Dagblaðið Vísir - DV - 29.10.2015, Page 4

4 Fréttir Helgarblað 29. október–2. nóvember 2015
V A R M A D Æ L U R
Hættir við að rukka
fyrir rafræn skilríki
S
tjórnendur Auðkennis eru
hættir við að rukka fjarskipta­
fyrirtæki um göld vegna raf­
rænna skilríkja í símum frá
og með næstu áramótum
eins og fyrirhugað var. Til stóð að inn­
heimta tugi milljóna af fjarskipta­
fyrirtækjunum og hefðu viðskiptavin­
ir þeirra þá að öllum líkindum þurft að
bera þann kostnað. Stjórnar formaður
Auðkennis segir útlit fyrir að fyrirtæk­
ið verði áfram rekið með tapi en að
eigendur þess hafi skuldbundið sig til
að fjármagna reksturinn.
„Það var ósk ákveðinna fyrirtækja
sem hafa gert samninga við okkur,
sem gera viðskiptavinum þeirra kleift
að nota rafræn skilríki í símum, að
það yrði horft til þess að gjaldtak­
an yrði þeirra megin en myndi ekki
lenda beint á notendum skilríkjanna.
Það þýðir að þessi fyrirtæki þurfa þá
að borga fyrir uppbyggingu rafrænna
skilríkja hér á landi en ekki notendur
þeirra,“ segir Óskar Jósefsson, stjórnar­
formaður Auðkennis, í samtali við DV.
Gjaldtakan gagnrýnd
Óskar segir stjórn Auðkennis hafa
tekið ákvörðunina um að fresta gjald­
tökunni fimmtudaginn 22. október
síðastliðinn. Fyrirtækið greindi í vor
frá áformum um að rukka fjarskipta­
fyrirtækin um mánaðargjald sem
hlypi á 88 krónum og upp í 110 krón­
ur fyrir hver skilríki. Stjórnin ákvað
hins vegar að fresta gjaldtökunni til
1. janúar 2017 og svo gæti farið að
hún hefjist jafnvel enn síðar. Kostn­
aðurinn hefði hlaupið á tugum millj­
óna króna á ári fyrir hvert fjarskipta­
fyrirtæki en engin
áform voru um að
innheimta gjöld hjá
einstaklingum. Óskar
svarar aðspurður að
hann hafi ekki upplýs­
ingar á reiðum hönd­
um um hversu háa
upphæð fyrirtækið
hefði innheimt af fjar­
skiptafyrirtækjunum
á ársgrundvelli.
Ákvörðun Auð­
kennis um að rukka
fjarskiptafyrirtækin
vakti talsverða
athygli. Ögmundur
Jónasson, þingmaður
Vinstri grænna,
gagnrýndi hana í grein sem hann
skrifaði í Morgunblaðið í apríl. Sagði
þingmaðurinn ríkið hafa gengið hart
fram í að sjá fyrirtækinu fyrir við­
skiptavinum en allir umsækjendur
um skuldaleiðréttingu ríkisstjórnar­
innar þurftu að nota skilríkin til að
fá umsókn sína samþykkta. Ólafur
Stephensen, framkvæmdastjóri Fé­
lags atvinnurekenda, gagnrýndi
einnig innleiðingu skilríkjanna
og sagði ljóst að neytendur
þyrftu á endanum að bera kostn­
að fjarskiptafyrirtækjanna. Þeim
hafi verið „smalað í viðskipti við
einkafyrirtæki“ í krafti loforðs um
skuldaleiðréttingu.
Hlutaféð aukið
Auðkenni er í eigu Símans, Arion
banka, Íslandsbanka, Landsbankans
og Teris. Fyrirtækið var rekið með 223
milljóna króna tapi í fyrra samanbor­
ið við 160 milljóna tap árið 2013. Eig­
ið fé þess, eignir mínus skuldir, var já­
kvætt um 306 milljónir í árslok 2014.
Hlutafé fyrirtækisins var aukið um
278 milljónir króna í fyrra og um 150
milljónir í janúar síðastliðnum.
„Það verður tap á þessu ári og því
næsta. Bankarnir gerðu samning við
ríkið árið 2006 um að þeir myndu
byggja fyrirtækið upp. Auðkenni hef­
ur því verið á forræði eigenda sinna
og þeir fjármagna félagið með hluta­
fjáraukningu,“ segir Óskar. n
Auðkenni ætlar ekki að krefja fjarskiptafyrirtæki um gjöld vegna skilríkja í símum á næsta ári
„Það
verður
tap á þessu ári
og því næsta
Haraldur Guðmundsson
haraldur@dv.is
Stjórnarformaðurinn Óskar Jósefsson.
Rafræn skilríki Umsækjendur um skuldaleiðréttingu ríkis-stjórnarinnar gátu valið um að fá rafræn skilríki hjá fjármála-stofnunum eða í farsíma. Nova er í dag eina fjarskiptafyrirtækið sem rukkar viðskiptavini sína fyrir notkun skilríkja.
Metár í marijúana
Kynferðisbrotum fækkar talsvert
F
íkniefnabrotum hefur fjölgað
um tæplega 15 prósent á milli
áranna 2013 og 2014 að því er
fram kemur í skýrslu um af­
brot á höfuðborgarsvæðinu árið
2014. Þar segir að lögreglan hafi
ekki lagt hald á jafn mikið af mari­
júana í 16 ár.
Þar segir að fíkniefnabrotum hafi
fjölgað stöðugt síðustu ár og er þessi
fjölgun að mestu tilkomin vegna
fjölgunar brota er varða vörslu og
meðferð ávana­ og fíkniefna og
flutnings fíkniefna á milli landa.
Mest magn var tekið af mari­
júana, tæplega 57 kíló. Ekki hefur
verið lagt hald á eins mikið magn af
marijúana á einu ári frá því að sam­
ræmdar skráningar hófust hjá lög­
reglu árið 1999.
Á heildina litið fækkaði hegn­
ingarlagabrotum um tæplega fjög­
ur prósent frá árinu 2013, þróunin
er þó breytileg milli brotaflokka.
Umferðarlagabrotum fjölgaði
einnig á milli ára. Skráð voru 19.958
slík brot árið 2014 og fjölgaði þeim
um tæplega eitt prósent. Af hegn­
ingarlagabrotum fjölgaði nytja­
stuldum hlutfallslega mest á milli
ára. Kynferðisbrotum fækkaði hlut­
fallslega mest á milli ára.
Tilkynningum um kynferðisbrot
fækkaði um 43 prósent. Á heildina
litið hefur tilkynningum um kyn­
ferðisbrot verið að fjölga ár frá ári
frá árinu 2005. Fækkunin á milli ára
skýrist af metfjölda tilkynninga árið
2013, brotum fjölgaði þá um níu
prósent miðað við meðalfjölda árin
2010 til 2012. n
valur@dv.is