Morgunblaðið - 06.10.2016, Side 9

FRÉTTIR 9Innlent
MORGUNBLAÐIÐ FIMMTUDAGUR 6. OKTÓBER 2016
Sigtryggur Sigtryggsson
sisi@mbl.is
Alveg einstaklega hagstætt sumar
til kartöfluræktar er að baki, eitt
það albesta í manna minnum, að
sögn Bergvins Jóhannssonar bónda
á Áshóli í Grýtubakkahreppi í Eyja-
firði, en hann er formaður Lands-
sambands kartöflubænda. „Það
verður til nóg af góðum íslenskum
kartöflum langt fram á næsta sum-
ar,“ segir Bergvin.
Kartöflubændur eru að mestu
leyti búnir að taka upp og koma
kartöflunum í hús. Víða var upp-
skeran svo góð að ekki var nægilegt
geymslupláss fyrir hana alla. „Roll-
urnar og hestarnir fá það sem um-
fram er. Dýrin eru sólgin í nýjar
kartöflur,“ segir Bergvin.
Hvergi næturfrost
Helstu kartöfluræktunarsvæði
landsins eru í Þykkvabæ, sem er
stærst, í Eyjafirði og Hornafirði. Oft
hefur veðráttunni verið misskipt
milli landshluta en nú bar svo við að
sumarið var hagstætt um allt land.
Það hjálpaði líka til að hvergi komu
næturfrost og engir sjúkdómar
komu upp svo vitað sé. Þetta er ann-
að árið í röð sem uppskeran er svona
góð. Gróðurinn tók snemma við sér í
sumar og því voru nýjar kartöflur
komnar í verslanir í byrjun júlí.
Bergvin lauk við að taka upp kart-
öflur um miðja síðustu viku. Bændur
í Eyjafjarðarsveit hafa hins vegar
lent í vandræðum vegna þess hve
jarðvegurinn var blautur. Gátu þeir
ekki komið tækjunum í kartöflu-
garðana vegna bleytu. Þó er vonast
til að þeir nái að ljúka upp-
skerustörfum áður en frystir.
Morgunblaðið/Helgi Bjarnason
Uppskera Nóg verður til af íslensk-
um kartöflum fram á næsta sumar.
Mjög góð kartöfluuppskera
 Komu ekki allri uppskerunni í hús  Dýrin fá að njóta
Á fundi umhverfis- og skipulagsráðs
Reykjavíkur í síðustu viku var sam-
þykkt samhljóða sú tillaga að láta
stjórn Strætó bs. kanna fýsileika
næturaksturs á stofnleiðum um
helgar. Er þar nefndur tíminn frá
hálfeitt til fjögur aðfaranætur
laugardags og sunnudags, á hálftíma
eða klukkustundar fresti.
Jafnframt var samþykkt að láta
stjórn Strætó gera kostnaðar- og
ábatamat á því að aksturstími
Strætó yrði til kl. 1 að nóttu alla
virka daga og á laugardagskvöldum.
Með tillögu um næturaksturinn
segir m.a. í greinargerð að lengi vel
á 9. og 10. áratugnum hafi borg-
arbúar gengið að því vísu að geta
tekið strætisvagn heim eftir menn-
ingarviðburði. Það eigi ekki að vera
skilyrði að fara akandi á eigin bíl eða
taka kostnaðarsaman leigubíl heim
ef kvöldskemmtun ljúki nærri mið-
nætti.
Hugað þarf að kostnaði
„Þátttaka í menningarviðburðum
og rómuðu skemmtanalífi borg-
arinnar ættu ekki að vera forréttindi
þeirra sem búa nærri miðborginni
eða hafa ráð á leigubílum. Þá verður
ekki litið framhjá því að margt vinn-
andi fólk sem vinnur vaktir eða á
ótýpískum tíma sólarhrings getur
farið á mis við kosti þess að nota
strætó á leið til eða frá vinnu ef akst-
urstíma er þröngt sniðinn stakkur.
Markmið Strætó og Reykjavík-
urborgar ætti að vera að gera bíl-
lausan lífsstíl mögulegan allan sólar-
hringinn,“ segir í greinargerðinni.
Jóhannes Rúnarsson, fram-
kvæmdastjóri Strætó bs, segir að
málið verði skoðað út frá því hvar
eftirspurnin sé eftir næturakstri. Of
snemmt sé að segja til um hvaða
leiðir þetta yrðu, huga þurfi að
kostnaði og fleiri þáttum. bjb@mbl.is
Morgunblaðið/Eggert
Safnanótt Næturakstur strætó um
helgar á stofnleiðum er í skoðun.
Næturakstur
um helgar
til skoðunar
Ekki var flogið frá Reykjavík til Ak-
ureyrar fyrri hluta dags í gær
vegna stormviðvörunar. Því varð að
fresta fundi sem vera átti í Menn-
ingarhúsinu Hofi á Akureyri í gær
um framtíð Reykjavíkurflugvallar.
Dagur B. Eggertsson borgar-
stjóri átti að vera einn af fram-
sögumönnum á fundinum en komst
ekki norður vegna veðurs, segir í
frétt frá Akureyrarbæ. Aðrir frum-
mælendur áttu að vera Eiríkur
Björn Björgvinsson, bæjarstjóri á
Akureyri, og fulltrúi frá ISAVIA.
Nýr fundur verður boðaður innan
tíðar.
„Mikill styr hefur staðið um stað-
setningu Reykjavíkurflugvallar hin
síðari ár. Vangaveltur hafa verið
um hvort flytja eigi innanlands-
flugið til Keflavíkur eða leggja nýj-
an flugvöll í Hvassahrauni. Á síðari
árum hafa bæjarstjórn og bæjarráð
Akureyrar ítrekað bókað um
Reykjavíkurflugvöll og mikilvægi
hans,“ sagði í tilkynningu þegar
fundurinn var boðaður.
Fundi um flugvöll
var frestað vegna
stormviðvörunar