Morgunblaðið - Sunnudagur - 30.10.2016, Qupperneq 48

48 MORGUNBLAÐIÐ SUNNUDAGUR 30.10. 2016
FERÐALÖG
A
nnað sumarið í röð stóð
íslenska ferðaþjón-
ustufyrirtækið Ice-
land ProCruises fyrir
skemmtisiglingum frá
Íslandi til Grænlands. Farþegaskipið
Ocean Diamond var tekið á leigu frá
Bandaríkjunum en í því er rúm fyrir
um tvö hundruð farþega. Skipið kom
til landsins í lok maí með farþega frá
Hamborg og sigldi svo fyrstu vik-
urnar sjö hringi í kringum Ísland.
Reykjavík er heimahöfn skipsins.
Þegar leið á sumarið var farið í þrjár
tíu og tólf daga ferðir til og frá Græn-
landi. Í lok sumars var svo boðið upp
á norðurljósaferðir sem voru sam-
bland af siglingu og akstri um hálendi
Íslands.
Skipið siglir ekki alltaf sömu leið-
ina en í ferð þar sem Eggert Jóhann-
esson, ljósmyndari Morgunblaðsins,
var um borð og tók meðfylgjandi
myndir, lagði Ocean Diamond upp frá
Reykjavík og kom við í Vest-
mannaeyjum áður en haldið var yfir
hafið til Grænlands. Eftir siglingu í
gegnum hið stórbrotna Prins Christi-
an-sund var Narsarsuaq á suður-
ströndinni fyrsti áfangastaðurinn, á
fimmta degi siglingarinnar. Þaðan
fikraði skipið sig upp með vestur-
ströndinni með viðkomu í höfuð-
staðnum Nuuk, Eqip-jöklinum,
Uumannaq, Ilulissat og að lokum
Kangerlussuaq en þaðan flugu far-
þegarnir til Keflavíkur og nýir stigu
um borð í staðinn. Mest er siglt á
kvöldin og nóttunni svo farþegarnir
geti farið í land eða notið stórbrot-
innar náttúrunnar á daginn.
Margt er gert til dægrastyttingar í
ferðunum; farið í skoðunarferðir í
landi undir stjórn leiðsögumanna og
siglt á zodiac-bátum en nítján slíkir
eru um borð í Ocean Diamond. Í Ei-
ríksfirði gefst meðal annars tækifæri
til að fara á zodiac-bátum frá Nars-
arsuaq yfir í Brattahlíð.
Íslenskir söngvarar um borð
Um eitt hundrað og tíu manns eru í
áhöfn skipsins, þeirra á meðal þrír ís-
Eins og í ævintýrunum
Grænland er heimur ævintýra og nýtur vaxandi
vinsælda meðal ferðamanna. Framandi landslag,
menning og lífshættir heilla marga og nú er boðið
upp á skemmtisiglingu þangað frá Íslandi.
Myndir: Eggert Jóhannesson eggert@mbl.is
Texti: Orri Páll Ormarsson orri@mbl.is
Stefán Friðbjarnarson, zodiac-ræðari, kannar aðstæður í prufuferð áður en hópurinn skellir sér í bátana. Í bakgrunni er skemmtiferðaskipið Ocean Diamond sem tekur yfir 220 farþega.
Hressar stöllur í þorpinu Augpilagtog á Grænlandi. Þær tóku vel á móti ferðalöngum þegar þeir röltu um þorpið.
Stöllurnar buðu ljósmyndara að kíkja í heimsókn á alþýðlegt heimili sitt. Lífsreynslan skín úr andlitum þeirra.
Kankvíst barn að leik á götunni.