að ég beri sannleikanum vitni. “
í jólaguðspjallinu lesum við um lítið barn sem fœðist í heiminn
við vœgast sagt hrörlegar aðstæður. Það var eigi rúm fyrirþau í
gistihúsinu og því dvöldu þau í fjárhúsi og ungi sveinninn var
lagður í jötu.
Jesús birtist ekki í veraldlegum mœtti og dýrð. Öðru nœr. Á
jólunum sjáum við hann fyrir okkur sem ungbarn, liggjandi í
jötu, veikbyggt og vanmáttugt.
Þó er það nú svo að síðan að barnið fœddist, hefur ótölulegur
fjöldi manna staðnæmst við jötuna þar sem það lá. Ar eftir ár,
öld eftir öld, hefur kynslóð eftir kynslóð sótt þangað styrk.
Reyndar sœkir fólkið ekki styrk sinn til staðarins, heldur til
Jesú Krists. Barnið er ekki Iengurþar. Sveinninn óx upp og varð
aðfulltíða manni. Hann kenndi fólki um Guðsríkið og lýstiupp
líf samferðamanna sinna, en heimurinn hafnaði honum. Jóhann-
es segir um hann: ,,Hið sanna Ijós, sem upplýsir hvern mann,
kom nú í heiminn. Hann var í heiminum, og heimurinn var orð-
inn tilfyrir hann, en heimurinn þekkti hann ekki. Hann kom til
eignar sinnar, en hans eigin menn tóku ekki við honutn. En öll-
um þeim, sem tóku við honum, gaf hann rétt til að verða Guðs
börn, þeim er trúa á nafn hans.“
Kynslóð eftir kynslóð hefur sótt til hans styrk til þess að lifa,
og styrk ti/ þess að deyja í trú og fullvissu um að hann er Sonur
Guðs.
Hans styrkur byggist ekki á tortímingarmœtti. Kœrleikurinn
er hans vopn og með því vopni hefur hann sigrað allt annað.
Hans hernaðartækni byggist ekki á gagnkvæmri ógn ogfælingu,
tortryggni og fordómum. Nei, hann er kominn til að bera sann-
leikanum vitni. Hann er kominn til að ryðja myrkrinu burt! Með
Ijósi sínu og von ýtir hann myrkrinu út í ystu skot. Efvið leggj-
um ráð okkar í hans hendi þá þurfum við engu að kvíða, hann er
ekki duttlungafullur, heldur er hann alltaf hinn sami. Við þurf-
um ekki að hræðast því að hans Ijós lýsir okkur.
Öll samskipti Krists við okkur einkennast af náð og fyrir-
gefningu. Hann er ekki tregur til að veita. Við þurfum ekki að
setjast við samningaborð ogsemja við hann, Guð á sjálfurfrum-
kvœðið og veitir okkur náð sína ómælda, hvenær sem er.
,,0g orðið varð hold, hann bjó með oss, fullur náðar og sann-
leika, og vér sáum dýrð hans, dýrð, sem sonurinn eini áfrá föð-
urnum. Af gnægð hans höfum vér allir þegið, náð á náð ofan....
náðin og sannleikurinn kom fyrir Jesú Krist.“ (Jóh. 1.14-17.)
Góður Guð gefi þér gleðileg og friðsæl jól.
Hjörtur Magni Jóhannsson