Dagblaðið Vísir - DV - 29.10.2015, Blaðsíða 12

12 Fréttir Helgarblað 29. október–2. nóvember 2015
ESÍ fjórði stærsti kröfuhafinn
og fær tugi milljarða í gjaldeyri
n Seðlabankinn einn stærsti hluthafi félags Kaupþings n Tíu þúsund kröfuhafar grisjaðir út
E
ignasafn Seðlabanka Íslands
(ESÍ), dótturfélag Seðlabank­
ans, verður fjórði stærsti
hluthafi eignaumsýslufélags
Kaupþings eftir staðfestingu
nauðasamnings og mun Seðlabank­
inn að óbreyttu fá að jafnvirði um 20
milljarða í gjaldeyri samtímis því að
Kaupþing greiðir út allt laust fé í er­
lendri mynt til samningskröfuhafa. Sá
gjaldeyrir sem mun að endingu falla
í skaut ESÍ, eftir að Kaupþing hefur
umbreytt öllum erlendum eignum
sínum í laust fé og greitt út til samn­
ingskröfuhafa, verður að öllum lík­
indum samtals yfir 40 milljarðar.
DV hefur undir höndum lista yfir
alla þá kröfuhafa – rúmlega tvö þús­
und talsins – sem verða hluti af fyrir­
huguðum nauðasamningi Kaupþings
og var sendur til kröfuhafa þann 23.
október síðastliðinn. Þar kemur fram
að kröfufjárhæð ESÍ nemi ríflega 158
milljörðum króna að nafnvirði. Það
gerir félagið að fjórða stærsta kröfu­
hafa Kaupþings með 5,76% hlut í
hinu nýja félagi sem verður til þegar
nauðasamningar hafa verið kláraðir í
árslok.
Það er hins vegar Deutsche Bank
Trust Company Americas (DBTCA)
sem er langsamlega stærsti samn­
ingskröfuhafi Kaupþings með kröf­
ur að fjárhæð tæplega 486 milljarð­
ar króna að nafnvirði. Félagið, sem
mun eiga 17,7% hlut í Kaupþingi, er
þó ekki raunverulegur eigandi krafn­
anna heldur aðeins vörsuaðili fyrir
ýmsa erlenda fjárfestingasjóði, eink­
um bandaríska vogunarsjóði. Miðað
við að gangverð krafna Kaupþings er
núna um 24–28% af nafnvirði – mis­
munandi eftir því í hvaða mynt kröf­
urnar eru stofnaðar í – þá eru áætlað­
ar heimtur DBTCA um 126 milljarðar
króna.
Þar á eftir koma skúffufélög í Lúx­
emborg í eigu bandarísku vogunar­
sjóðanna Abrams Capital og York
Capital með 8,6% og 7,7% allra krafna
á hendur Kaupþingi. Áætlaðar endur­
heimtur sjóðanna við skuldaskil
Kaupþings eru því á bilinu 55 til 60
milljarðar króna. Sjóðirnir eru í hópi
stærstu vogunarsjóða Bandaríkjanna
með eignir í stýringu sem eru sam­
tals yfir 30 milljarðar Bandaríkjadala,
en það jafngildir um tvöfaldri lands­
framleiðslu Íslands.
Kröfuhöfum fækkað verulega
Stærstu samningskröfuhafar Kaup­
þings eru sem kunnugt er alfarið – fyrir
utan Eignasafn Seðlabankans – ýmsir
bandarískir og evrópskir fjárfestinga­
sjóðir og fjármálafyrirtæki. Erlendir
aðilar eiga samtals um 93% allra sam­
þykktra krafna á hendur Kaupþingi á
meðan innlendir aðilar eiga um 7%,
en þar munar langsamlega mestu um
kröfu ESÍ. Allir almennir kröfuhaf­
ar Kaupþings munu fá í sinn hlut til­
tekna lágmarksgreiðslu – annaðhvort
í evrum eða krónum – sem er einkum
gert í því skyni að grisja verulega út
þann mikla fjölda kröfuhafa sem yrði
að öðrum kosti hluti af nauðasamn­
ingi. Þeim fækkar úr um 13.000 tals­
ins í ríflega 2.000 sem ætti þannig að
auðvelda stjórn á félaginu sem verður
til á grundvelli nauðasamningsfrum­
varpsins.
