Morgunblaðið - 14.10.2016, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 14. OKTÓBER 2016
Baðaðu þig í gæðunum
Smiðjuvegi 76 • Kópavogi • Sími 414 1000 • Baldursnesi 6 • Akureyri • Sími 414 1050 • www.tengi.is • tengi@tengi.is
Opið virka daga frá kl. 8-18 og laugardaga kl. 10-15
SVIÐSLJÓS
Anna Lilja Þórisdóttir
annalilja@mbl.is
Sex Íslendingar á ýmsum aldri; bæj-
arfulltrúi, lögfræðingur, mannauðs-
ráðgjafi, sérfræðingur hjá Hagstofu
Íslands, bókhaldari og nemi eru núna
stödd á landtökusvæðum í Palestínu
þar sem þau starfa með heimafólki að
ýmsum verkefnum. Samsetning hóps-
ins er að mestu leyti tilviljun, en eitt
sameinar þau og það eru vináttu-
tengsl við Falasteen Abu Libdeh.
Hún fæddist í Palestínu en fluttist til
Íslands fyrir 21 ári, þá 16 ára gömul.
Falasteen er með í ferðinni og þetta
er í fyrsta skiptið sem hún snýr aftur
til fæðingarlands síns.
Íslenski hópurinn hefur farið víða
um landið og unnið að ýmsum verk-
efnum í samstarfi við heimamenn.
Þau eru öll í félaginu Ísland-Palestína
sem aðstoðaði þau við samskipti og
skipulagningu og þau fóru út á vegum
samtakanna International Solidarity
Movement (ISM).
„Þetta er ekki hefðbundið hjálp-
arstarf, kannski væri réttara að kalla
þetta samstöðustarf, segir Berglind
Björk Hreinsdóttir, ein sexmenning-
anna. „Allt fer fram á forsendum
þeirra sem þurfa aðstoðina og tilgang-
urinn með veru okkar þarna er að
sýna þeim samstöðu og leggja okkar
af mörkum til að fólkið geti notið
mannréttinda og frelsis.“
Börnin áreitt á leið í skóla
Að sögn Berglindar eru verkefnin
af ýmsum toga. Til dæmis hafa þau
fylgt palestínskum börnum til og frá
skóla. Spurð hvers vegna þörf sé á því
segir Berglind að börnin verði fyrir
áreitni, jafnvel ofbeldi, af hálfu her-
manna og landtökufólks á svæðinu, en
mörg þeirra þurfa að fara í gegnum
vegartálma Ísraelshers á leið í skóla.
„Það er algengt að börnin séu stoppuð
á leiðinni í skólann og látin bíða í 2-3
klukkustundir af engri ástæðu. Sum
eru látin fara úr skónum og standa
berfætt. Það dregur úr líkunum á að
svona lagað gerist ef alþjóðlegir sjálf-
boðaliðar eru í för með þeim.“
Ástæða þess að hópurinn valdi
þennan árstíma til að fara utan er að
ólífutínslutímabilið stendur núna sem
hæst. ISM sendir ákall á hverju ári
þar sem beðið er um aðstoð við að
standa með bændum sem er meinað
að uppskera á landi sínu. Berglind
segir að ólífur séu vissulega eitt helsta
lifibrauð fólksins á svæðinu, en þær
séu líka miklu meira en það. „Ólífur
eru hluti af sjálfsmynd palestínsku
þjóðarinnar og ólífuræktin er samofin
mannréttindabaráttunni á svæðinu.
Ólífubændurnir þurfa að treysta á
sérstök leyfi frá ísraelskum yfirvöld-
um til að fá að tína ólífur á sínu eigin
landsvæði, stundum fá þeir ekki leyfi
fyrr en ólífurnar eru orðnar of þrosk-
aðar, stundum áður en þær þroskast
og þá kannski bara í einn dag í einu.
Það sem við gerum er að fara með
bændum á svæðin og aðstoða þá, en
nærvera okkar virðist hindra að þeir
verði fyrir árásum landtökufólks við
vinnu sína.“
Þakklátt og glatt fólk
Íslenski hópurinn hefur átt sam-
starf við aðra hópa á vegum ISM í
landinu og að sögn Berglindar er þar
fólk alls staðar að úr heiminum, á
ýmsum aldri og í alls konar störfum,
rétt eins og hópurinn frá Íslandi. „En
allir hafa sameiginlegan áhuga á
mannréttindum.“
Spurð hvort eitthvað hafi komið á
óvart í ferðinni segir Berglind margt
hafa verið öðruvísi en hún og aðrir í
hópnum hafi gert sér í hugarlund.
