Dagblaðið Vísir - DV - 29.10.2015, Blaðsíða 52

Helgarblað 29. október–2. nóvember 201544 Fólk Viðtal
Gaman að
hlusta á
íslenskuna
hennar
mömmu
Rachel Allen, frægasti kokkur Íra, er hálfíslensk
R
achel Allen var átján ára
þegar hún ákvað að prófa
að fara á matreiðslunám-
skeið í Cork á Írlandi. Hún
féll fyrir starfinu og varð
ástfangin af manni sem hún kynnt-
ist þar. Í dag er hún einn þekktasti
matreiðslumaður Íra, hefur sent
frá sér þrettán bækur og unnið að
fjölmörgum sjónvarpsþáttum sem
sýndir eru um allan heim. Hún er
hálfíslensk, á íslenska móður, og
segist sakna þess að hafa ekki sterk-
ari tengingar við landið.
Það er mikið að gera hjá Rachel
þegar blaðamaður nær tali af henni
seinnipart dags í október. Þann dag
hafði hún verið að taka myndir af
réttum sem eru gerðir eftir hennar
uppskriftum. Ekki er langt síðan
nýjasta matreiðslubók hennar Coast,
Ströndin, kom út og hún er á þönum
við að kynna hana. Þá undirbýr hún
einnig sérstakan jólaþátt sem sýndur
verður rétt fyrir hátíðarnar og verður
tekinn upp fljótlega.
„Veistu, ég held að þessi bók sé
númer þrettán. Við hjónin þurftum
að setjast niður um daginn og telja
þær því við vorum ekki viss,“ segir hún
aðspurð um hversu margar bækur
hafa komið út á undanförnum árum.
„Ég vona að þó að hún sé númer
þrettán fylgi því ekki óheppni,“ bætir
hún við og hlær eilítið hikandi. Það er
harla ólíklegt enda nýtur hún mikilla
vinsælda bæði á Írlandi og víðar. Auk
bókaútgáfunnar er hún tíður gestur
á sjónvarpsskjáum á Írlandi, í Bret-
landi og víðar.
Sjónvarpsþáttaseríur hennar eru
sýndar um allan heim og hafa til að
mynda náð fádæma vinsældum í
Suður-Asíu. Í nýjustu bók hennar
er horft til írsku strandlengjunnar,
fólksins sem þar býr og hráefnisins
sem þar er notað, sem hún segir að
hafi haft mikil áhrif á sig.
Ekkert skipulag
Frægðarferillinn í matreiðslu byrj-
aði þó með óákveðinni, ungri konu
sem vildi ferðast og sjá heiminn.
Rachel fór átján ára til Cork á Írlandi
til að læra eldamennsku. Hún hafði
verið tvístígandi með framtíð sína
eftir framhaldsskóla en foreldrar
hennar hvöttu hana til að fara þang-
að á meðan hún væri að ákveða sig.
„Það reyndist góð hvatning, enda er
ég enn að kenna hér,“ segir hún.
Þar fann hún líka ástina, eigin-
mann sinn, Isaac Allen, sem starfar
með henni í dag. Hún kennir í Bally-
maloe-skólanum í Cork ásamt
tengdamóður sinni, eiganda skól-
ans, sem einnig kenndi henni hand-
tökin á sínum tíma.
„Þetta var ekkert skipulagt. Ég
var átján ára og hélt að ég vildi ferð-
ast um heiminn áður en ég færi í há-
skólanám. Ég vissi að ég vildi gera
eitthvað skapandi, en ekki nákvæm-
lega hvað. Foreldrar mínir hvöttu
mig eindregið til þess að læra að
elda og töldu að það væri mjög góð-
ur grunnur fyrir mig og bentu mér
á að ég gæti ferðast síðar. Ég ákvað
að fara til Cork og skráði mig í Bally-
maloe-matreiðsluskólann. Það var
á fyrsta deginum í skólanum sem
ég áttaði mig á því að ég hafði fund-
ið mína hillu. Ég elskaði þetta og
hafði svo mikla ástríðu fyrir því sem
ég var að gera. Ég kunni líka svo
vel við mig í Ballymaloe og stefn-
unni þar, sem gengur út á að nota
heilsusamlegan mat sem vex jafnvel
í nærumhverfinu. Ég var svo ánægð
en ákvað að ég vildi ekki hefja störf
sem kokkur, frekar vera kennari og
kenna matreiðslu,“ segir hún. „Ég
féll fyrir mörgum ólíkum sviðum í
Bally maloe,“ segir hún og vísar til
mannsins og vinnunnar.
