Morgunblaðið - 09.03.2016, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 9. MARS 2016
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Landsmenn ættu að njóta vel veðurblíðunnar sem spáð er í dag því næstu
daga verður leiðindaveður, hvassviðri og stormur með rigningu og snjó-
komu fram yfir helgi. Þorsteinn Jónsson, veðurfræðingur á Veðurstofu Ís-
lands, segir að það verði nánast ein lægð á dag. Ballið byrjar síðdegis í dag
með því að hann fer að þykkna upp og hvessa. Suðaustanhvassviðri verður
í nótt með rigningu sunnanlands og vestan. Reiknað er með að hann snúist
í suðvestanátt með éljagangi eftir hádegið á morgun.
Spáð er hvassviðri og
úrkomu fram yfir helgi
Morgunblaðið/Golli
Síðasti góðviðrisdagur vikunnar er í dag
Helgi Bjarnason
helgi@mbl.is
„Fyrsta kastið snýr þetta að erlend-
um ferðamönnum á Íslandi. Við telj-
um að gríðarleg sóknarfæri séu með
mikilli fjölgun ferðamanna hingað til
lands,“ segir Svavar Halldórsson,
framkvæmdastjóri Markaðsráðs
kindaköts, um markaðsátak fyrir
kindakjöt og aðrar sauðfjárafurðir,
sem hafið er. Nú þegar hafa 48 veit-
ingastaðir og verslanir hafið sam-
starf við Markaðsráðið.
Nýjasti og jafnframt stærsti
samningurinn sem Markaðsráðið
hefur gert er við Icelandair Hotels.
Íslenskt lambakjöt verður sett í
öndvegi á öllum veitingastöðum fyr-
irtækisins. Lambakjöti verður gert
sérstaklega hátt undir höfði á níu
veitingastöðum Icelandair Hotels og
á ellefu veitingastöðum Edduhót-
elanna í sumar. Verða mismunandi
lambakjötsréttir á hverjum stað.
Áður hefur verið tekið upp sam-
starf við aðra veitingastaði um
kynningu á kindakjöti og fjölda
verslana og framleiðenda um aðrar
íslenskar sauðfjárafurðir, eins og
ull, gærur, lopapeysur og handverk.
Í þeim tilvikum er lögð áhersla á að
merkja allar vörur sem eru sann-
arlega úr íslenskum sauðfjár-
afurðum.
Vilja sjá marktæka aukningu
Samstarfið við veitingastaði al-
mennt felst einnig að sögn Svavars í
því að veitingastaðirnir fá að nota
nýtt vörumerki Markaðsráðsins á
matseðlum sínum og geta auðkennt
sig á annan hátt og fá að njóta góðs
af sameiginlegu markaðsstarfi. „Við
stefnum að því að ná til ferðafólks-
ins í flugvélum og erum að vinna
kynningarefni fyrir leiðsögumenn í
samstarfi við Bændasamtökin.
Einnig verður verkefnið kynnt á
vefsíðum og í beinum auglýsingum.“
Svavar bætir við: „Við viljum sjá
marktæka söluaukningu. Höfum
ekki gert ráð fyrir að það komi fram
í sölutölum fyrr en 2017 en miðað
við viðbrögðin í upphafi er aldrei að
vita nema við sjáum aukningu í sum-
ar.“
Teknir verða frá verulegir fjár-
munir í markaðsstarf á næstu árum,
samkvæmt búvörusamningi í sauð-
fjárrækt sem taka á gildi um næstu
áramót. Svavar segir að þótt mark-
aðsstarfið snúi að ferðafólki í upp-
hafi muni það sem vinnst með því
verða notað við markaðsátak á þeim
stöðum sem ferðamennirnir koma
frá. Hann bendir þó á að það taki 3-5
ár að byggja upp viðskiptasambönd.
Ferðafólki boðið lambakjöt
 Íslenskt lambakjöt verður í öndvegi á yfir 30 íslenskum veitingastöðum í sumar
 Markaðsráð kindakjöts stefnir einnig að markaðsstarfi í heimalöndum ferðafólks
Morgunblaðið/Árni Sæberg
Lamb Kynna þarf lambasteikina
sérstaklega fyrir útlendingum.
Útskipun á áli hófst eftir hádegi í
gær við álver Rio Tinto Alcan í
Straumsvík og tóku alls 19 stjórn-
endur fyrirtækisins þátt. Verkfall
þeirra starfsmanna sem starfa við
útskipun hefur nú staðið í tæpar
tvær vikur.
Kolbeinn Gunnarsson, formaður
Verkalýðsfélagsins Hlífar, sagði í
samtali við mbl.is í gærkvöldi að
verkfallið væri farið að bíta.
Ólafur Teitur Guðnason, upplýs-
ingafulltrúi Rio Tinto Alcan á Ís-
landi, segir þá stöðu sem nú er uppi
á svæði álversins „ekkert gleðiefni“.