„Kannski fyrst og fremst hversu ótrú-
legt það er að þetta ástand sé látið við-
gangast af alþjóðasamfélaginu. Við
höfum séð ýmislegt í fréttum, en þetta
er svo miklu verra, svo miklu harðara
en maður gerir sér grein fyrir. Órétt-
lætið sem fólkið býr við, sú barátta
sem það þarf að eiga í á hverjum degi
til að fá að sinna daglegu lífi sínu – til
dæmis að fara í vinnu eða í skóla – það
er eitthvað sem við gerðum okkur
ekki grein fyrir áður. En það er svo
merkilegt, að þrátt fyrir þetta allt, þá
er fólkið sem við höfum verið að að-
stoða svo yndislegt, þakklátt og glatt.
Þau búa við ömurlegar aðstæður en
það hefur ekki tekist að brjóta þau
niður.“
Miklu verra en fréttirnar sýna
 Sex Íslendingar úr ýmsum áttum aðstoða Palestínumenn við ólífutínslu og fylgja börnum í og úr
skóla  Ekki hjálparstarf, heldur samstöðustarf  „Harðara en maður gerir sér grein fyrir“
Samstaða Anas og Bashar landeigendur við landtökubyggðina, Gunnar A. Axelsson deildarstjóri hjá Hagstofu og
bæjarfulltrúi í Hafnarfirði, Berglind B. Hreinsdóttir mannauðsráðgjafi, Svanhildur Másdóttir lögfræðingur, Sigrún
Líf Gunnarsdóttir nemi, Falasteen Abu Libdeh sérfræðingur hjá Hagstofu og Rósa K. Stefánsdóttir bókhaldari.
Ari Gísli Bragason, eigandi forn-
bókaverslunarinnar Bókarinnar við
Klapparstíg í Reykjavík, segir að
fasteignasalar og aðrir svífist einsk-
is til þess að komast yfir húsnæði í
miðbænum og margir hafi ekki stað-
ist gylliboðin en hann láti ekki
kaupa sig og fari hvergi.
Mörg rótgróin fyrirtæki hafa
horfið úr miðbænum og segir Ari
það miður. Ýmsum brögðum sé
beitt. Leigusamningar séu yfirtekn-
ir á yfirverði og húsnæði sé keypt á
yfirverði og það síðan leigt á marg-
földu verði miðað við fyrra leigu-
verð.
Fjárfestar vilja pakka
„Ég er í góðu samstarfi við fast-
eignafélagið Eik og leigi húsnæðið
af því, en fasteignasalar og ýmsir
snillingar hafa komið og boðið ótrú-
legustu hluti fyrir að yfirtaka samn-
inginn,“ segir Ari. „Þessir peninga-
menn geta ekki hamið sig, bjóða upp
í það óendanlega, en ég hef ekki lát-
ið undan eins og margir aðrir. Einn
bauð mér væna summu og bauðst
auk þess til þess að hjálpa mér að
pakka og flytja allt í hvelli. Það þótti
mér kómískt en ég verð hér áfram,“
segir Ari. steinthor@mbl.is
Morgunblaðið/Árni Sæberg
Klapparstígur Ari Gísli Bragason í eftirsóttu húsnæði Bókarinnar.
Bókin hafnar
pakkatilboðum
 Mikil ásókn í eignir í miðbænum
Íslenski hópurinn tók með sér
fjórar fullar ferðatöskur af efni
til að setja saman gervifætur
sem ætlaðir eru til nota á Gaza-
svæðinu. Þetta er liður í verk-
efni sem Össur Kristinsson
stoðtækjafræðingur hefur stutt
við undanfarin ár í samstarfi við
félagið Ísland-Palestína.
Ekki var sjálfgefið að komast
með efnið í gervifæturna inn í
landið, því áþekk sending frá Ís-
landi var gerð upptæk fyrir
nokkrum árum, en svo fór þó að
farangurinn komst áfallalaust í
gegnum allar skoðanir og hóp-
urinn kom gervifótunum til
samtaka á vegum Flótta-
mannastofnunar Sameinuðu
þjóðanna.
Gervifætur í
ferðatösku
FJÖLBREYTTUR FARANGUR
Ljósmynd/Gunnar Axel Axelsson
Ólífutínsla Anas er einn þeirra landeigenda við landtökubyggðina í Palest-
ínu sem íslenski hópurinn hefur starfað með og aðstoðað í ferð sinni.