Morgunblaðið - 14.10.2016, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 14. OKTÓBER 2016
www.smarativoli.is / Sími 534 1900 / Smáralind
SKEMMTUN FYRIR ALLA!
ER AFMÆLI
FRAMUNDAN?
VERÐ
FRÁ
1.99
0,-
14. október 2016
Gengi Kaup Sala Mið
Dollari 114.21 114.75 114.48
Sterlingspund 139.21 139.89 139.55
Kanadadalur 86.09 86.59 86.34
Dönsk króna 16.911 17.009 16.96
Norsk króna 13.89 13.972 13.931
Sænsk króna 12.932 13.008 12.97
Svissn. franki 115.34 115.98 115.66
Japanskt jen 1.099 1.1054 1.1022
SDR 157.43 158.37 157.9
Evra 125.82 126.52 126.17
Meðalgengi/Viðskiptavog þröng 157.419
Hrávöruverð
Gull 1258.0 ($/únsa)
Ál 1258.0 ($/tonn) LME
Hráolía 1258.0 ($/fatið) Brent
Skannaðu kóð-
ann til að sjá
gengið eins og
það er núna á
● Arion banki og Capacent birtu verð-
bólguspá sína fyrir október í gær. Spáir
Arion banki 0,2% hækkun vísitölu
neysluverðs milli mánaða í október og
að ársverðbólga hækki úr 1,8% í 1,9%.
Capacent telur einnig að 12 mánaða
verðbólga hækki úr 1,8% í 1,9%. Í spám
beggja aðila er gert ráð fyrir hækkun
húsnæðisverðs um tæplega 0,9% milli
mánaða.
„Þetta er hófleg hækkun og ef ekki
væri fyrir hækkun fasteignaverðs væri
hér nokkur verðhjöðnun,“ segir Snorri
Jakobsson, sérfræðingur hjá Capacent,
og bendir á að fasteignaverð hafi hækk-
að um 12,2% á síðustu 12 mánuðum.
„Auk hækkunar fasteignaverðs ger-
um við ráð fyrir hækkun leiguverðs og
viðhaldskostnaðar.“
Arion banki segir í spá sinni að margt
bendi til þess að verðbólga verði áfram
undir verðbólgumarkmiði Seðlabank-
ans á næsta ári enda krónan styrkst
töluvert á þessu ári. Þá útilokar bankinn
ekki að krónan veikist í kjölfar losunar
fjármagnshafta.
Spá 0,1% hærri
ársverðbólgu
STUTT
BAKSVIÐ
Stefán E. Stefánsson
ses@mbl.is
Fjármálaeftirlitið neitar að svara
fyrirspurn Morgunblaðsins sem
varðar innherjaviðskipti stjórnar-
formanns Nýherja með bréf í félag-
inu þann 23. nóvember 2015, tíu dög-
um áður en stjórn félagsins
samþykkti tillögu hans um að þynna
hlutafé félagsins um tæp 10%. Þann-
ig neitar stofnunin að svara því
hvaða spurningar hún lagði fyrir
Þór Konráðsson, regluvörð Nýherja,
sem veitti stjórnarformanninum
heimild til að eiga viðskipti með bréf
í félaginu á fyrrgreindum degi. Þá
neitar FME að svara því hvort
stofnunin hafi kallað eftir fundar-
gerðum og öðrum samskiptum
stjórnar Nýherja er vörðuðu fyrr-
nefnda hlutafjáraukningu. Auk þess
neitar FME að svara því af hverju
stofnunin lagði ekki spurningar fyrir
sjálfan innherjann sem málið varð-
aði. Ekki hefur heldur fengist stað-
fest hjá FME hvort stofnunin líti svo
á að fyrirætlanir um útgáfu nýrra
hlutabréfa í almenningshlutafélagi
teljist til innherjaupplýsinga fram
að þeim tíma sem markaðurinn er
upplýstur um slík áform.
