Morgunblaðið - 06.10.2016, Síða 2

2 FRÉTTIRInnlent
MORGUNBLAÐIÐ FIMMTUDAGUR 6. OKTÓBER 2016
Síðumúla 20, 108 Reykjavík • Sími 551 8258 • storkurinn.is
Við
eigum
líka
tiltölurnar
Opið:
Mán.-F
ös.
11-18
Lau. 11
-15
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Nemendur, starfsfólk og velunnarar Melaskóla
fögnuðu sjötugsafmæli skólans í gær og af því
tilefni var opið hús í skólanum þar sem gestir
gátu kynnt sér þá vinnu sem þar fer fram. Lík-
lega hafa einhverjir fyrrverandi nemendur skól-
ans komið þar við og rifjað upp liðna skóladaga.
Merki skólans var afhjúpað í gær og skörtuðu
sumir nemendur skólans stuttermabol með
mynd af merkinu af þessu tilefni.
Kátir krakkar fögnuðu afmæli skólans síns
Morgunblaðið/Eggert
Haldið var upp á sjötugsafmæli Melaskóla í gær
Þorsteinn Friðrik Halldórsson
tfh@mbl.is
Fulltrúar allra þingflokka funduðu í
gær til að komast að samkomulagi
um þinglok. Fundurinn hófst um
níuleytið í gærkvöldi og stóð yfir á
aðra klukkustund. Ekki fékkst nið-
urstaða á fundinum en að sögn
Katrínar Jakobsdóttur, formanns
Vintri-grænna, eru viðræður nú
komnar í farveg.
„Orðum þetta þannig að málin
hafa þokast en við ætlum að funda
aftur á morgun [í dag]. Menn nálg-
uðust hvað væri hægt að klára fyrir
þinglok en þetta mun skýrast eftir
næsta fund,“ sagði Katrín eftir
fundinn.
Mikil óvissa hefur ríkt um dag-
setningu þingloka og hvaða mál
verði afgreidd innan tímarammans.
Stór mál svo sem frumvarpið um
Lánasjóð íslenskra námsmanna,
samgönguáætlun og frumvarp um
breytingar á lífeyrisréttindum op-
inberra starfsmanna, bíða enn af-
greiðslu og hefur stjórnarandstaðan
ítrekað kallað eftir því að stjórn-
arflokkarnir leggi fram áætlun sem
tiltekur lokadag þingstarfa.
„Þetta er allt að smella saman og
vonandi kemur í ljós á morgun [í
dag] hvenær þetta klárast. Það er
stefnt að því að setja endapunkt á
þetta allt saman sem fyrst. Það eru
ýmis atriði sem þarf að skoða betur
og vonandi getum við fundið ramma
sem hægt er að standa við,“ sagði
Birgitta Jónsdóttir, fulltrúi Pírata, í
samtali við Morgunblaðið eftir fund-
inn í gærkvöldi. Óttarr Proppé, for-
maður Bjartrar framtíðar, tók í
sama streng og sagðist vongóður
um að komast að samkomulagi í
dag en fundurinn hefst upp úr há-
degi.
Ekki náðist í fulltrúa ríkisstjórn-
arinnar að fundi loknum.
Þinglok enn óljós
 Fulltrúar þingflokkanna funduðu um þinglok í gær
 Telja líklegt að samkomulag um dagsetningu náist í dag
Morgunblaðið/Eggert
Alþingi Enn er óvíst um þinglok.
Þorsteinn Friðrik Halldórsson
tfh@mbl.is
Oddur Ingólfsson, prófessor í eðl-
isefnafræði og deildarforseti raun-
vísindadeildar við verkfræði- og
náttúruvísindasvið Háskóla Íslands,
fer fyrir stórum alþjóðlegum hópi
vísindamanna sem nýverið hlaut
tæplega fjögurra milljóna evra
styrk, jafnvirði um 500 milljóna ís-
lenskra króna, úr 2020 Marie Skł-
odowska-Curie áætlun Evrópusam-
bandsins til rannsóknarverkefnis.
Verkefnið, sem ber heitið
ELENA, hófst formlega 1. október
og er til fjögurra ára. Auk Háskóla
Íslands og Raunvísindastofnunar
Háskólans koma 13 aðrir háskólar,
þrjár vísinda-
stofnanir og
fimm fyrirtæki
frá alls 13 lönd-
um að verkefn-
inu.
Verkefnið snýr
í meginatriðum
að örtækni, sem
byggir á ná-
kvæmri stjórn á
samsetningu og
uppbyggingu örsmárra, virkra
íhluta í tæknibúnaði sem nýtist á
margvíslegan máta.
