Morgunblaðið - 15.12.2015, Síða 4

4 FRÉTTIRInnlent
MORGUNBLAÐIÐ ÞRIÐJUDAGUR 15. DESEMBER 2015
BAKSVIÐ
Baldur Arnarson
baldura@mbl.is
Fjöldi erlendra hótelkeðja hefur
sýnt því áhuga að reka fyrirhugað
risahótel í Vatnsmýri í Reykjavík.
Hótelið verður það stærsta á Íslandi
með 400-450 herbergjum.
Jóhann Hall-
dórsson, fram-
kvæmdastjóri S8
ehf., stýrir undir-
búningi vegna
uppbyggingar
hótelsins. Hann
segir áformað að
hefja fram-
kvæmdir eigi síð-
ar en í júní næsta
sumar, þannig að
hótelið geti hafið
starfsemi haustið 2017.
„Síðustu tveir mánuðir hafa farið í
viðræður við ýmsa aðila. Markmiðið
hefur verið að fá erlendan aðila til að
reka hótel í þessari byggingu sem
búið er að forhanna. Þessar keðjur
eru af þeirri stærðargráðu að hlut-
irnir gerast ekki á íslenskum hraða.
Svona verkefni eru hluti af margra
mánaða ferli. Nánast hver einasta
erlenda hótelkeðja sem dæmigerður
Íslendingur kannast við hefur sýnt
því áhuga að koma hingað. Það er
síðan önnur saga hvort ég hef að
bjóða lausnir sem henta þessum
keðjum,“ segir Jóhann og víkur að
sérstöðu íslenska markaðarins.
Annað fyrirkomulag á Íslandi
„Það hefur komið í ljós að íslensk-
ur fjármálamarkaður býður ekki
upp á þær lausnir sem þarf fyrir er-
lenda aðila. Flestar erlendu hótel-
keðjurnar leigja ekki hótelin heldur
gera rekstrarsamninga. Á Íslandi er
bankakerfið vant því að til staðar sé
leigusamningur. Þetta er áhugaverð
staðreynd og kann að skýra hvers
vegna nánast engar erlendar keðjur
reka hótel á Íslandi. Ástæðan er að
erlendu keðjurnar gera ekki leigu-
samninga og íslenska fjármálakerfið
hefur ekki aðlagað sig að þeim veru-
leika,“ segir Jóhann og tekur fram
að samstarfið við þessa erlendu aðila
gangi engu að síður vel. Þessi sér-
staða íslenska markaðarins flæki
hins vegar allan undirbúning.
Spurður hvers vegna hann sé öðr-
um þræði að horfa til erlendra aðila
segist Jóhann telja að markaðurinn
þurfi á því að halda. Þá bendir hann
á að Bandaríkjamönnum sem komi
til Íslands fjölgi. Sá hópur sé áhuga-
samur um að gista á keðjum sem
þeir þekkja. Almennt sé eftirspurnin
eftir erlendum hótelkeðjum að
aukast á Íslandi.
Hótelið í Vatnsmýri verður 22.450
þúsund fermetrar og með 400-450
herbergjum. Kostnaður við bygg-
inguna er áætlaður um 9 milljarðar
króna. Til samanburðar kom fram á
mbl.is í lok september að miðað væri
við 300-400 herbergi á hótelinu, 8
milljarða fjárfestingu og að bygg-
ingin yrði 18 þúsund fermetrar.
Mun betri nýting á Íslandi
„Það er slík eftirspurn núna – og
raunar umframeftirspurn – að hótel-
markaðurinn myndi þola það að
vaxa ekki neitt og jafnvel að verða
fyrir áföllum. Almennt er gert ráð
fyrir í hótelrekstri að menn þurfi
65% eða meiri nýtingu til að geta
verið á markaði. Íslensku hótelin eru
að nálgast 90% nýtingu. Fram kem-
ur í nýrri skýrslu Háskólans á Bif-
röst að aðeins um 13% af 1.900 íbúð-
um sem leigðar eru til ferðamanna í
Reykjavík í gegnum vefinn Airbnb
eru löglegar. Það kemur væntanlega
að því að farið verður að þrengja að
slíkri ólöglegri starfsemi.“
Fram kemur í umræddri skýrslu
Háskólans á Bifröst að árið 2005
voru um 2.000 hótelherbergi í boði á
höfuðborgarsvæðinu en um 3.400
herbergi árið 2014. Á sama tíma
jókst meðalnýtingin úr um 60% í
85%. Frá síðustu áramótum hafa
mörg hundruð herbergi bæst við
markaðinn og má þar nefna 320 her-
bergi í Fosshótelsturninum á Höfða-
torgi í Reykjavík. Þá hafa Hótel
Stormur (93 herbergi) og Hótel
Skuggi (100 herbergi) tekið til starfa
á árinu og Hótel Borg tekið í notkun
nýja álmu (43 ný herbergi), líkt og
Icelandair Hotel Reykjavík Marina
(40 ný herbergi).
Alls bættust við 596 herbergi á
þessum fimm hótelum sem segir sitt
um stærð hótelsins sem áformað er
að reisa í Vatnsmýri næstu misseri.