„Það er ekkert gleðiefni fyrir
stjórnendur að þurfa að standa í
þessu en við teljum það engu að síð-
ur skyldu okkar að reyna að bjarga
verðmætum.“ khj@mbl.is
Áli skipað út
við Straums-
vík í gær
Þungur tónn er í
félagsmönnum
BHM sem starfa
hjá sveitarfélög-
unum og þeir eru
að íhuga aðgerð-
ir. „Staðan er
þessi, að samn-
ingar hafa verið
lausir í rúmlega
hálft ár og það
hefur gengið
seint og illa að eiga kjaraviðræður
við samninganefnd Sambands ís-
lenskra sveitarfélaga. Það segir sig
sjálft að þegar viðræður fara fram
með þessum hætti þá kemur að því
að fólk hugsar sinn gang,“ segir Þór-
unn Sveinbjarnardóttir, formaður
BHM.
Krafa um nýtt launakerfi
Hún segir að ekkert hafi verið
ákveðið með aðgerðir. „Það hefur
verið hugsað og verður skoðað ef
þessi staða breytist ekki fljótt,“ seg-
ir Þórunn um verkfallsaðgerðir.
Helsta krafa BHM er að breyta
launakerfi sveitarfélaganna, meðal
annars með því að færa yfirvinnu-
greiðslur inn í grunnlaun. Í tilkynn-
ingu BHM segir að það hafi sáralít-
inn kostnað í för með sér. „Upptaka
nýs og betra launakerfis má ekki
bíða lengur,“ segir í tilkynningunni.
Næsti samningafundur hefur verið
boðaður nk. föstudag. ash@mbl.is
BHM
íhugar
aðgerðir
Þórunn
Sveinbjarnardóttir
 Illa gengur að
semja við sveitarfélög
Bráðabirgðaniðurstöður rannsóknar
réttarmeinafræðings á áverkum
konunnar sem tilkynnt var um árás-
ir á í húsi í Hafnarfirði í febrúar
liggja fyrir. Lögreglan veitir ekki
upplýsingar um niðurstöðurnar.
Lögreglan hefur engan handtekið
og engan grunaðan í Móabarðsmál-
inu. Árni Þór Sigmundsson, aðstoð-
aryfirlögregluþjónn hjá lögreglunni
á höfuðborgarsvæðinu, segir að lög-
reglan hafi heldur ekkert í hönd-
unum sem kalli á að varað sé við
óþekktum geranda. Allar upplýs-
ingar um mannaferðir á umræddum
mánudagsmorgni og sunnudags-
kvöldi hafi verið kannaðar og átt sér
eðlilegar skýringar. Rannsókninni
er haldið áfram, samkvæmt upplýs-
ingum Árna Þórs.
Áverkarnir
rannsakaðir
Erla María Markúsdóttir
erla@mbl.is
Flest kynferðisbrot eiga sér stað
þegar þolendur eru á aldrinum 11-
17 ára. Flestir leita sér þó aðstoðar
18-29 ára. Þetta
kemur fram í
ársskýrslu Stíga-
móta árið 2015,
sem kynnt var í
gær.
„Við erum
fyrst og fremst
að hitta fólk á
aldrinum 18-29
ára en fólk er að
koma til okkar
fram eftir öllum
aldri vegna kynferðisofbeldis í
æsku,“ segir Guðrún Jónsdóttir,
talskona Stígamóta.
Ofbeldi fyrir 18 ára aldur
Í skýrslunni kemur einnig fram
að 71,1% þolenda sem leituðu til
samtakanna í fyrra var beitt of-
beldi áður en þau höfðu náð 18 ára
aldri. 26,8% voru á aldrinum 5-10
ára. „Það er verið að meiða litla
krakka sem rata ekki hingað eða
neitt annað fyrr en þau eru orðin
fullorðin,“ segir Guðrún. Þessar
tölur sýna hópinn sem leitar ekki
til Barnahúss eða Neyðarmóttök-
unnar, en Guðrún segir að hann sé
samt sem áður allt of stór. Stíga-
mót vilja bregðast við þessum
vanda og hefur starfsfólk samtak-
anna boðað fulltrúa Barnahúss,
Umboðsmann barna, Barnavernd-
arstofu og Félag skólastjórnenda
til fundar þar sem þessi mál verða
rædd. Meðal þess sem Stígamót
leggja til er að koma á fót neyð-
arsíma fyrir börn sem orðið hafa
fyrir kynferðisofbeldi. Samkvæmt
lögum ber Stígamótum að tilkynna
foreldrum barna undir 18 ára aldri
– svo og barnaverndaryfirvöldum –
ef um kynferðisbrot er að ræða.
Með tilkomu neyðarsímans munu
börn og unglingar, 18 ára og yngri,
geta hringt nafnlaust og vonast
Guðrún til þess að með samvinnu
fagaðila og barnanna verði hægt að
koma málum þeirra inn í kerfið, án
þess að börnin upplifi hræðslu.
„Við ætlum að lækka þröskuld-
inn með því að nálgast börnin, sem
geta hringt nafnlaust. Við gætum
byrjað með tveimur tímum, þrisvar
í viku, til dæmis. Við getum ekki
notað það sem afsökun að við meg-
um ekki hjálpa þessum börnum,“
segir Guðrún.
Lækka þröskuld
og nálgast börnin
 Þolendum kynferðisofbeldis mætt
Guðrún
Jónsdóttir