Morgunblaðið - Sunnudagur - 30.10.2016, Page 51
þrátt fyrir þá staðreynd snýst umræðan um allt ann-
an veruleika. Sá sem fylgist með henni fær ekki ann-
að séð en að allt sé á horriminni. Umræðan er fjar-
stæðukennd og á enga stoð. Stjórnarliðum gengur
ekkert í að færa hana nær raunveruleikanum. Það
hjálpar ekki að velferðarráðherrann virðist trúa því
að henni beri að halla sér að andhverfunni á um-
ræðunni. Varla mundi nokkrum takast að koma því
svo fyrir á Kanaríeyjum að þar væri ekki talað um
annað og fussað og sveiað yfir að þar rigndi án afláts
og snjóbylur þau stundarbil sem stytti upp. Slíkt og
þvílíkt tíðarfar þekktist ekki í „þeim löndum sem
eyjarskeggjar bæru sig helst saman við“.
Á Íslandi gengur umræðan út á það að finna dæmi
um að einhver opinber eyðsla sé hærri í Danmörku
en hér, önnur eitthvað hærri í Noregi en hér og enn
önnur eitthvað hærri í Svíþjóð en hér. (Alltaf er út frá
því gengið að opinber útgjöld séu ætíð óumdeilanleg
himnasending.) Það að Ísland sé í þessum efnum í
öðru sæti, en í flestum öðrum í fyrsta sæti og því al-
mennt í efsta sæti opinberrar velmegunar í heiminum
öllum, þýði að ástandið sé ömurlegt! Ekkert af þessu
nálgast vitræna umræðu en er þó étið upp án afláts.
Flestir, ef ekki allir, fjölmiðlar eru sekir um gagnrýn-
islausa þátttöku í þvælunni. Allir geta þó giskað á
hvaða fjölmiðlar eiga metið í greininni.
Það skal fullyrt að hvergi í þeim löndum sem „Ís-
lendingar vilja helst bera sig saman við“ fer fram
jafnvitlaus umræða og þessi.
Það gæti verið ein ástæða þess að hvergi annars
staðar bjóði jafn margir furðuflokkar sig fram og
kunni að fá jafn mikið fylgi og hér.
Flokkaþróunin hér á landi þarf því ekki endilega að
koma svo mjög á óvart.
En trúir því einhver viti borinn maður í alvöru að
hún sé til góðs?
Getur einhver, sem einhver getur hugsað sér að
bera sig saman við, í alvöru trúað því?
Þeir geta fjandakornið ekki verið margir.
En næstum allir virðast samt ætla að æða blindandi
út í fenið.
Er þá Ísland að verða Feneyjar?
Róa sjómenn framvegis á mið á gondólum?
Kannski fer best á því.
Þá það.
Morgunblaðið/RAX
30.10. 2016 MORGUNBLAÐIÐ SUNNUDAGUR 51