Dagblaðið Vísir - DV - 29.10.2015, Blaðsíða 45

Helgarblað 29. október–2. nóvember 2015 Fólk Viðtal 37
Mér finnst ég alltaf vera strákur
á öllu sem ég segi. Sóley spurði
um daginn: Hvernig ætlið þið að
halda upp á þrjátíu ára brúðkaups­
afmælið. Ætli við skiljum ekki bara,
sagði ég. Þá ranghvolfdi hún í sér
augunum og sagði: Æ. Pabbi!“
Eruð þið hjónin lík?
„Við erum lík að því leyti að við
höfum sömu gildi í heiðri. Sömu
hlutirnir skipta okkur máli og við
erum samstiga í því og ég held að
það skipti öllu máli. Við erum bæði
mikið fjölskyldufólk og heimakær,
en að öðru leyti erum við að miklu
leyti ólík.“
Ætlarðu að haga lífi þínu eins
næstu árin, starfa hjá Time Warner
og skrifa fyrir hádegi?
„Ég hef ekki hugað að neinum
breytingum. Geri ég sama hlut­
inn endalaust? Ég veit það ekki. Ég
er búinn að vera hjá Time Warner
í sextán ár og mér líkar mjög vel.
Þarna vinnur mjög góður hópur
fólks og starfsemin er skemmtileg.“
Hvernig myndirðu lýsa þeirri starf-
semi?
„Starfsemi okkar er öll á sviði
kvikmynda og sjónvarpsefnis.
Menn eru oft að einbeita sér að
stóru tölunum, það sé verið að velta
svona miklu, og starfsemin sé á svo
og svo mörgum sviðum og að þarna
séu tugir þúsunda starfsmanna. En
ég minni fólk oft á að starfsemin
gengur út á það að segja sögur.
Grunnur þessarar starfsemi er
að einhver sest niður og skrifar sögu
sem síðan verður að bíómynd eða
sjónvarpsþætti. Svo erum við með
fréttastöðvar eins og CNN, en þar
er líka verið að segja sögur, þótt þær
séu ekki skrifaðar fyrirfram á blað.
Þetta er starfsemi sem ég hef áhuga
á. Ég og mitt helsta samstarfsfólk
erum búin að vinna lengi saman og
þekkjumst vel. Þarna eru menn ekki
að naga hælana hver af öðrum eða í
sandkassaleik. Þetta er þroskað fólk
sem veit hvað það er að gera.
Ég kann vel við mig þarna en
hvort ég verði þarna endalaust er
hins vegar önnur spurning. Hvað
varðar ritstörfin þá eru þau hluti
af mér og þeim mun ég auðvitað
sinna meðan ég hef getu til.“
Eiginleikar leiðtogans
Nafn Ólafs Jóhanns hefur verið
nefnt í sambandi við forsetakjör á
næsta ári. Hann vill lítið gera úr því.
„Það hefur verið minnst á þetta við
mig, en það hafa ekki verið nein­
ar kröfugöngur eða fjöldafundir,“
segir hann og hlær. „Það er nú yfir­
leitt þannig með það sem mað­
ur vill helst ekki taka afstöðu til að
maður hugsar sem minnst um það
þar til maður þarf þess. Ég hef voða
lítið hugleitt þetta og veit ekki hvort
það myndi nokkuð ganga upp ef til
þess kæmi.“
En hvernig finnst aðstoðarfor­
stjóra Time Warner að góður leið­
togi eigi að vera og hvernig stjórn­
unarstíl hefur hann sjálfur tamið
sér. „Það eru til margar kenningar
um leiðtogahlutverkið og oft er fólk
sem er talið sérfrótt um það hvern­
ig leiðtogar eiga að haga sér fengið
inn í fyrirtæki til að messa yfir fólki.
Ég hef litla trú á flestum formúlum í
þessu sambandi,“ segir hann.
„Ég trúi því ekki að leiðtogi sé
sá sem lætur hæst eða predikar yfir
fólki og er með bægslagang. Í mín­
um huga er leiðtogi sá sem fólk
treystir. Það er algjörlega nauðsyn­
legt að sá sem ber ábyrgð njóti
trausts og að ef hann segist ætla
að gera eitthvað þá gerist það og ef
hann sé spurður að einhverju þá sé
svarið sannleikanum samkvæmt.
Fólk verður að geta treyst dóm­
greind viðkomandi manneskju og
vitað að henni gangi gott eitt til
„Mig óraði aldrei
fyrir því þegar ég
var strákur í Suðurgötu að
ég myndi enda í New York
í því starfi sem ég er núna.
En það er nú samt þannig
að í mínu starfi hef ég
aldrei þurft að haga mér
öðruvísi en ég hefði hag-
að mér í Suðurgötu.