Morgunblaðið - Sunnudagur - 13.12.2015, Blaðsíða 13

„Lögin á plötunni eru í anda
þeirrar tónlistar sem ég ólst upp
við þegar það var bara ein út-
varpsrás á Íslandi. Mér finnst
vænt um þessi lög sem ég finn
að snerta taugar margra,“ segir
Grétar Örvarsson tónlistarmaður.
Hann gaf á dögunum út geisla-
diskinn Ellefu dægurlög, þar sem
finna má nokkur skemmtileg ís-
lensk lög frá fyrri árum. Nefna
má Kvöldsiglingu eftir Gísla
Helgason, Ferðalok við hinn
fræga texta Jóns Sigurðssonar
sem Óðinn Valdimarsson söng,
Við gengum tvö eftir Friðrik
Jónsson við texta Valdimars
Hólm Hafstað og Siglt í norður
sem harmonikuleikarinn Örvar
Kristjánsson, faðir Grétars, söng
svo eftirminnilega og öll þjóðin
tók undir.
Stjórnin og stemningin
Grétar er á fullu í tónlistinni og
er víða kallaður til. Hann og Sig-
ríður Beinteinsdóttir, sem saman
slógu svo eftirminnilega í gegn í
Eurovision fyrir aldarfjórðungi
eða svo, koma saman við ýmis
tilefni. Þá er hljómsveitin Stjórn-
in, hvar þau voru fremst í flokki,
stundum ræst út ef stemning
kallar á.
Á disknum nýja eru það El-
ísabet Ormslev, Stefanía Svav-
arsdóttir og Heiða Ólafsdóttir
sem syngja með Grétari, auk
þess sem fjöldi góðra hljóðfæra-
leikara spilar með.
Ekki kom svo annað til greina
en að tónleikarnir vegna útgáfu
nýja disksins væru haldnir á
Höfn í Hornafirði, þar sem Grét-
ar fæddist og ólst upp. Hann
segir taugar sínar þangað sterkar
og almennt út á land. „Sól slær
silfri á voga, sjáðu jökulinn loga,
söng Óðinn og ég hélt að lagið
væri um Hornafjörð. Annað kom
þó síðar á daginn,“ útskýrir
Grétar.
„Á fimmtánda ári var ég byrj-
aður að spila á Hótel Höfn og
tók djassstandarda og gömlu
dansana alveg í löngum röðum.
Mér finnst gaman að spila úti á
landi og mörg böllin þar eru eft-
irminnileg, ekki síst þau þar sem
fólkið tekur undir og syngur. Ég
hef líka upplifað að spila einn
fyrir dansi í Miðgarði í Skaga-
firði fyrir fólk á öllum aldri og
krakkarnir úti í sal dönsuðu
valsa, sem eldra fólkið bað um.
Raunar hef ég alltaf í huga að
lögin sem ég spila séu dansvæn
og útsetningarnar taka mið af
því,“ segir Grétar sem gefur
diskinn út sjálfur – ásamt bróður
sínum Karli Birgi – og selja þeir
og dreifa gripnum um allt land.
HORNAFJÖRÐUR
Gömlu dansarnir
í löngum röðum
GRÉTAR ÖRVARSSON ER Á FULLU Í SPILAMENNSKU OG
MEÐ GLÆNÝJAN DISK MEÐ GÖMLUM ÍSLENSKUM LÖGUM
Sigurður Bogi Sævarsson sbs@mbl.is
Mér finnst gaman að spila úti á landi og mörg böllin þar eru eftirminnileg,
segir Grétar sem hér er með nýja geisladiskinn sinn, Ellefu dægurlög.
Morgunblaðið/Sigurður Bogi
Brúin yfir Bláskeggsá undir Þyrlinum.
Minjastofnun hefur veitt Vegagerð-
inni viðurkenningu vegna braut-
ryðjandastarfs í minjavernd; fyrir
varðveislu og endurbyggingu sögu-
legra brúarmannvirkja. Þetta er í
fyrsta sinn sem slík viðurkenning er
veitt. Elsta steinsteypta brú landsins,
utan Reykjavíkur, er yfir Bláskeggsá
undir Þyrli í Hvalfirði og var byggð
1907. Þegar hún var 100 ára var haf-
ist handa um endurbætur, sem lauk
2010. Önnur brú á Vesturlandi sem
hefur mikið sögulegt gildi er yfir Örn-
ólfsdalsá við Norðtungu í Borgarfirði,
hengibrú úr stáli smíðuð 1899. Hún
var aftengd vegasambandi fyrir
margt löngu. Vitund um sögulegt
gildi hennar réð því að brúin var end-
urbyggð fyrir nokkrum árum.
„Því er það mikils virði að tekist
hefur að bjarga mikilvægum dæmum
um þróunarsögu íslenskra brúar-
mannvirkja, m.a. einu stálhengi-
brúnni sem eftir er frá 19. öld,“ sagði
Minjastofnun í rökstuðningi um við-
urkenninguna til Vegagerðarinnar.