Risahótel í Vatnsmýri stækkar
 Nú er miðað við að 400-450 herbergi verði á hótelinu  Fjöldi erlendra hótelkeðja sýnir áhuga
 Framkvæmdastjóri félags að baki hótelinu segir íslenskan fjármálamarkað skorta réttar lausnir
Tölvuteikning/ASK arkitektar/Birt með leyfi
Á teikniborðinu Hér má sjá drög að fyrirhuguðu hóteli í Vatnsmýrinni.
Með útsýni yfir borgina Á efstu hæð verður hægt að kaupa áfenga drykki.
Götuhorn Nú er áætlað að byggingin verði yfir 22 þúsund fermetrar.Jóhann Halldórsson
Héraðsdómur Reykjavíkur hefur fallist á beiðni Reykjavíkurborgar um
flýtimeðferð vegna stefnu borgarinnar á hendur ríkinu. Tilefnið er meint-
ar vanefndir á samningum Reykjavíkurborgar og ríkisins um lokun NA-SV
flugbrautar Reykjavíkurflugvallar.
Hefur ríkislögmaður fengið frest til 7. janúar nk. til að skila greinar-
gerð ríkisins í málinu.
Fram kom á fundi borgarráðs 19. nóvember að Reykjavíkurborg hefði
„ítrekað farið fram á við innanríkisráðuneytið að það tilkynni um lokun
NA-SV flugbrautarinnar og hlutist til um endurskoðun á skipulagsreglum
um Reykjavíkurflugvöll í samræmi við skuldbindingar sem ríkið gekkst
undir með samningum frá 19. apríl 2013 og 25. október 2013 sem kveða á
um að flugbrautinni verði lokað“.
Flýtimeðferð í flugvallarmáli
RÍKISLÖGMAÐUR HEFUR FREST TIL 7. JANÚAR
Ekkert samkomulag er á milli
stjórnar og stjórnarandstöðu um af-
greiðslu fjárlagafrumvarps næsta
árs og afgreiðslu annarra mála og
frestun þingfunda fram yfir áramót.
Önnur umræða um fjárlagafrum-
varp næsta árs stóð allan daginn í
gær og fram á nótt.
Þingflokksformenn og forystu-
menn flokkanna hafa undanfarna
daga verið að ræða óformlega um af-
greiðslu mála. Ragnheiður Rík-
harðsdóttir, formaður þingflokks
sjálfstæðismanna, segir að sam-
komulag hafi ekki tekist.
Samkvæmt starfsáætlun Alþingis
átti störfum haustþings að ljúka með
þingfrestun síðastliðinn föstudag,
11. desember. Ekki er hægt að fresta
fundum fyrr en fjárlög hafa verið af-
greidd og tengd mál og nokkur svo-
kölluð dagsetningamál. Ríkisstjórn-
in hefur einnig lagt áherslu á að
ljúka afgreiðslu frumvarps um
breytingar á skipulagi þróunarsam-
vinnumála. Um það mál eru skiptar
skoðanir í þinginu og ljóst að stjórn-
arandstaðan mun leggjast í miklar
umræður ef málið verður sett á dag-
skrá fyrir jól.
Stjórnarandstaðan leggur einnig
áherslu á tilteknar breytingar á fjár-
lagafrumvarpi ríkisstjórnarinnar.
Inn í stöðuna blandast frumvarp
Illuga Gunnarssonar menntamála-
ráðherra um að hækka aftur út-
varpsgjald og láta hækkunina renna
til Ríkisútvarpsins. Frumvarpið hef-
ur ekki verið afgreitt frá ríkisstjórn-
inni til stjórnarflokkanna og ljóst
virðist að málið sé að renna út á tíma.
helgi@mbl.is, agnes@mbl.is
Ekki samkomulag um afgreiðslu mála
 Önnur umræða um fjárlagafrumvarp ríkisstjórnarinnar stóð fram á nótt á Alþingi og er ekki lokið
 Óformlegar viðræður stjórnar og stjórnarandstöðu um frestun þingfunda skila ekki árangri
Morgunblaðið/Eggert
Umræður Stjórnarandstaðan hefur rætt ítarlega um fjárlagafrumvarp og einstaka stjórnarliðar lagt orð í belg.
Þingmenn settu í gær nýtt met í
umræðum um fjárlagafrumvarp.
Seint í gærkvöldi hafði önnur
umræða staðið í um 56 klukku-
stundir og ekki séð fyrir endann.
Fyrra metið var frá 2012, þegar
rætt var um fjárlagafrumvarp
fyrir árið 2013. Þá stóð 2. um-
ræða yfir í 49 klukkustundir og
36 mínútur, samkvæmt upplýs-
ingum frá skrifstofu Alþingis. Þá
tóku umræðurnar þrjár og at-
kvæðagreiðslur um 80 klukku-
stundir en í gærkvöldi hafði um-
ræðan þegar staðið í um 73
stundir. Sigmundur Davíð Gunn-
laugsson, forsætisráðherra,
spáði því í þinginu í gær að þetta
Íslandsmet stjórnarandstöð-
unnar í málþófi myndi standa
lengi.
Nýtt Íslands-
met í „málþófi“
MARAÞONUMRÆÐUR