Morgunblaðið - 06.10.2016, Side 44

FIMMTUDAGUR 6. OKTÓBER 280. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Spurði hvort hann mætti …
2. „Ég var ekki á leiðinni í …“
3. Dyravörðurinn lykilvitni í …
4. „Fer illa í bæjarbúa“
»MEST LESIÐ Á mbl.is
FÓLK Í FRÉTTUM
 Norðlenskar konur í tónlist halda
tónleika á Flugsafni Íslands í kvöld kl.
20.30. Flutt verða lög tengd lofti,
stríðsáratónlist og rómantík. Fram
koma Ásdís Arnardóttir á kontra-
bassa, Helga Kvam á píanó og söng-
konurnar Kristjana Arngrímsdóttir,
Þórhildur Örvarsdóttir og Lára Sóley
Jóhannsdóttir sem einnig leikur á
fiðlu. Sérstakur gestur á tónleik-
unum er Ella Vala Ármannsdóttir
kornettleikari. Miðar eru seldir við
innganginn.
Ljósmynd/Daníel Starrason
Norðlenskar konur
flytja lög um loftið
 Fáar teiknimyndir hafa vakið jafn-
almenna aðdáun og Fantasía eftir Walt
Disney. Myndin markaði tímamót þeg-
ar hún kom fyrst út árið 1940 þar sem
sígildri tónlist og teiknimyndum var
blandað saman á eftirminnilegan hátt.
Sinfóníuhljómsveit Íslands leikur tón-
listina við upprunagerð Fantasíu og
Fantasíu 2000 með myndefni á tón-
leikum í kvöld og annað kvöld kl. 19.30
sem og laugardag kl. 17, en uppselt er
á síðastnefndu tónleikana. Hljómsveit-
arstjóri kvikmyndatónleikanna er Ted
Sperling sem starfað hefur í heimi
söngleikjanna í yfir þrjá-
tíu ár. Tónleikarnir eru
hluti af dagskrá Al-
þjóðlegrar kvik-
myndahá-
tíðar í
Reykjavík
(RIFF) 2016.
Miðasala er á
sinfonia.is eða í
miðasölu Hörpu.
Fantasía Disneys á
Sinfó-tónleikum
Á föstudag Suðaustan 13-20 m/s og hvassast og dálítil væta
syðst, en annars mun hægari og bjart með köflum. Hiti 7 til 13 stig.
Á laugardag og sunnudag Allhvöss eða hvöss suðaustlæg átt og
vætusamt á sunnanverðu landinu, en úrkomuminna fyrir norðan.
SPÁ KL. 12.00 Í DAG Suðaustan 10-18 m/s og rigning SA-til, en
annars 5-13 og allvíða skúrir. Hiti 7 til 16 stig, hlýjast á NA-landi.
VEÐUR
Íslenska karlalandsliðið
skipað leikmönnum 21 árs
og yngri er skrefi nær því að
tryggja sér sæti á Evrópu-
mótinu sem fer fram í Pól-
landi á næsta ári. Liðið vann
Skotland 2:0 á Víkingsvell-
inum. Veðuraðstæðurnar
voru vægast sagt skelfileg-
ar og það hafði bersýnileg
áhrif á leikinn. Liðið er í
dauðafæri á þriðjudag er
það mætir Úkraínu á Laug-
ardalsvelli. »3
Allt undir á
þriðjudag
Íslendingar mæta Finnum í öðrum
leik sínum í undankeppni HM í knatt-
spyrnu á Laugardalsvellinum í kvöld.
Báðar þjóðir gerðu 1:1 jafntefli í
fyrsta leik sínum í riðlinum, Ísland á
útivelli á móti
Úkraínu og
Finnland á
heimavelli á
móti Ko-
sóvó. »1
Mæta Finnum í Laug-
ardalnum í kvöld
Sænska meistaraliðið Rosengård,
með stjörnurnar Mörtu og Lottu
Schelin fremstar í flokki, vann naum-
an 1:0-sigur á Breiðabliki á Kópa-
vogsvelli í gær í fyrri leik liðanna í 32-
liða úrslitum Meistaradeildar Evrópu
í knattspyrnu. Liðin mætast að nýju í
Svíþjóð eftir slétta viku og það lið
sem hefur betur samanlagt kemst
áfram í 16-liða úrslitin. »2-3
Stjörnurnar sluppu með
1:0 sigur í Kópavogi
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarsson
sbs@mbl.is
„Sagan af suðurgöngu Sturlu hefur
alltaf verið nálæg mér, enda farsæll
endir hennar forsenda þess að ég og
aðrir afkomendur hans erum ein-
faldlega til. Ferðalagið var auðvitað
mikið afrek. Þetta er frásögn sem
ekki má gleymast og ferð mín nú var
viðleitni til að halda minningunni lif-
andi,“ segir Jón Þór Sturluson, að-
stoðarforstjóri Fjármálaeftirlitsins.
Hann lauk nú á sunnudaginn
áfangagöngu frá Mýri í Bárðardal að
Skriðufelli í Þjórsárdal, þvert yfir
hálendið – um 230 kílómetra leið.
