Morgunblaðið - 09.03.2016, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 9. MARS 2016
Björn Jóhann Björnsson
Þorsteinn Ásgrímsson
Kjartan Kjartansson
„Húsið er klárlega ónýtt en við látum
þetta ekki stöðva okkur. Við erum að
vinna í því að finna okkur bráða-
birgðahúsnæði til að geta tekið
áfram við bílum til viðgerða. Það er
ekkert annað í stöðunni en að halda
áfram,“ segir Jakob Þórarinsson,
verkstjóri á Réttingarverkstæði
Þórarins og Bílrúðunni, eftir brun-
ann við Grettisgötu 87 í fyrrakvöld
og fyrrinótt, en verkstæðin voru þar
í suðurhluta hússins,
Í norðurendanum, þar sem talið er
að eldurinn hafi komið upp, var lík-
amsræktarsalur, geymsla fyrir
ferðavagna og aðstaða sem Halldór
Örn Ragnarsson myndlistarmaður
átti. Íbúð Halldórs og unnustu hans
var einnig í húsinu og misstu þau
aleigu sína, eins og kom fram á
mbl.is í gær.
Starfsmenn náðu að forða sér
Faðir Jakobs, Þórarinn G. Jakobs-
son, stofnaði og á verkstæðin bæði
tvö og er að auki skráður eigandi
fasteignarinnar. Synir hans hafa
tekið við rekstrinum. Keypti Þórar-
inn húsnæðið kringum áramótin
1981/1982 af Agli Vilhjálmssyni hf.,
sem rak þarna áður bílaverkstæði og
lét reisa það á sjöunda áratug síð-
ustu aldar. Eins og kemur fram hér
neðar á síðunni, varð stórbruni við
þennan byggingarreit í nóvember
1981 þegar smurstöð Egils brann og
í kjölfarið flutti fyrirtækið höfuð-
stöðvar sínar.
Að sögn Jakobs voru nokkrir
starfsmenn enn að störfum í verk-
stæðunum þegar eldurinn kom upp.
Þeir náðu að forða sér og horfðu á
húsið brenna án þess að fá rönd við
reist. Ekki var talið hægt að bjarga
bílum úr verkstæðunum vegna
sprengihættu.
Á bilinu 5-6 menn hafa starfað á
verkstæðunum. Vonast er til að þeir
geti haldið áfram störfum á öðrum
stað. „Auðvitað er þetta fúlt en við
verðum að halda áfram,“ sagði Jak-
ob, sem unnið hefur á verkstæðunum
meira og minna alla sína starfsævi.
Einn maður hélt á flatskjá
Bruninn frá í fyrrakvöld er til
rannsóknar hjá lögreglu, sem í gær
taldi of snemmt að segja til um elds-
upptök. Vildi lögregla ekki útiloka
íkveikju eða aðrar orsakir, frekari
rannsókn myndi leiða það í ljós.
Ekki hafði verið hægt að fara inn í
brunarústirnar vegna hættu á að
þakið myndi hrynja. Þá voru ferða-
vagnar og bílar geymdir í kjallara og
stóð til að fara þar inn í gær, til að
skoða vegsummerki og koma öku-
tækjunum út.
Lögreglan leitar upplýsinga um
mannaferðir við Grettisgötu 87. Sást
m.a. til ferða tveggja manna, eftir að
elds og reyks varð vart í húsinu, og
virtust þeir koma þaðan með ein-
hverja hluti í farteskinu, eins og lög-
reglan orðar það í yfirlýsingu. Er tal-
ið að annar mannanna hafi haldið á
flatskjá.
Misvísandi frásagnir
Að sögn rannsóknarlögreglu-
manns, sem Morgunblaðið ræddi við
í gær, berast misvísandi frásagnir
um hvort fleiri hafi sést á ferli við
húsið. Talað hefur verið um aðra tvo
menn við húsið, en lögregla útilokar
ekki að það séu sömu mennirnir og
fyrr voru nefndir. Var annar þeirra
sagður klæddur stórri, rauðri eða
appelsínugulri úlpu, og eiga þeir að
hafa gengið út á Rauðarárstíg og síð-
an eftir honum í suðurátt.
Lögreglan biður þá sem búa yfir
upplýsingum um mannaferðir, eða
annað sem kann að varpa ljósi á
brunanna, að hafa samband í síma
444-1000. Einnig má senda tölvupóst
á netfangið 9726@lrh.is eða senda
einkaskilaboð á Facebook-síðu Lög-
reglunnar á höfuðborgarsvæðinu.
„Látum þetta ekki stöðva okkur“
 Lögregla rannsakar stórbrunann við Grettisgötu  Upplýsinga óskað um mannaferðir við húsið
 Eigandi verkstæðanna leitar sér að bráðabirgðahúsnæði  Myndlistarmaður missti aleigu sína
Morgunblaðið/Eggert
Rannsókn Húsnæðið er talið gjörónýtt. Hér er norðurhlið hússins í forgrunni en talið er að þar hafi eldurinn komið
upp í fyrrakvöld. Í kjallara voru geymdir ferðavagnar og ökutæki. Verkstæði voru í suðurhluta hússins.
