Dagblaðið Vísir - DV - 12.06.2015, Qupperneq 34

6 Ferðalög og útivist - Kynningarblað Helgarblað 12.–15. júní 2015
Listasumar á Akureyri hefst föstudaginn 12. júní kl. 17 og stendur til 6. september
Höfuðstaður listarinnar í sumar
L
istasumar var umgjörð fyrir
listviðburði á Akureyri í tæpa
tvo áratugi, sem og vettvang-
ur fyrir listamenn til að koma
sér á framfæri. Það verður nú
endurvakið. Á opnunarhelginni verð-
ur mikið um að vera, Hlynur Halls-
son, safnstjóri Listasafnsins á Akur-
eyri, mun segja nokkur vel valin orð,
umvafinn handverki kvenna, sem
mun prýða Listagilið. Í framhaldinu
taka við tvennir tónlistarviðburð-
ir. Þjóðlistahátíðin Vaka býður upp
á síðdegistóna í Deiglunni og hins
vegar er gestum og gangandi boðið
að taka þátt í tónlistar- og listahátíð-
inni Ymur – tilraunakenndum sólar-
hring sem fer fram í fyrsta skipti og
hátíðin verður í sólarhring eða frá kl.
18 til 18. Markmið hátíðarinnar er að
stefna saman mismunandi listform-
um og áhersla er lögð á frumraunir,
tilraunir, skapandi flæði og síðast en
ekki síst eru mistök sérlega velkomin.
Ymur fer fram í Listagilinu á Akureyri,
nánar tiltekið í sal myndlistarfélags-
ins og listrýminu Kaktus.
Yfir 70 atriði eru komin á dagskrá
Listasumars og er þá dagskráin alls
ekki tæmandi því mögulegt er að bæta
við viðburðum allt til loka tímabils-
ins. Ljósmyndasýningin „Maddama,
kerling, fröken, frú“ er staðsett fyr-
ir utan kaffihúsið Laut og er opin á
opnunartíma Lystigarðsins og stend-
ur fram yfir Akureyrarvöku 31. ágúst
2015. Sýningin er haldin af tilefni 100
ára afmælis kosningaréttar kvenna á
Íslandi. ÁLFkonur er hópur kvenna
með ljósmyndun að áhugamáli og eru
búsettar á Akureyri og í Eyjafirði. Þetta
er fjórða sumarið sem myndir hóps-
ins eru í Lystigarðinum og eru 15 ÁLF-
konur með mynd að þessu sinni. Nán-
ar er hægt að fylgjast með á https://
www.facebook.com/alfkonur.
Útibúið er færanlegt sýningarrými
í formi ísskáps, afleggjari út frá Gallerí
Ísskáp sem er sjálfstætt sýningarrými
inni á vinnustofu ungra listamanna.
Markmið Gallerí Ísskáps og Útibús-
ins er að sýna og kynna verk ungra
listamanna í bland við þá reyndari.
Útibúið er óháð staðsetningu og get-
ur birst hvar sem er, eftir því hvað er
um að vera hverju sinni. Sýningar
verða alla laugardaga í sumar, sem og
aðra hátíðisdaga. https://
www.facebook.com/gall-
eryfridge
Í Verksmiðjunni á Hjalt-
eyri verður sýningin „Að
bjarga heiminum“ opn-
uð þann 13. júní. Sýningin
er hugarfóstur Aðalsteins
Þórssonar sem er jafnframt
sýningarstjóri sýningarinn-
ar, hann býr í Hollandi og
starfar þar að list sinni og
hefur gert síðan hann lauk
námi 1998. Á sjöunda tug
listamanna hafa boðið þátttöku sína,
bæði íslenskir og erlendir.
Listasumri lýkur með A! Gjörn-
ingahátíð sem er nýjasta viðbótin
í flóru listahátíða landsins. Hátíð-
in verður haldin
í fyrsta sinn dag-
ana 3.–6. sept-
ember 2015 og
er samstarfsver-
kefni Listasafns-
ins á Akureyri,
Lókal – alþjóðlegr-
ar leiklistarhátíðar
í Reykjavík, Leik-
félags Akureyrar,
Reykjavík Dance
Festival og Kynn-
ingarmiðstöðv-
ar íslenskrar myndlistar. Á hátíðinni
verður lögð áhersla á sviðslistir og
gjörninga þar sem myndræn fram-
setning og nýstárleg notkun á rými og
miðlum er í fyrirrúmi. n
ÁLFkonur sýna verk sín.