Fyrirspurn blaðsins var lögð fram
á grundvelli svokallaðrar gagnsæis-
stefnu Fjármálaeftirlitsins sem
Unnur Gunnarsdóttir, forstjóri
stofnunarinnar, gaf út árið 2014. Þar
segir meðal annars: „Birtingu á nið-
urstöðum og athugunum er ætlað að
auka trúverðugleika um starfsemi
þeirra sem lúta eftirliti FME. Aukin
upplýsingagjöf styrkir aðhald með
þeim og stuðlar að heilbrigðum og
eðlilegum viðskiptaháttum.“
Verðbreytingar hlutabréfa
hafa engin áhrif á matið
Í blaðagrein sem Benedikt
Jóhannesson ritaði í Morgunblaðið
síðastliðinn þriðjudag, rekur hann
viðskipti sín með bréf í félaginu í
nóvember í fyrra. Bendir hann þar á
að í kjölfar hlutafjárútboðsins hafi
verð á bréfum í félaginu tekið kipp.
Þá segir hann: „Hefði verið um inn-
herjasvik að ræða hefðu þau líklega
verið hin heimskulegustu í sögunni.“
Í lögum um verðbréfaviðskipti er
sérstaklega tekið fram að ef sannað
þykir að innherji hafi búið yfir inn-
herjaupplýsingum þegar viðkom-
andi átti viðskipti, þá skipti ekki
máli hvort viðkomandi hafi notið
fjárhagslegs ávinnings af viðskipt-
unum. Um þetta er meðal annars
fjallað í viðamiklu riti Aðalsteins E.
Jónassonar, hæstaréttarlögmanns,
Viðskipti með fjármálagerninga,
sem kom út árið 2009. Þar segir á
síðu 467: „Í tíð eldri laga var það
skilyrði gert að innherji hefði átt
viðskipti sjálfum sér eða öðrum til
hagsbóta, ýmist til fjárhagsleg
ávinnings eða til að forðast tjón. Við
gildistöku laga nr. 163/2001, um
breytingu á lögum nr. 13/1996, var
fallið frá því skilyrði að tillögu meiri-
hluta efnahags- og viðskiptanefndar.
Samkvæmt því skiptir engu máli
samkvæmt gildandi lögum hvort
einhver hafi hagnast á viðkomandi
viðskiptum, ef sannað er að innherji
hafi búið yfir innherjaupplýsingum
þegar hann átti viðskipti.“
Margítrekað hefur Morgunblaðið
leitað svara hjá Benedikt Jóhann-
essyni vegna málsins. Hann hefur
neitað að tjá sig við blaðamann.
Þurfa ekki að vera endanlegar
innherjaupplýsingar
Í máli sem Icelandair Group skaut
til Héraðsdóms Reykjavíkur árið
2014 í þeirri viðleitni að hnekkja
stjórnvaldssekt sem Fjármálaeftir-
litið hafði lagt á fyrirtækið, að fjár-
hæð 10 milljónir króna, var deilt um
hvenær félaginu hefði borið að til-
kynna um yfirstandandi samningar-
viðræður við flugvélaframleiðend-
urna Boeing og Airbus. Forsaga
málsins var sú að fyrirtækið hafði
sent frá sér tilkynningu þann 6. des-
ember 2012 um að það hefði fyrr
þann sama dag undirritað viljayfir-
lýsingu við Boeing um kaup og
kauprétti að 24 þotum. Taldi FME,
að félaginu hefði borið að tilkynna
um áform sín í kjölfar stjórnarfund-
ar sem haldinn var 3. desember en
þar var upplýst að fundað yrði með
Boeing og Airbus um möguleg við-
skipti. Skipti þar engu þó endanleg
ákvörðun um undirritun viljayfirlýs-
ingarinnar hefði ekki legið fyrir fyrr
en fyrrnefndan 6. desember. Hér-
aðsdómur tók undir sjónarmið FME
og staðfesti áður ákvarðaða sektar-
fjárhæð. Í niðurstöðum dómsins
segir meðal annars: „Upplýsingar
þurfa ekki að vera endanlegar til
þess að teljast til innherjaupplýs-
inga og vísast til fyrri umfjöllunar
þar um. Þá verður ekki talið að 3.
