Orð og tunga - 01.06.2006, Page 14

12
Orð og tunga
færni í erlendum tungumálum með því að vafra um veraldarvefinn
í vefleiðöngrum og grúska í gagnagrunnum á markmálinu. Greiður
aðgangur að rauntextum ásamt tækifærum til að spjalla á markmál-
inu á þar til gerðum rásum við innfædda og aðra nemendur og koma
sér saman um merkingu orða og orðasambanda (negotiate meaning)
er undirstaða nýrrar nálgunar í tileinkun tungumála gegnum tölvur
sem kallast Networked Language Leaming (Warschauer 1998; Warschau-
er og Kern 2000; Kern, Ware og Warschauer 2004). Þessi nálgun legg-
ur aðaláherslu á tjáskipti sem undirstöðu máltileinkunar en sú nálg-
un hefur verið ríkjandi í tungumálakennslu undanfarin ár (Lantolf
2000). Munurinn á hefðbundnum tjáskiptamiðuðum kennsluaðferð-
um og Networked Language Learning er að síðari nálgunin á við sam-
skipti manns og tölvu.
Samskiptanetanálgunin (Networked Language Learning) hentar
illa byrjendum í tungumálanámi því þeir hafa ekki nægilega málfærni
til gagnlegra samskipta. Hún hentar líka illa í kennslu beygingarmála
þar sem margbreytileiki birtingarforma torveldar skilning og tjáningu.
Það er erfitt að þjálfa flæði (auka sjálfvirkni) í tjáskiptum þegar út-
skýra þarf strax frá upphafi hvers vegna svo mörg orð hafi svo mörg
birtingarform.
Dæmi um notkun gagnabanka og internetsins til tungumálanáms
má sjá í aukinni notkun leitarvéla t.d. Google sem uppsláttarrits,
m.a. til að sannprófa reglur og hefðir um málnotkun, t.a.m. í ritun
(Hubbard 2004). En notkun gagnabanka og opinna alfræðibóka (wikis)
og almennra leitarvéla er afar óáreiðanleg og krefst í raun nokkurrar
færni í tungumálinu til þess að hún gagnist nemandanum. Til dæm-
is mætti auðveldlega kynna sér hvaða birtingarform nafnorðið kona í
fleirtölu með greini hefur með forsetningunni frá. Er það/ra konunum
eða frá konurnar? Notandinn slær þá inn á Google: 'frá konunum’ fyrst
og í ljós kemur að það kemur fyrir 917 sinnum á íslenskum vefsíð-
um. En ef slegið er inn frá konurnar kemur það aldrei fyrir (leit gerð á
www.google.com 25. ágúst 2005). Af þessu má draga þá ályktun að birt-
ingarform nafnorðsins kona í fleirtölu með greini á eftir forsetningunni
frá er konunum. Þessi aðferð er þó ekki alltaf jafn örugg og sést það á
prófi ef slegið er inn þau langar og þeim langar. Hið fyrra kemur fýrir
70.600 sinnum á íslenskum vef- og bloggsíðum en hið síðara á 82.200
síðum (leit gerð á www.google.com 25. ágúst 2005). Þó að þetta sé hugs-
anlega vísbending um raunverulega málnotkun er þessi leið síður lík-