„Með aukinni færni og tækni
koma meiri kröfur. Ein krafa sem
hefur alltaf verið ríkjandi er að
gera einingarnar og rásirnar
smærri. Þróun örgjörva hefur
ávallt verið mjög hröð en við erum
að horfa fram á að komast ekki
lengra og verkefnið er viðbragð við
því,“ sagði Oddur í samtali við
Morgunblaðið.
Skapar tækifæri í bransanum
Í framhaldi er ætlunin að nýta þá
þekkingu sem fæst með rannsókn-
unum til að þróa tæknina frekar
svo hún verði samkeppnishæf á
markaði. Fimmtán doktorsnemar
taka þátt í verkefninu, þar af þrír á
Íslandi. „Markmiðið er jafnframt að
þjálfa fólk sem hefur ákveðinn
þekkingargrunn þannig að það öðl-
ist færni og frekari þekkingu á ör-
tækni til þess að koma henni í nyt.“
Leiðir milljónarannsókn
 Verkefnið ELENA undir forystu Odds Ingólfssonar fær
500 milljónir til þróunar á örtækni 13 háskólar í samstarfi
Oddur
Ingólfsson
Mikið hvassviðri hefur gengið yfir
landið undanfarna daga. Vindurinn
náði hámarki í gær en búist er við
áframhaldandi strekkingi um
helgina að mati sérfræðings hjá
Veðurstofu Íslands.
„Hann gefur eftir og verður orð-
inn sæmilega skaplegur eftir há-
degi á morgun [í dag]. Svo bætir
aftur í á föstudaginn og á laug-
ardaginn verður strekkingsvindur
og hvassviðri en ekki jafnkröftugt
og hefur verið,“ sagði Teitur Ara-
son í samtali við Morgunblaðið í
gærkvöldi.
Að sögn Teits á veðurfarið rætur
að rekja til hæðar með óvenjumikl-
um þrýstingi yfir Skandinavíu
Björgunarsveitir víða um land
voru kallaðar út í gær vegna þak-
platna sem fuku og víkingaskipið
Vésteinn, sem lá við bryggju við
Granda, losnaði frá festum sínum
og sökk í höfnina. Unnið var að því
í gærkvöldi að ná skipinu upp.
Óveðrið kemur
frá Skandinavíu
Jarðskjálfti af stærð 3,8 varð í gær-
morgun í norðanverðri Bárð-
arbunguöskju. Skjálftinn er ekki
óvenjulegur að mati sérfræðings
hjá Veðurstofu Íslands.
„Það hefur verið viðvarandi
virkni í Bárðarbungu síðan gosinu
lauk. Kerfið er að jafna sig eftir
umbrotin og talið er að það sé kvika
að koma í kvikuhólfið sem tæmdist í
gosinu,“ segir Hulda Rós Helga-
dóttir náttúruvársérfræðingur.
Bárðarbunga skalf
„Þessi viðbrögð komu okkur dálítið á
óvart, en áhöfnin á Þerney er þaulvön
veiðum á þessum slóðum og ætti því
að kunna vel til verka,“ segir Vil-
hjálmur Vilhjálmsson, forstjóri HB
Granda, en rússneskt herskip stöðv-
aði í gærkvöldi för frystitogarans
Þerneyjar þegar hann var á leið frá
Kirkenes í Noregi til veiða. Togarinn
var þá nýkominn inn í lögsögu Rússa.
„Mér skilst að Þerney hafi farið yf-
ir ákveðna línu um klukkustund fyrr
en áhöfnin hafði gefið upp í áætlun,“
segir Vilhjálmur og bendir á að áhöfn
herskipsins hafi þá farið um borð í
Þerney til að ræða við skipstjórann
og fara yfir pappíra. Því næst var
skipstjórinn á Þerney fluttur yfir í
herskipið til að gera nánar grein fyrir
siglingu togarans og var hann þar
enn þegar Morgunblaðið fór í prent-
un.
Að sögn stýrimanns á Þerney fór
togarinn of snemma inn í lögsögu
Rússa þegar verið var að sækja eft-
irlitsmann. „Við vorum ekki að sækja
hann á hefðbundinn stað heldur inn á
fjörð og vorum ekki komnir með leyfi
til þess þegar við fórum þangað,“
segir hann. khj@mbl.is
Herskip stöðvaði
för Þerneyjar RE
 Skipstjórinn færður yfir í herskipið
Morgunblaðið/Eggert
Togari Þerney var á leið til veiða.