Morgunblaðið - Sunnudagur - 30.10.2016, Blaðsíða 2

Í FÓKUS
2 MORGUNBLAÐIÐ SUNNUDAGUR 30.10. 2016
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Gunnþórunn Jónsdóttir gunnthorunn@mbl.is Inga Rún Sigurðardóttir ingarun@mbl.is Júlía Margrét
Alexandersdóttir julia@mbl.is Orri Páll Ormarsson orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Hugtakið ímynd kemur einhverra hluta vegna oft við sögu þegarfjallað er um stjórnmál og kosningar. Flestir stjórnmálamenn teljaþað skipta miklu að ímynd þeirra sé góð og jákvæð, frekar en að
kjósendur telji að þeir séu vitleysingar með óskýra pólitíska sýn sem komi
litlu í verk á kjörtímabilinu.
Orð eins og ímyndarsköpun, ímyndarkrísa og ímyndaruppbygging skjóta
reglulega upp kollinum í pólitísku dægurþrasi. Þetta eru löng og leiðinleg orð
sem eru gjarnan notuð yfir fyrirbæri
sem eru í grunninn frekar einföld.
Ímyndarsköpun er engin geimvís-
indi en ímynd verður ekki sköpuð á
einni nóttu, með einum kosn-
ingabæklingi eða góðri mynd heldur
verður til yfir tíma.
Ímyndarkrísa hefur í raun ekkert
með ímynd að gera heldur allt með
verkin að gera, því krísur verða
sjaldnast nema viðkomandi
ímyndareigandi hafi gert eitthvað til
að sverta eigin ímynd. Uppbygging á ímynd tekur alltaf mið af verkum, hún
byggist upp yfir tíma en hana er ekki hægt að byggja á sandi.
Á kjördag þarf minni kjósenda að vera í lagi og framtíðarsýnin skörp. Við
sem kjósendur þurfum bæði að huga að verkum þeirra sem bjóða sig fram,
hvort sem er á sviði stjórnmála eða öðrum sviðum lífsins, til þessa og líka
reyna að sjá inn í framtíðina og spá fyrir um hvernig þeim muni reiða af
næstu árin.
Allt þetta ímyndartal má í raun þrengja niður í þá grunnstaðreynd að
stjórnmálamenn skapa sér ímynd með því sem þeir gera.
Með það í huga langar mig að bjóða verðandi þingmönnum að punkta eft-
irfarandi tvær þumalputtareglur hjá sér og nýta sér að vild við ímyndar-
sköpun, uppbygginu og í því skyni að forðast ímyndarkrísur á komandi kjör-
tímabili.
Númer eitt: Gerðu það sem þú lofar og þá verður ímynd kjósenda af þér já-
kvæð.
Númer tvö: Sé þér illa við að fólk hafi þá ímynd af þér að þú sért fáviti
skaltu: a) ekki vera fáviti, b) ekki haga þér eins og fáviti.
Þetta á ekki að geta klikkað!
Morgunblaðið/Golli
Ekki vera fáviti
háttvirtur
þingmaður
Pistill
Eyrún
Magnúsdóttir
eyrun@mbl.is
’Á kjördag þarf minnikjósenda að vera í lagiog framtíðarsýnin skörp.
Halla Mildred Cramer
Nei, ég er fer bara voða venjuleg til
fara. Svo er maður bara voða
óákveðinn með hvað maður á að
kjósa og þetta er allt í lausu lofti.
SPURNING
DAGSINS
Ferðu
prúðbúin/n
á kjörstað?
Natan Þór Harðarson
Nei, ég fer bara í venjulegum klæðum
og kaus meira að segja utankjörstaðar
núna. En mamma verður eflaust glöð
að sjá myndina af mér í blaðinu.
Morgunblaðið/Eggert
Ásta Traustadóttir
Nei, en það er af því að ég hef það
fyrir hefð að vera í sumarbústað á
kjördag svo að ég kýs utankjör-
staðar.
Sigurður Ólafsson
Ég fer yfirleitt í lopapeysu á kjör-
stað og geng alltaf þangað.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Við hverju mega gestir á Iceland Airwaves búast
þetta haustið?
„Gestir mega búast við heilum hellingi af ótrúlega skemmtilegum
tónleikum. 220 listamenn spila 265 tónleika á þessum fimm dögum
á þrettán mismunandi tónleikastöðum. Þetta er það sem gestir
sem eiga armband geta séð, alls hátt í níu þúsund manns. Síðan
erum við með algjört met í off venue-dagskrá eða utandagskrá;
það er 62 eða 63 tónleikastaði og 820 tónleika. Það eru 140
fleiri utandagskrártónleikar en í fyrra og búist við um 80 þús-
und gestum.“
Þarf fólk þá nokkuð að mæta á hátíðina
sjálfa?
„Auðvitað er þetta tvíeggjað sverð, sérstaklega þegar utan-
dagskráin er orðin svona umfangsmikil. Við lítum hins veg-
ar þannig á að þetta styðji hvort annað og geri borgina
skemmtilegri. Það er einmitt út af þessu mikla umfangi
sem götum verður lokað enda ekki um annað að ræða þeg-
ar tónleikar eru úti um allt; á kaffihúsum, í bókabúðum og
útstillingagluggum verslana.“
Og hátíðin teygir anga sína víðar
„Heldur betur. Við verðum með tónleika í Alþýðuhúsinu í
Vestmannaeyjum á mánudaginn. Þar verða Emmsjé
Gauti og Hildur. Við höfum ekki áður verið með dagskrá
í Vestmannaeyjum og ástæða til að gleðjast yfir því.“
Hverjir verða hápunktar hátíðarinnar að
þessu sinni?
„Það er alltaf erfitt að tala um hápunkta en það að PJ
Harvey og Björk komi fram í ár sætir auðvitað mikl-
um tíðindum. PJ Harvey hefur aldrei komið til Ís-
lands en hún er mjög „current“ listamaður og tón-
leikar hennar þykja frábærir. Björk er líka mikill
fengur en hún er með nýja tegund af tón-
leikum, 32 strengir og hún. Það er reyndar
mjög ánægjulegt að konur eru í stóru hlut-
verk á Airwaves að þessu sinni; af aðalnúm-
erum hátíðarinnar eru 23 kvenna- eða
kvennatengd bönd á móti 13 karlabönd-
um. Yfirleitt er þetta hlutfall öfugt.“
Er það meðvitað?
„Já, það má segja það. Íslenskar tón-
listarkonur hafa sögulega verið mjög
sterkar og stelpur hér á landi eiga
fyrir vikið sterkar fyrirmyndir. Þess
vegna eigum við mikið af góðum
stelpuböndum sem eru heit og skipta
máli. Þetta er engin málamiðlun.“
Morgunblaðið/Eggert
GRÍMUR ATLASON
SITUR FYRIR SVÖRUM
Konur
í öndvegi
Forsíðumyndina tók
Ásdís Ásgeirsdóttir
Grímur Atlason er framkvæmdastjóri tónlistar-
hátíðarinnar Iceland Airwaves sem hefst á miðviku-
daginn í næstu viku og stendur fram á sunnudag.