mgr. 5. gr. reglugerðar nr. 630/2005
leiði til þess að aðeins eigi að birta
innherjaupplýsingar sem eru endan-
legar, enda myndi slík túlkun ganga
þvert á lagaskyldu útgefanda til að
birta innherjaupplýsingar eins fljótt
og auðið er og á jafnræðisgrund-
velli.“
Icelandair Group ákvað að áfrýja
dómnum ekki til Hæstaréttar.
Fjármálaeftirlitið tjáir sig
ekki um innherjaviðskiptin
Ljósmynd/Nýherji
Upplýsingar Fjármálaeftirlitið leitaði aldrei svara hjá stjórnarformanni Nýherja um efnisatriði málsins.
 Stofnunin vill ekki svara því í hverju athugun á máli stjórnarformanns Nýherja fólst
Aukin skilvirkni mun fylgja í kjölfar
samþykktar nýrra heildarlaga um
opinber innkaup. Þannig segir í frétt
fjármálaráðuneytisins um samþykkt
laganna að þau muni styðja við
stefnumörkun um aukin sameiginleg
innkaup stofnana en tilraunaverk-
efni um slíkt hefur gefið góða raun
og skilað yfir 100 milljóna króna lág-
marksávinningi.
Árlega ver ríkið um 88 milljörðum
króna í kaup á vörum og þjónustu og
því mikið í húfi. Með hagkvæmum
innkaupum áætlar fjármálaráðu-
neytið að spara megi allt að tvo til
fjóra milljarða króna á ári.
Lyfjakostnaður gæti lækkað
Nýju lögin auka möguleika inn-
lendra aðila til að standa sameigin-
lega að innkaupum með erlendum
aðilum, t.a.m. vegna innkaupa á lyfj-
um og sérhæfðum búnaði, segir í
frétt fjármálaráðuneytisins. Þetta
getur haft í för með sér verulegt hag-
ræði en alls kaupir ríkið heilbrigðis-
vörur og lyf fyrir um 16 milljarða
króna á ári.
Ríkið gæti einnig náð fram hag-
ræðingu við innkaup á sviði upplýs-
ingatækni, en árleg innkaup vegna
upplýsingatækni nema um 6 millj-
örðum króna. Fjármála- og efna-
hagsráðuneytið lét nýlega gera út-
tekt á hugbúnaðarleyfakostnaði
ríkisins, sem leiddi í ljós að ná megi
fram allt að 140-190 milljóna króna
árlegum sparnaði með sameiginleg-
um innkaupum á hugbúnaðarleyfum.
Morgunblaðið/Þórður
Peningar Ríkið getur sparað allt að tvo til fjóra milljarða króna eftir lög-
festingu nýrra laga um opinber innkaup og lækkað skatt sem því nemur.
Sparnaður með nýjum
áherslum í innkaupum
 Ný heildarlög
um opinber inn-
kaup samþykkt
● Tölvuleikja-
framleiðandinn
CCP tilkynnti í
gær um útgáfu
fyrstu leikjanna
sem fyrirtækið
þróar fyrir Play-
Station 4, hina
vinsælu leikjavél
Sony. Um er að
ræða leikina EVE: Valkyrie og Gunjack.
Leikirnir tveir eru á sviði sýndarveru-
leika og koma út samhliða útgáfu SONY
á sýndarveruleikabúnaði fyrir PlaySta-
tion 4. Báðir leikirnir hafa komið út fyrir
Oculus Rift á PC, auk þess sem Gunjack
hefur einnig komið út fyrir HTC Vive á
PC og náð metsölu fyrir Samsung Gear
sýndarveruleikabúnaðinn sem ætlaður
er farsímum fyrirtækisins.
CCP gefur út tvo leiki
fyrir PlayStation 4