Dagblaðið Vísir - DV - 12.06.2015, Qupperneq 30

2 Ferðalög og útivist - Kynningarblað
Í
Fljótshlíðinni, í um tíu kíló-
metra fjarlægð frá Hvolsvelli,
eru Hellishólar á miðjum Njálu-
slóðum. Þar hefur verið starf-
rækt ferðaþjónustubýli síðan
1990. Hjónin Laila Ingvarsdóttir og
Víðir Jóhannsson keyptu rekstur-
inn fyrir tíu árum og hafa haldið
áfram uppbyggingu á staðnum. Í
dag eru Hellishólar orðnir að ein-
um glæsilegri viðkomustöðum fyr-
ir ferðamenn með ótrúlega fjöl-
breyttum gistimöguleikum. Þar
er stórt og gott tjaldsvæði, lítil og
stór sumarhús, hótel, veitingaskáli
og næg afþreying fyrir alla aldurs-
hópa.
Vönduð aðstaða við allra hæfi
„Við bjóðum upp á fjölbreytta gisti-
möguleika þannig að allir ættu að
geta fengið gistingu hjá okkur við
sitt hæfi,“ segir Víðir. Hann hef-
ur lagt mikinn metnað í að hafa
tjaldsvæði staðarins sem glæsileg-
ast. Rafmagnstengi er fyrir felli-
hýsi, hjólhýsi og húsbíla. Snyrtiað-
staða fyrir gesti er vel búin, með
sturtum, heitum pottum, þvotta-
vél og þurrkara. Á tjaldsvæðinu er
stórt leiksvæði fyrir börnin með
trampólíni, rólum og köstulum.
Boðið er upp á þrjár stærðir af bú-
stöðum á Hellishólum. „Smáhýs-
in okkar hýsa þrjá og eru níu tals-
ins. Við erum með tíu fjögurra
manna hús og fimm sex manna.
Á gistiheimilinu erum við svo með
fimmtán herbergi, eins-, tveggja-
og þriggja manna. Þeim fylgja
sængurföt og morgunverður. Fyr-
ir þá sem vilja meiri lúxus er svo
hótelið okkar, Hótel Eyjafjallajök-
ull. þar erum við með átján tveggja
manna herbergi,“ segir Víðir og er
greinilega ánægður með þá miklu
uppbyggingu sem þau hjónin hafa
staðið í á undanförnum árum.
Tveir veitingaskálar og bar
Tveir veitingaskálar eru á Hell-
ishólum. Annar þeirra tekur um
160 manns í sæti. Þar er hægt að
kaupa veitingar og áfenga eða óá-
fenga drykki, frá morgni til kvölds,
allt sumarið. „Hinn salurinn er 100
manna veislusalur sem leigður er
út með eða án veitinga. Hann er
rúmgóður og tilvalinn fyrir veislu-
höld og stóra fundi,“ segir Víðir.
Fullt af skemmtilegri afþreyingu
Nóg er af afþreyingu í kringum Hell-
ishóla. Hér á staðnum er átján holu
golfvöllur, reiðhjólaleiga og fleira. Í
nágrenninu eru fjórhjólaleigur og
stutt er í sund bæði á Hellu og Hvols-
velli. Nokkrar hestaleigur eru líka
hér í kringum Hellishóla,“ segir Víð-
ir. Einnig er hægt að renna fyrir fisk í
sleppivatni Hellishóla en um þúsund
fiskum er sleppt í vatnið árlega. n
Helgarblað 12.–15. júní 2015
Ævintýraleg bleikjuslóð
Stórvaxinn bleikjustofn í Héðinsfirði – Veiðileyfi laus í sumar
H
éðinsfjörður, sem liggur á
milli Siglufjarðar og Ólafs-
fjarðar, opnaðist almenningi
með tilkomu Héðinsfjarðar-
ganga. Um leið auðveldað-
ist aðgangur að einhverri rómuð-
ustu bleikjuveiðiá landsins, sem hafði
lengi vel aðeins verið á færi örfárra að
komast í.
Endalausir möguleikar
Héðinsfjarðará er lítil og viðkvæm
en býður upp á alla möguleika sem
veiðimenn sækjast eftir. Við upptök
sín fellur áin í fossum og flúðum og
er straumhörð. Þegar fjallið og gil-
in sleppa af henni takinu liðast hún
um grasi gróinn dalinn með falleg-
um breiðum og hyljum sem bleikjan
bunkar sig í. Nokkuð fyrir neðan þjóð-
veg rennur áin út í vatn, sem einnig má
veiða í. Þegar vatninu sleppur tekur
við stutt útfall niður í sjó. Silungsveiði
er góð í Héðinsfjarðará, en í firðinum
er stórvaxinn bleikjustofn, sem er að
mestu sjóbleikja. Fyrrihluta sumars
er góð veiði í sjónum við sandfjöru í
firðinum, en seinnipart júní og byrjun
júlí gengur bleikjan í vatnið, og þegar
komið er fram í ágúst fyllist áin af fiski.
Straumflugur, púpur og
þurrflugur
Hefðbundnar straumflugur, eins og
Heimasætan, Nobbler, Black ghost og
jafnvel Dentist virka vel, bæði í vatn-
inu og einnig í ánni. Þá er óhætt að
mæla með bæði þurrflugu og hvers
kyns púpum. Mýsla, Krókurinn, Phe-
asant tail og Silfurperlan virka allar
á góðum degi. Stangaveiðifélag Sigl-
firðinga tók ána á leigu af veiðirétt-
arhöfum í Héðinsfirði, í ársbyrjun.
Samningurinn er til eins árs og ann-
ast veiðifélagið sölu veiðileyfa. Veitt
er á 3 stangir á tímabilinu 20. júlí til
21. ágúst en eftir það er þeim fækkað
í 2 og veiði bönnuð efst í ánni. Fimm
fiska kvóti er á stöng á dag. Enn eru
lausir dagar í bleikjuveiðina í sumar
og er hægt að hafa samband við Hörð
Júlíusson varðandi lausa daga. Net-
fangið er hordur@raudka.is
Flókadalsá í Fljótum
Stangaveiðifélag Siglfirðinga er líka
með Flókadalsá í Fljótum (efri) á
leigu. Áin er fyrst og fremst sjó-
bleikjuá þó einn og einn lax veiðist
í ánni á hverju sumri. Áin er mjög
skemmtileg veiðiá en hún liggur innst
í Flókadalnum. Svæðið nær neðan frá
Flókadalsvatni og fram að afréttar-
girðingu. Áin er þokkalega vatnsmik-
il og umhverfið friðsælt og vinalegt.
Hún er ákjósanleg til að láta reyna
á „nettu“ græjurnar í fórum veiði-
manna og einnig fín fyrir fjölskyldu-
veiðina. Fyrir áhugasama er einfald-
ast að senda tölvupóst á netfangið
jonjhs@simnet.is n
Héðinsfjörður Fegurðin er mikil
í firðinum og ekki spillir fyrir að vita
af bleikjunni. GunnlauGur S GuðlEiFSSon
Glæsilegur viðkomustaður
Paradís í Fljótshlíð - Hellishólar / Hótel Eyjafjallajökull - 18 holu golfvöllur
Hótelið er glæsilegt í fallegu umhverfi.
Herbergin eru glæsileg.náttúrufegurð á njáluslóðum.