Björn Jóhann Björnsson
bjb@mbl.is
„Sprengingarnar urðu nú tíðari og
stærri, brak úr húsinu kom fljúgandi
og rúður brotnuðu …“ skrifar blaða-
maður Morgunblaðsins m.a. í frá-
sögn sinni af stórbruna í gasverk-
smiðjunni Ísaga við Rauðarárstíg að
kvöldi 18. júlí 1963, ekki langt frá
vettvangi brunans við Grettisgötu í
fyrrakvöld.
Hringdi fyrst á Morgunblaðið
Varð blaðamaðurinn vitni að
brunanum, var þá staddur á Hlemmi
þegar eldur varð laus hjá Ísaga og
sprengingar tóku að heyrast. Síðan
segir í frétt blaðsins:
„Svartar reyksúlur teygðu sig upp
í loftið og dynkir heyrðust. Kom að
vonum fát mikið á þá sem nær-
staddir voru, bílar beygðu af braut
og fótgangandi tóku á rás í átt að
hinu brennandi húsi. Lögreglan var
snör á vettvang og varnaði því að
menn hættu sér of nærri húsi þessu,
sem búast mátti við að spryngi upp á
hverju augnabliki. Fyrstu viðbrögð
blaðamannsins voru að hringja niður
á Morgunblað og brá sér inn í Mat-
stofu Austurbæjar þeirra erinda. Á
gangstéttinni rakst hann á konu í
náttslopp og á inniskóm, sýnilega
ein af íbúum í næsta húsi, sem hafði
brugðið blundi, þegar sprenging-
arnar hófust. Og hún var ekki sú
eina, sem hljóp fáklædd út á götu.“
Húsnæði Ísaga gjöreyðilagðist á
stórum hluta og skemmdir urðu á
nærliggjandi húsum vegna spreng-
inga og reyks. Rúður í húsum brotn-
uðu upp eftir Rauðárárstíg og
Snorrabraut, svo dæmi sé tekið.
Annar stórbruni varð á svipuðum
slóðum í nóvember 1981, nánar til-
tekið í smurstöð Egils Vilhjálms-
sonar hf. og glerverkstæði við Rauð-
arárstíg og Grettisgötu. Bak við þær
byggingar, sem hrundu til grunna,
var þáverandi bílaverkstæði Egils
Vilhjálmssonar eða sama húsnæðið
og brann í fyrrakvöld.
Í frásögn Morgunblaðsins af
brunanum 1981 kemur m.a. fram að
slökkviliðinu hafi tekist að bjarga
nærliggjandi húsum, m.a. húsnæði
BSRB, verkstæði Egils Vilhjálms-
sonar við Grettisgötu og húsakynn-
um fyrirtækisins við Rauðarárstíg.
Sprengingar heyrðust þegar elds-
ins varð vart og slökkviliðið taldi
ekki varlegt að fara inn að slökkva.
Engan sakaði en mikið tjón varð,
m.a. brann inni einn bíll og sport-
vörulager í kjallara eyðilagðist.
Smurstöð brennur Frásögn Morgunblaðsins um brunann í húsnæði Egils
Vilhjálmssonar í nóvember 1981, í fyrsta blaðinu eftir prentaraverkfallið.
Sprengingar og „brak úr
húsinu kom fljúgandi“
 Stórbrunar á svipuðum slóðum  Ísaga sprakk í loft upp
árið 1963  Smurstöð Egils Vilhjálmssonar brann 1981
Ísaga Forsíða Morgunblaðsins 19.
júlí 1963 var eingöngu um brunann.
Rústirnar Unnið að hreinsun síðustu rústa eftir brunann í smurstöðinni. Í
bakgrunni til vinstri glittir í verkstæðið, hvítt að lit, sem brann í fyrrakvöld.
Morgunblaðið/Emilía
Fjölda fólks
dreif að vett-
vangi brunans
við Grettisgötu
í fyrrakvöld,
líkt og jafnan
er þegar stór-
brunar verða.
Lögreglan á
höfuðborgarsvæðinu sá ástæðu
til þess í fréttatilkynningu í gær
að minnast á vegfarendur sem
komið hefðu á vettvang. Virtu
þeir lokanir lögreglu að vettugi
og trufluðu störf slökkviliðs-
manna og annarra björgunar-
aðila.
„Slíkt er með öllu ólíðandi og
raunar skammarlegt,“ sagði í
tilkynningu lögreglunnar.
Framkoman
„skammarleg“
VIRTU EKKI LOKANIR
Morgunblaðið/Golli
Slökkvistarf Tilkynnt var um eldinn á Grettisgötu 87 um áttaleytið á mánu-
dagskvöld. Umfangsmikið slökkvistarf stóð yfir langt fram á nótt.