Hún segir að örlögin hafi á end-
anum leitt til sín sjónvarpsþátta-
framleiðanda. „Hann kom til að
læra en lagði til að við framleiddum
sjónvarpsefni saman,“ segir hún,
en segist ekki hafa haft nein áform
um að gefa út bækur eða neitt slíkt.
Fram að því hefði henni aldrei hug-
kvæmst það. „Það er skondið hvert
lífið leiðir mann. Ég bjóst aldrei við
þessu og hugsaði fyrstu sjónvarps-
þættina eingöngu sem tímabund-
ið verkefni. Ég er frekar óskipulögð
og á frekar erfitt með að horfa svona
langt fram í tímann. Ef ég hefði
hugsað mikið um þetta hefði ég ef-
laust gefist upp og fundist þetta yfir-
þyrmandi,“ segir hún og segist afar
þakklát fyrir það sem á daga hennar
hefur drifið.
Þáttaraðirnar eru orðnar fjöl-
margar í dag og hafa meðal annars
orðið til þess að þó að hún hafi
ekki í upphafi farið að skoða heim-
inn heldur aðeins eldhúsið í Cork
þá hefur vinnan dregið hana út um
allan heim.
Vill sýna Ísland
Rachel á sem áður sagði íslenska
móður, Hallfríði Reichenfeld, sem
ólst upp í Birmingham á Bret-
landi frá tólf ára aldri. Hallfríður
starfar sem fatahönnuður og flutti
til Írlands þegar hún var ung og þar
ólst Rachel upp. „Ég er Dublinar-
stelpa sem fann svo heimili mitt í
sveitinni,“ segir Rachel. Fjölskyldu-
heimilið er í Cork og þaðan rekur
hún fyrirtæki sitt.
Hún hefur komið til Íslands
nokkrum sinnum en það er langt
síðan hún kom síðast. „Ég hef ekki
komið til Íslands frá því að ég var
svona fjórtán ára og hef fyrir vikið
ekki komið þangað með börnun-
um mínum,“ segir hún, en börnin
eru þrjú, það elsta á unglingsaldri.
„Ég myndi svo gjarnan vilja koma
þangað og sýna þeim landið,“ seg-
ir hún en viðurkennir að það hafi
reynst þrautin þyngri að finna rétta
tímann til þess. „Hvenær ætli sé
best að koma,“ spyr hún blaðamann
sem bendir henni á að líklega sé há-
sumarið besti tíminn. „Mér finnst
svo gaman að heyra mömmu tala
íslensku, hún gerir það stöku sinn-
um,“ segir hún og segist harma að
hún geti það ekki sjálf. „Þetta er
mjög erfitt tungumál,“ segir hún.
„Ég hef velt því fyrir mér að koma til
landsins og gera þátt, nota íslenskt
hráefni og kynnast landinu aðeins
betur,“ segir hún. n
Ásta Sigrún Magnúsdóttir
astasigrun@dv.is
Fann hjartað í sveitinni
„Ég er Dublinarstelpa sem fann
svo heimili mitt í sveitinni,“
segir Rachel. MyndiR MAjA SMEnd
„Ég féll fyrir
mörgum
ólíkum sviðum
í Ballymaloe
Fann hjartað í sveitinni „Ég er Dublinarstelpa sem fann svo heimili mitt í sveitinni,“ segir Rachel. MyndiR MAjA SMEnd
Gratín uppskrift Á dv.is má finna upp-
skrift sem Rachel deilir með lesendum úr
nýjustu bók sinni.
Óvart
Rachel segir
að flest á ferli
hennar hafi
í raun gerst
óvart. Hún sé
sjálf frekar
óskipulögð.