Dagblaðið Vísir - DV - 29.10.2015, Blaðsíða 78

70 Fólk Helgarblað 29. október–2. nóvember 2015
Nekt og íslensk náttúra
n Tökur fyrir franskt tónlistarmyndband á Suðurlandi n Listamennirnir yfir sig hrifnir
T
ónlistarmaðurinn Guillaume
Ananda og leikstjórinn
Bernard Benant hafa undan­
farna daga dvalið á Íslandi
við tökur á tónlistarmynd­
bandi þar sem íslensk náttúra og ís­
lensk módel eru í aðalhlutverki.
Tökur fóru aðallega fram á Suður­
landi í fimbulkulda og vosbúð. Naktir
líkamar módelanna Tönju Bjarkar og
Birgis Axelssonar eru í stærsta hlut­
verkinu, en umhverfið var dramatískt
og fagurt, svartur sandur, Seljalands­
laug, eyðibýli og íslensk náttúra.
Ananda er fyrrverandi vínþjónn
sem sneri sér alfarið að tónlist fyrir
fjórum árum síðan. Hann vinnur að
fyrstu plötu sinni en hefur gefið út
nokkur lög nú þegar. „Ég hef verið
að spila mikið á tónleikum í Frakk­
landi og vinn núna að fyrstu plötunni
minni,“ segir Ananda og bætir því við
að eftir Íslandsdvölina sé hann af­
skaplega spenntur fyrir því að halda
tónleika á Íslandi. „Það hefði verið
frábært að geta kynnst íslenskri tón­
list betur með því að fara á Airwaves
í næstu viku, en vonandi fæ ég tæki­
færi til þess næst. Best væri auðvitað
að fá að spila sjálfur,“ segir Ananda
með glampa í augum.
Úr tískuljósmyndun í tónlist
Bernard á að baki farsælan feril sem
tískuljósmyndari, en hefur í seinni tíð
aðallega unnið að verkefnum í kring­
um tónlist og tónlistarmyndbönd.
Þeir félagar hittust fyrst í París eft­
ir tónleika þar sem Bernard heillaðist
af tónlist Ananda. „Við ákváðum strax
að vinna saman og ég vissi um leið að
myndbandið við Silent song þyrfti að
gera á Íslandi,“ segir Bernard.
Bernard hefur komið til Íslands
þrisvar sinnum
áður til þess að
taka ljósmyndir.
Hann ferðast
mikið um heim­
inn og vann síð­
ast stórt verk­
efni í Senegal.
„Ég er vanur
að finna sam­
bönd á Face­
book, tengjast
þannig fólki á
stöðunum sem
ég ferðast til. Ég
fann til dæmis
Gauja á Face­
book og heillaðist af myndunum
hans,“ segir Bernard og vísar þar til
Gauja H. sem er ljósmyndari og vann
sem „location manager“, sem útleggst
sem staðsetningarstjóri á íslensku,
fyrir myndbandið. „Vinkona mín til
20 ára, Mireya Samper, ætlaði að að­
stoða við tökurnar, en þar sem hún
er stödd í Asíu varð ég að finna ein­
hvern annan. Ég sendi Gauja skila­
boð og hann var til, samstarfið hefur
verið frábært og auðvitað ómetanlegt
að vinna með Íslendingum sem hafa
sambönd og þekkja staðarhætti.“
Fallegar andstæður
Sagan í myndbandinu er draum­
kennd og ljóðræn. Bernard segist
vinna út frá innsæi og tilfinningu. „Ég
er hrifinn af shamanisma og reyni
að hlusta á undirmeðvitundina og
draumana mína. Undirmeðvitundin
dæmir ekki hvort hugmyndir séu
góðar eða slæmar. Fyrir mér er nátt­
úran Guð og ég vildi ná að miðla því
afli í myndbandinu. Módelin tvö eru
miklar andstæður. Birgir er dökkur
og víkingalegur með styrk, vöðva og
húðflúr á meðan Tanja Björk er ljós,
viðkvæm og næstum því eins og álfur
– samt svo ótrúlega sterk.“ Tónlist
Ananda má finna á Spotify og You­
tube með því að slá inn leitarorðin
Ananda og Silent song. n
Ragnheiður Eiríksdóttir
ragga@dv.is
Leikstjórinn og tónlistarmaðurinn Bernard Benant og Guillaume Ananda eru sáttir
eftir dvölina á Íslandi.
Hópurinn og blaðakonan Gaui H.,
Ragga blaðakona, Ananda og Bernard
standa. Florent Larriven og Alice Bub, sitja.
Módelin voru fjarri góðu gamni, líklega að ná
sér í fegurðarblund einhvers staðar.
Miklir mátar Bernard,
Gaui H. og Ananda.
Samstarfið hefur gengið
ljómandi vel og mun að öll-
um líkindum leiða til fleiri
verkefna. Mynd SigtRygguR ARi
Iceland on the Market, 1518–1868
Lýst er tilraunum þriggja Danakonunga til að selja Ísland Englendingum
og Þjóðverjum 1518, 1524, 1535 og 1645. Reiknað er út, hvers virði
landið var þá talið. Þá er vikið að því, þegar Ísland var einskis virði og
rýma átti það 1785. Sagt er frá tillögum Sir Josephs Banks 1801, 1807
og 1813 um, að Bretar tækju landið og gerðu að sjálfstjórnarsvæði.
Einnig er minnst á áhugaleysi Svía á Íslandi 1814, þegar þeir fengu í sinn
hlut Noreg, og frá hugmyndum Dana 1864 um að skipta á Íslandi og
Norður-Slésvík. Að síðustu er skýrt frá ráðagerðum í Washington-borg
um að kaupa Ísland um leið og Alaska 1867.
Rannsóknarsetur um nýsköpun og hagvöxt
Félagsvísindastofnun Háskóla Íslands
Fyrirlestur
Hannesar H. Gissurarsonar prófessors
Þjóðarspegillinn 2015
Stofu Lögberg 101 í Háskóla Íslands
föstudaginn 30. október kl. 11–12.45
Ókeypis aðgangur. Allir velkomnir