Skagfirðingabók - 01.01.2012, Qupperneq 83

Í SVEIT Á REYNISTAÐ
semi um alla hluti. Heimilið var
mann margt og ætíð búið þannig að
öllu, að nóg var til matar. Málsverðir
voru í baðstofunni, þar sem langborð
náði þvert yfir hana við suðurglugga.
Var setið í lokrekkjum við hvorn enda
borðsins. Sat ég við hlið Jóns bónda í
lokrekkjunni sem sneri að eld húsinu,
en þar í horninu var lúga og var matur
réttur í gegnum hana inn á borðið.
Monika stóð í eldhúsinu og annaðist
matargerðina með Guðrúnu húsfreyju
og stúlkum sem aðstoðuðu þær. Al­
mennt féll mér maturinn vel en lærði
þó aldrei að meta siginn fisk og hams a.
Best þótti mér kjöt af ný slátruðum
kálfum.
Baðstofan eða borðstofan á Reyni­
stað er einstök að því leyti að þar lét
Jón setja fjórar lokrekkjur þegar hann
reisti steinhúsið á árunum 1935–37.
Kringum lokrekkjurnar eru málaðir
skrautbekkir, en yfir þeim eru skráðar
vísur eftir Herdísi Andrésdóttur um
baðstofulífið. Í baðstofunni er einnig
stór skápur, forn. Á hann er skráð með
höfðaletri: Stundin líður, starfið bíður.
Gæti hver sín og Guð vor allra.
Postula myndir eftir Guðmund Guð­
mundsson í Bjarnastaðahlíð prýða
skáp inn.
Um hádegismat eða á kvöldin var
gott að leggja sig í lokrekkjurnar, en
ég man ekki að menn svæfu þar að
nótt u nema nauðsynlegt væri vegna
margra gesta. Inn af baðstofunni, í
hús inu norðanverðu, var skrifstofa eða
bókaherbergi. Þar voru tvær rekkjur
undir bókahillum og þar svaf ég að
minnsta kosti eitt sumar ef ekki fleiri.
Annars voru svefnherbergi á efri hæð
hússins og í kjallara þess.
Í einni lokrekkjunni var sveitar­
síminn, en símstöð var á Reynistað frá
1924 til 1973 og sinnti Sigrún hús­
freyja henni. Sat hún gjarnan við rokk
eða aðra ullarvinnu á símatímanum,
minnist ég þess ekki að hún sæti
nokkr u sinni auðum höndum frekar
en aðrir á bænum.
Á hæðinni í austurenda hússins var
gestastofa eða stássstofa. Hún var
opnuð í kirkjukaffi og þangað var
gest um boðið. Þar snæddi einnig
Lion el S. Fortescue þegar hann dvald­
ist á Reynistað. Hann fæddist í Eng­
landi árið 1892 og kom fyrst til Ís­
lands árið 1912 og síðan eins oft og
hann gat fram undir 1970. Hann and­
aðist á heimili sínu í Englandi 27.
júlí 1981. Árið 1956 samdi Pálmi
Hannes son, rektor Menntaskólans í
Lionel S. Fortescue. Eig.: Samvinnan.
83