Eftir að slitameðferð Kaupþings
lýkur með staðfestingu nauðasamn­
ings fyrir árslok 2015, eins og áætlan­
ir gera ráð fyrir, verður sem fyrr segir
til eignarhaldsfélag undir nýrri stjórn
sem mun hafa umsjón með að halda
utan um þær eignir sem ekki er búið
að umbreyta í laust fé og greiða út til
kröfuhafa. Ljóst er að í tilfelli Kaup­
þings munu þær eignir nema í kring­
um 400 milljarðar króna. Fyrir utan
87% eignarhlut Kaupþings í Arion
banka, bókfærður í reikningum slita­
búsins á 163 milljarða króna, þá
námu erlendar eignir búsins, sem eru
ekki í reiðufé, samtals að jafnvirði 236
milljarðar um mitt þetta ár.
Eins og upplýst var um í DV þann
13. október síðastliðinn verður Ótt­
ar Pálsson, hæstaréttarlögmaður og
einn eigenda að lögmannsstofunni
LOGOS, í hópi þeirra sem munu
skipa stjórn félagsins eftir nauða­
samning Kaupþings. Óttar hefur á
undanförnum árum verið allra mik­
ilvægasti ráðgjafi kröfuhafa Kaup­
þings og Glitnis. Þá var greint frá því
í Morgunblaðinu nokkrum dögum
síðar að Jóhannes Rúnar Jóhannsson,
formaður slitastjórnar Kaupþings,
myndi einnig taka sæti í stjórninni.
Samkvæmt heimildum DV verður Jó­
hannes Rúnar starfandi stjórnarmað­
ur (e. executive director). Aðrir stjórn­
armenn verða erlendir aðilar en gert
er ráð fyrir fimm manna stjórn hjá
Kaupþingi.
Íslenskt félag, til að byrja með
Við staðfestingu nauðasamnings mun
Kaupþing gefa út skuldabréf í evrum,
og nýja hluti í Kaupþingi, sem verður
afhent samningskröfuhöfum í hlut­
falli við fjárhæð krafna þeirra. Afborg­
anir af skuldabréfinu verða ársfjórð­
ungslega og fjárhæðin hverju sinni
ræðst af því hvernig stjórnendum hins
nýja félags tekst til við að umbreyta
þeim erlendu eignum sem enn verða
í eigu Kaupþings í reiðufé á komandi
misserum og árum. Það verður einnig
hlutverk þeirra að reyna að selja hlut
Kaupþings í Arion banka á næsta ári.
Samkvæmt upplýsingum DV er
gert ráð fyrir því í nauðasamnings­
frumvarpi Kaupþings að eignaum­
sýslufélagið verði með lögfesti á Ís­
landi, að minnsta kosti til að byrja
með. Að sögn kunnugra er hins vegar
ekki talið ólíklegt að það muni taka
breytingum á síðari stigum og félag­
ið flutt erlendis, þá líklegast til Bret­
lands. n
Hörður Ægisson
hordur@dv.is
Olíusjóður Aserbaídsjan
á 6 milljarða kröfu
Á meðal hundrað stærstu
samningskröfu hafa Kaupþings er að
finna ríkisfjárfestingasjóði frá Mið-Aust-
urlöndum og Mið-Asíu. Þannig verður
olíusjóður Aserbaídsjan 51. stærsti
hluthafi eignaumsýslufélags Kaupþings
en sjóðurinn á samþykktar kröfur á
hendur slitabúinu að fjárhæð tæplega 6
milljarðar króna að nafnvirði.
