Morgunblaðið - Sunnudagur - 30.10.2016, Blaðsíða 49

lenskir söngvarar, hjónin Þóra
Björnsdóttir og Örvar Már Kristins-
son og Arndís Halla Ásgeirsdóttir.
Þau ylja gestum með söng sínum
milli þess sem þau leiðsegja þeim um
hinar framandi slóðir.
Farþegar í þessum Grænlandssigl-
ingum hafa að mestu verið erlendir
gestir, sér í lagi ensku- eða þýsku-
mælandi. Iceland ProCruises fékk í
fyrra verðlaun Cruise Europe fyrir
hringferðirnar í kringum Ísland –
byggt á áliti þýskra fjölmiðla sem
fóru með skipinu.
Ocean Diamond hefur nú haldið á
vit annarra verkefna en snýr aftur
næsta vor þegar Íslands- og Græn-
landssiglingum Iceland ProCruises
verður fram haldið en fyrirtækið hef-
ur samið um leigu á skipinu til ársins
2020.
Óttar Sveinsson, blaðamaður og
rithöfundur, sigldi með Ocean Dia-
mond í sumar og segir það hafa verið
ógleymanlega reynslu. „Þetta var
mögnuð ferð og mannbætandi andi
um borð. Grænland er stórbrotið.
Heimamenn taka sérstaklega vel á
móti ferðamönnum; vingjarnlegir og
með bros á vör. Að sigla um lygna
firðina er einstök upplifun – skoða ís-
jakana sem minna gjarnan á fjöll og
eyjur, sauðnaut og samfélag veiði-
manna. Þetta er ævintýraheimur.“
Einn af fjölmörgum ísjökum skoðaður í ferðinni. Ferðalöngum þótti mikið til þeirra koma og gripu til myndavélanna. Sleðahundar stytta sér stundir enda lítið um atvinnu fyrir þá á sumrin.
Ferðalangar litast um við höfnina í Nuuk. Víða var farið í land í ferðinni og boðið upp á skoðunarferðir.
Boðið upp á íslenskan þjóðlegan mat og brennivín um borð í Ocean Diamond. Mæltist það vel fyrir. Hans Söderholm skipstjóri, sem er finnskur, kennir ungmennunum um borð siglingafræði.
Þetta fyrirbrigði í sjónum í Ikkafjord er á heimsminjaskrá UNESCO.
Ferðalangar af skipinu á rómantískri göngu í Narsarsuaq.
30.10. 2016 MORGUNBLAÐIÐ SUNNUDAGUR 49