VESTURLAND
Brúm var bjargað
Endurbætt brú frá 1899 yfir Örnólfs-
dalsá við Norðtungu í Borgarfirði.
Morgunblaðið/Sigurður Bogi
13.12. 2015 MORGUNBLAÐIÐ SUNNUDAGUR 13
Haldið verður áfram á næsta ári við hitaveitufram-
kvæmdir í Húnaþingi vestra. Vel hefur gengið á
þessu ári og víða er kominn ylur í hús og nú er Víði-
dalurinn næstur á dagskrá.
Húnaþing vestra
Í skoðun er í Ísafjarðarbæ að koma upp svonefndum
hreyfivöllum í þéttbýlisstöðum á svæðinu. Þar yrðu úti-
æfingatæki sem nýtast myndu fólki til alhliða þjálfunar. At-
huga á málið í samvinnu við íþróttafélög og fleiri.
Ísafjarðarbær
Söluferli Kolufells ehf.
Fjárfesting í miðborginni
Fjárfestum býðst hér með að taka þátt í útboði hlutafjár Kolufells ehf.,
kt. 530515-1060, til heimilis að Borgartúni 19, 108 Reykjavík.
Kolufell ehf. er lóðarhafi og eigandi byggingaréttar að Austurbakka 2, Reykjavík,
nánar tiltekið lóðar með fastanr. 235-5448. Samkvæmt gildandi skipulagi skal á
lóðinni reisa vandað íbúðar- og verslunarhúsnæði og nemur heimilað byggingarmagn
alls um 15.900 fermetrum.
Íbúðirnar, sem verða um 100 talsins, ásamt verslunum og þjónustu á u.þ.b. 3.000
fermetrum, eru hluti af stærra þróunarverkefni fyrir svæði sem á næstu árum mun
taka miklum breytingum og tengja saman ólík svæði miðbæjarins.
Staðsetning lóðarinnar er einstök, í næsta nágrenni við höfnina, miðbæinn,
Hörpu tónlistar- og ráðstefnuhús og vandað hótel, sem byggt verður við hlið íbúða-
og verslunarbyggingarinnar.
Framkvæmdir við byggingu íbúða- og verslunarhúsnæðisins geta hafist snemma árs
2016 þar sem mikil undirbúningsvinna hefur þegar farið fram. Í boði er leiðandi hlutur
í verkefninu fyrir reynslumikla og fjársterka aðila.
Heildarnafnverð skráðs hlutafjár Kolufells ehf. er kr. 20.857.143. Í útboðinu gefst fjárfestum
tækifæri til að kaupa á bilinu 51–100% af hlutafé Kolufells ehf. Seljendur hlutafjárins eru Arion
banki hf., Mannvit hf. og iTark ehf.
Við framkvæmd útboðsins verður fylgt reglum verðbréfaviðskiptalaga nr. 108/2007. Útboðið
telst ekki almennt útboð í skilningi 1. tl. 43. gr. verðbréfaviðskiptalaga, en eingöngu þeim
fjárfestum sem uppfylla öll eftirtalin skilyrði er heimil þátttaka í því:
1) Fjárfestar uppfylla skilyrði 9. töluliðar 43. gr., sbr. 9. og 10. tölulið 1. mgr.
2. gr. verðbréfaviðskiptalaga fyrir flokkun sem hæfir fjárfestar og óska
réttarstöðu sem slíkir við framkvæmd söluferlisins.
2) Fjárfestar búa að lágmarki yfir fjárfestingargetu að fjárhæð 500 milljónir króna.
3) Fjárfestar hafa, að mati seljenda, umtalsverða og viðhlítandi þekkingu og reynslu
af framkvæmd þróunarverkefna á sviði mannvirkjagerðar.
Á grundvelli heimildarákvæðis a-liðar, 1. tl., 1. mgr. 50. gr. verðbréfaviðskiptalaga verður ekki
gefin út lýsing í tengslum við útboðið.
Umsjónaraðili útboðsins er fyrirtækjaráðgjöf Arion banka hf. Er þeim fjárfestum sem hafa áhuga
á þátttöku í útboðinu bent á að senda póst á netfangið kolufell2016@arionbanki.is fyrir
31. desember 2015. Fyrirtækjaráðgjöf Arion banka mun veita fjárfestum nánari upplýsingar um
þátttökuskilyrði og framkvæmd útboðsins.
Gert er ráð fyrir því að fjárfestar skili óskuldbindandi tilboðum í hlutafé Kolufells ehf.
eigi síðar en kl. 16.00, 20. janúar 2016.
Fyrir hönd Arion banka hf., Mannvits hf. og iTark ehf. sem seljenda,
Fyrirtækjaráðgjöf Arion banka hf.