Þá á fjármálaráðuneytið í arabíska
furstadæminu Dúbaí og ríkisfjár-
festingasjóður Líbíu jafnframt sam-
þykktar kröfur á Kaupþing að fjárhæð
rúmlega milljarð króna sem skilar þeim
í hóp hundrað stærstu hluthafa eigna-
umsýslufélagsins. Ríkisfjárfestingasjóði
Líbíu var komið á fót árið 2006 og er
með eignir upp á 60–70 milljarða dala í
stýringu.
Kaupþing átti í samstarfi við fjár-
festingasjóði í eigu stjórnvalda í Líbíu í
aðdraganda þess að bankinn féll haustið
2008. Þannig fjárfesti Kaupþing ásamt
líbískum olíufjárfestingasjóði í Circle Oil
í september 2008. Þá vakti það athygli
þegar greint var frá því í ársbyrjun 2009
að ríkisfjárfestingasjóður Líbíu hefði
áhuga á að kaupa Kaupþing í Lúxemborg
af skilanefnd bankans. Ekki varð hins
vegar af þeim kaupum.
Áhrifamesti kröfuhafi
Kaupþings
Þrátt fyrir að nafn þess komi hvergi fyrir
á listanum yfir samningskröf-
uhafa þá er vogunarsjóðurinn
Taconic Capital í hópi allra
stærstu kröfuhafa Kaupþings
en eignum sjóðsins er stýrt í
gegnum önnur félög, meðal
annars sem eru skráð í Lúxem-
borg. Samkvæmt heimildum
DV á Taconic Capital einnig
kröfur á hendur Glitni enda þótt
fjárhæð þeirra sé mun minni
borið saman við Kaupþing.
Til marks um umsvif Tacon-
ic Capital þá var sjóðurinn á meðal þeirra
fáu kröfuhafa Kaupþings sem átti fulltrúa
á fundum með ráðgjöfum stjórnvalda
síðastliðið vor þegar þegar þeim voru
kynnt þau stöðugleikaskilyrði
sem kröfuhafar þyrftu að
uppfylla til að forðast 39%
stöðugleikaskatt á eignir
slitabúanna. Sá sem fór fyrir
Taconic Capital á þeim fundum
var Bandaríkjamaðurinn Keith
Magliana en hann stýrir skulda-
bréfafjárfestingum sjóðsins í
Evrópu. Keith er sagður áhrifa-
mesti kröfuhafi Kaupþings og
gegndi lykilhlutverki við að fá
helstu kröfuhafa slitabúanna
– ekki aðeins Kaupþings, heldur einnig
Glitnis – til að fallast á stöðugleikaskilyrði
íslenskra stjórnvalda.
Kröfuhafi Kröfufjárhæð að nafnvirði (í milljörðum) Hlutdeild
Deutsche Bank Trust Company Americas 486 17,7%
ACP Intermediate Aquisition 235 8,6%
York Global Finance Offshore BDH 210 7,7%
Eignasafn Seðlabanka Íslands 158 5,8%
Sculptor Investments 148 5,4%
Hilcrest Investments 144 5,2%
Deutsche Bank AG, London 129 4,7%
TCA Opportunity Investments 77 2,8%
Kaupthing Singer & Friedlander (í slitameðferð) 76 2,8%
Bayerische Landesebank 72 2,6%
Goldman Sachs Lending Partners 55 2%
Trinity Investments 46 1,7%
Credit Suisse International 45 1,7%
RCPII Europe 41 1,5%
CCP Credit Aquisition Holding Luxco 39 1,4%
Silver Point Luxembourg Platform 39 1,4%
Bluemountain Luxembourg Holdings 39 1,4%
North Run Master Fund 36 1,3%
Halcyon Loan Trading 30 1%
Max Participation II 27 1%
20 stærstu kröfuhafar Kaupþings
Skuldaskil Eignaumsýslufé-
lag Kaupþings mun halda utan
um eignir sem nema yfir 400
milljörðum. Mynd Stefán KarlSSon
Keith Magliana
bokafelagid.is
DAGBÓKIN
- KOMIN Í VERSLANIR
Tíminn minn