Skagfirðingabók - 01.01.2012, Page 189

189
Baldvin Jónsson og fjölskylda
Þá nefni ég Baldvin, son Jóns frá
Hamri og Tryggvinu. Hann átti
heim a á efri hæðinni í Höepfner ásamt
unnustu sinni, Nönnu Soffíu Páls­
dóttur, og syni þeirra kornungum sem
heitir Karl. Þegar Baldvin eitt sinn
var að henda akkerinu aftur af báti sín­
um í höfninni á Króknum flæktist
hann í keðjunni og fór niður með akk­
erinu og drukknaði. Þessi atburður
átti sér stað sumarið 1942. Nanna bjó
síðan ein með barnið þarna á loftinu
um nokkurn tíma en fluttist síðan
suður með sjó í Hafnirnar og átti þar
heima um margra ára skeið, er nú bú­
sett í Reykjavík.
Sveinbjörn Jóhannesson og fjölskylda
Þá bjuggu í húsinu um eins eða
tveggj a ára skeið Sveinbjörn Jóhann­
esson verkamaður og kona hans Ólína
Sigfúsdóttir. Einnig var þar heimilis­
föst dóttir þeirra Emilía og sonur
henn ar Hörður Hafsteinsson, sem fædd­
ur er 1943. Um þetta fólk hef ég lítið
að segja. Emilía mun hafa flutt stuttu
seinna til Akureyrar, stofnaði þar
heimil i og gifti sig. Ég man að Jó­
hannes Geir listmálari teiknaði mjög
skemmti lega mynd af Sveinbirni.
Ágúst Sigtryggsson og fjölskylda
Um tíma áttu heima í Höpfner Ágúst
Sigtryggsson, fæddur 1901, og Sum­
arrós Guðmundsdóttir, fædd 1903.
Hún var dóttir Guðmundar og Stef­
aníu í Salnum. Ágúst var ættaður frá
Seyðisfirði. Þau Ágúst og Sumarrós
kynntust í Reykjavík og byrjuðu bú­
skap þar, en flytjast síðar á Krókinn,
trúlega 1935, og Ágúst fer að róa með
bræðrum Sumarrósar, þeim Helga og
Sigga í Salnum. Einnig var hann á
þessum tíma talsvert á togurum sem
kyntir voru með kolum, og var hann
jafnan kyndari um borð. Sumarrós
vann utan heimilis ef vinnu var að fá.
Fór hún í síld á sumrin þegar landað
var á Króknum, en það var stopult.
Einnig vann hún í sláturhúsinu á
haustin. Fjölskyldan flytur svo til
Reykjavíkur 1939 eða 1940. Fóru þau
með Súðinni suður. Ágúst sigldi öll
stríðsárin á línuveiðaranum Jökli frá
Hafnarfirði, en útgerðin keypti fisk af
fiskiskipum hér við land og seldi síðan
í Fleetwood á Englandi. Árið 1945
varð Ágúst fyrir því slysi að lenda í
ketilsprengingu um borð í skipi og lét
hann þar lífið. Þau hjón eignuðust
fjögur börn.
Sveinbjörn Jóhannesson.
Teikning: Jóhannes Geir.
Eigandi: Birna Guðjónsdóttir.
NOKKRIR GÓÐIR GRANNAR Í HÖEPFNERSHÚSI