Faðir hans, Sturla Jónsson, og bróð-
ir, Árni Már, gengu hluta leiðarinnar
og annar bróðir, Karl Georg, aðstoð-
aði á bíl þar sem því var viðkomið.
Þarna fetaði Jón Þór í fótspor lang-
afa síns, Sturlu Jónssonar, sem fór
þessa slóð einn síns liðs á útmán-
uðum 1916. Þótt öld sé liðin frá þeim
leiðangri fer orð af honum enn, til
dæmis meðal Flóamanna og afkom-
enda Sturlu, sem er stór hópur.
Rómantík og ævintýraþrá
Sturlusagan er í stuttu máli sú að
ungur bóndasonur norður í Bárð-
ardal átti kærustu suður í Hreppum,
Sigríði Einarsdóttur á Hæli. Árið
1915 keyptu þau jörðina Fljótshóla í
Flóa og eftir að viðskiptin gengu í
gegn fór Sturla aftur norður. Þegar
komið var fram á vor árið eftir hélt
hann suður á bóginn og lagði upp frá
Mýri, sem er fremstur bæja í Bárð-
ardal. Hann hafði fylgdarmann
fyrsta spölinn, en þegar komið var
inn undir Sprengisand skildi leiðir
þeirra. Þá gekk Sturla áfram um 200
kílómetra suður á land – í blotasnjó
og óð ár í leysingum. Var þrjá sólar-
hringa á leiðinni og gekk allt vel, í
tvöfaldri merkingu þeirra orða.
Sturla Jónsson, sem var fæddur
1888 og lést 1953, og Sigríður Ein-
ardóttir bjuggu svo rausnarbúi í
Fljótshólum í áratugi og nú sitja af-
komendur þeirra staðinn. „Langafi
sagði að suðurganga sín hefði í bland
verið rómantík og ævintýraþrá.
Sumum þótti þetta á sínum tíma
dirfskuför og jafnvel jaðra við fífl-
dirfsku og það er margt til í því.
Sjálfum finnst mér annars merkileg-
ast hversu úthaldsgóður hann var,
því aðstæður voru afar erfiðar. Mér
datt aldrei í hug að ég gæti leikið eft-
ir að fara þetta á jafnskömmum tíma
og hann gerði, segir Jón Þór Sturlu-
son sem tók fyrsta áfangann í suð-
urgöngu sinni 20. ágúst. Gekk þá 65
kílómetra leið, frá Mýri í Bárðardal
að Sandbúðum við norðanverðan
Hofsjökul. Þaðan svo, tveimur vik-
um síðar, 38 kílómetra að Hreys-
iskvísl á Sprengisandi.
Tengingar við arfleið
Lokaáfanga göngunnar tók Jón
Þór svo nú fyrir nokkrum dögum.
Fór þá, ásamt föður sínum, á þrem-
ur dögum frá Hreysiskvísl, yfir
Þjórsárver, þar sem meðal annars
þurfti að þræða fyrir upptök Innri-
Arnarfellskvíslar með því að ganga
yfir sporð Múlajökuls, og síðan suð-
ur með Þjórsá og fram af afrétt
Gnúpverja alla leið í Skriðufell, alls
um 130 kílómetra. Og þetta er nokk-
urn veginn sama leiðin sem Sturla
fór fyrir öld síðan.
„Mér finnst þessi leið einkar fal-
leg, svo sem dalirnir fram af Bárð-
ardal. Sunnar er landið hrjóstrugt –
og þá farið yfir kaldan eyðisand, eins
og þar stendur. En þegar komið er
suður undir Hofsjökul eru landið og
fjallasýnin einstök. Við Múlajökul, í
jaðri Þjórsárvera, er landið fallegt
og gróið. En nú þegar ég lít til baka
finnst mér þessi leiðangur hafa
gengið einstaklega vel, en vissulega
var maður stundum lúinn að kvöldi
eftir 40-60 kílómetra dagleiðir. Jú og
kannski fann ég líka fyrir nálægð
langafa míns. Örlögin höguðu því
þannig að upphafsdagur göngunnar,
20. ágúst, er afmælisdagur sonar
okkar Önnu Sigrúnar Baldurs-
dóttur, eiginkonu minnar, sem
fæddist andvana 1995. Tenging-
arnar við þessa arfleifð og sögu ætt-
arinnar sem kennd er við Fljótshóla
birtust því víða í þessum leiðangri
sem mér fannst nauðsynlegt að fara
til að halda sögu og arfleifð á lofti,“
segir Jón Þór Sturluson að síðustu.
Yfir Sprengi-
sand í sporum
langafa síns
 Jón Þór Sturluson gekk í áföngum
yfir landið  Aldargamalt afrek Sturlu
Ljósmynd/Sturla Jónsson
Göngumaður Jón Þór Sturluson á göngunni yfir hálendið. Hér er hann við
hvönn í Arnarfellsbrekkum við Þjórsárver, sem eru sunnan undir Hofsjökli.