Myndir ListasaFn akureyrar
Listamaðurinn
James Cistam.
Verk eftir Cistam.
Sveitasetrið Gauksmýri er 22ja herbergja hótel - Reka veitingastað á Hvammstanga
Paradís í norðri
A
ð Gauksmýri í Húnaþingi
vestra reka hjónin Sigríð-
ur Lárusdóttir og Jóhann
Albertsson myndarlega
ferðaþjónustu. Það er í
Línakradal og er mitt á milli Reykja-
víkur og Akureyrar eða 194 kílómetra
frá báðum stöðum.
Gauksmýri býður upp á herbergi
með og án baðs. Tuttugu tveggja
manna herbergi með baði og fjög-
ur herbergi með handlaug og sam-
eiginlegri snyrtingu. Á sumrin er að
auki boðið upp á rúmgott fjölskyldu-
herbergi þar sem fimm manns geta
gist. Í kjallara gistihússins er leigð út
íbúð með sérinngangi og bílastæði.
Hún er með þremur svefnherbergj-
um, tvö tveggja manna og eitt eins
manns. Í íbúðinni eru samliggjandi
stofa og eldhús.
Mikið líf í kringum hestana
Á sveitasetrinu eru um 120 hross og er
gestum velkomið að heimsækja hest-
húsin og fá tilfinningu fyrir dýrunum.
Þar er starfrækt hestaleiga sem býð-
ur upp á reiðtúra í fallegu umhverfi
Gauksmýrar og er með hesta við allra
hæfi. Þar er einnig boðið upp á reið-
kennslu. Það er því alltaf líf í kring-
um hestana á Gauksmýri. „Við erum
einnig með hestasýningar,“ segir Jó-
hann. „Aðallega fyrir erlenda ferða-
hópa. Til okkar koma einn til fjór-
ir hópar á dag á þessar skemmtilegu
sýningar og í mat.“
Fuglaskoðunarhúsið opið öllum
Sunnan við þjóðveginn er
Gauksmýrartjörnin en þar verpa
um tuttugu tegundir fugla. Fugla-
skoðunaraðstaða, hús með kíki og
fuglabókum, hefur verið útbúið í
samvinnu við Friðlýsingarsjóð Nátt-
úruverndarráðs og er það tilvalin
útivistarmöguleiki fyrir náttúruunn-
endur. Það liggur göngustígur niður
að húsinu og er hann aðgengilegur
hreyfihömluðum.
Veitingar á Gauksmýri
Á Gauksmýri er stór veitingasal-
ur með sérlega fallegu útsýni yfir
sveitina. Maturinn á sveitasetrinu
hefur verið annálaður fyrir bragð-
gæði og hollustu. „Við leggjum mikla
áherslu á ferskt og hollt hráefni. Við
erum með gróðurhús á staðnum og
landnámshænur og notum afurðirn-
ar í eldhúsinu,“ segir Jóhann. Í há-
deginu er boðið upp á súpuhlaðborð
með heimabökuðu brauði og salat-
bar. Á hverju kvöldi bjóðum við svo
upp á grillhlaðborð. Þá eru grillaðar
nokkrar tegundir af kjöti og fiski og
veglegt úrval af meðlæti.
nýr veitingastaður á Hvamms-
tanga
Sjávarborg er sérlega fallegur, nýr
veitingastaður sem Gauksmýri
ehf. opnaði nú í vor við höfnina á
Hvammstanga. „Við hönnun staðar-
ins var leitast við að nýta efnivið
sem finna má í nánasta umhverfi
og er stæstur hluti húsgagna og inn-
réttinga smíðað af heimafólki,“ segir
Jóhann. „Þetta endurspeglar söguna
og gerir andrúmsloftið sérlega
skemmtilegt.“ Matseðillinn er vand-
aður og fjölbreyttur. „Okkur lang-
aði að setja upp „alvöru“ veitinga-
hús á þessu svæði. Það er nóg af
vegasjoppum á Íslandi en vöntun
hefur verið á vandaðri veitingastöð-
um á landsbyggðinni. Enda hefur
reksturinn farið ótrúlega vel af stað,
vonum framar eiginlega,“ segir Jó-
hann. n