Skagfirðingabók - 01.01.2012, Síða 106

106
SKAGFIRÐINGABÓK
Pabbi og mamma
Faðir minn, Árni Sveinsson, ólst upp á
Reykjum í Tungusveit hjá Árna
Eiríkssyni föðurbróður sínum og
Stein unni jónsdóttir konu hans. Kom
hann þangað barn að aldri árið 1898
og var heimilisfastur á Reykjum til
1907, að fósturfaðir hans brá búi og
fluttist til Akureyrar. Þetta var ferm­
ingar vorið hans og réðst hann þá
vinnu maður til séra Zophoníasar Hall­
dórssonar í Viðvík. Árni fóstri hans
fylgdi honum út á Sauðárkrók. Þar
fékk pabbi far með báti frá Bakka
aust ur yfir fjörðinn og gekk þaðan í
vistina upp í Viðvík. Fékk hann þá að
heyra að þar mundi hann verða meðan
hann gæti tuggið smjörið. Byggði sú
spá óefað á þeirri staðreynd, að vinnu­
fólk var óvenjustöðugt í vist á því
heim ili. Ekki gekk þetta þó eftir því
að Árni var aðeins árið í Viðvík þar eð
prestur andaðist veturinn eftir, 3.
janúar 1908. Um vorið leystist heimil­
ið upp og búið fór á uppboð. Til er
kaup reikningur pabba frá þessu ári og
kemur þar fram að hann skyldi fá 50
krónur í árskaup og átti hann það að
mestu óeytt um vorið. Umsjónar­
maður dánarbúsins og aðrir gengu þá
fram í að lokka drenginn til að kaupa
eitt og annað úr dánarbúinu, svo sem
hattinn prófastsins, kápu, stígvél, sem
allt var vel við vöxt, silfurbúna svipu,
gemling og fleira. Lauk svo viðskipta­
reikningi Árna að daginn eftir upp­
boðið hélt hann brott frá Viðvík með
88 aura í vasanum fram að Reykjum í
Tungusveit til nýrra húsbænda, þar
sem hann var 1908–1910. Á Skinþúfu
(Vallanesi) var hann vinnumaður far­
dagaárið 1910–1911. Eftir það fór
hann í Hólaskóla, var eitthvað í Hofs­
ósi við verslunarstörf hjá Erlendi
Pálssyni, en þeir voru góðir vinir hann
og Vilhelm Erlendsson. Svo fór hann
vinnumaður að Reykjum í Hjaltadal
1918. Þar líkaði honum vel og þar
kynntist hann mömmu.
Pabba sárnaði það alltaf meðan hann
lifði, að hann fékk ekki að læra að spil a
á orgel hjá Árna á Reykjum. Hann
keypti gamla kirkjuorgelið sem fyrst
Reykir í Tungu-
sveit um 1945.
Í baksýn er
Mælifellshnjúkur.
Ljósm.: Páll jónsson.