Fréttatíminn - 18.12.2015, Síða 14

Hann var mikill mömmustrákur og raunar
svo háður móður sinni að það var ekki við
það komandi að hann fengist til að yfirgefa
hana til að byrja í skóla. Það mál leystist ekki
fyrr en móðir hans, Björk Finnbogadóttir sem
er hjúkrunarfræðingur, tók það til bragðs að
ráða sig sem skólahjúkrunarfræðing í Öldu-
selsskóla.
Mömmustrákur með hjarta úr gulli
Ólafur Darri Ólafsson leikur eitt aðalhlutverkið í sjónvarpsþáttaseríunni Ófærð sem RÚV frumsýnir um jólin. Hann ætti að vera óþarfi að kynna, en Fréttatímanum
lék samt forvitni á að vita hvernig hann væri utan sviðsljóssins og safnaði því upplýsingum hjá ættingjum og vinum. Útkoman var samhljóða: Yndislegur drengur.
Ó lafur Darri fæddist 3. mars 1973 í Connecticut í Bandaríkj-unum og bjó þar í fjögur ár en
fluttist síðan með foreldrum sínum til
Íslands. Hann ólst upp í Seljahverfinu í
Reykjavík, gekk í Ölduselsskóla en fór
svo í fyllingu tímans í Menntaskólann
í Reykjavík og að lokum í Leiklistar-
skóla Íslands og útskrifaðist þaðan
vorið 1998.
Hann var ekkert yfir sig hrifinn af
því að vera á Íslandi fyrst eftir heim-
komuna og í fyrsta sinn sem hann var
sendur út að leika í rigningunni á Ís-
landi stóð hann bara kyrr, dúðaður í
regngalla, hágrét og neitaði að hreyfa
sig. Hann var mikill mömmustrákur
og raunar svo háður móður sinni að
það var ekki við það komandi að hann
fengist til að yfirgefa hana til að byrja
í skóla. Það mál leystist ekki fyrr en
móðir hans, Björk Finnbogadóttir
sem er hjúkrunarfræðingur, tók það
til bragðs að ráða sig sem skólahjúkr-
unarfræðing í Ölduselsskóla svo hægt
væri að tæla drenginn til skólagöngu
með því loforði að mamma væri þar
alltaf líka. Ólafur Darri er enn mjög
náinn móður sinni og föður, Ólafi
Steingrímssyni, og hittir þau oft í viku
þegar hann er á landinu.
Leiklistaráhugi Ólafs Darra byrjaði
ekki fyrr en í MR þar sem hann lék í
sýningu Herranætur 1993 á Drekanum
eftir Jewgeny Schwartzí. Í sýningu
Herranætur árið 1994 lék Ólafur Darri
svo sjálfan Sweeney Todd undir leik-
stjórn Óskars Jónassonar og áhorfend-
ur og gagnrýnendur voru á einu máli
um að stjarna væri fædd. Hann hafði
þó alls ekki hugsað sér að leggja leik-
listina fyrir sig og það var eingöngu
fyrir þrábeiðni vina hans sem hann
fór í inntökupróf í Leiklistarskólanum.
Hann hefur þó látið hafa það eftir sér
að hann geti ekki séð sig fyrir sér í
nokkru öðru starfi og sé því vinum sín-
um eilíflega þakklátur fyrir kúgunina.
Fyrsta kvikmyndahlutverkið fékk
hann svo á meðan hann var enn í Leik-
listarskólanum. Það var í Perlum og
svínum sem Óskar leikstýrði þar sem
Ólafur Darri sló gjörsamlega í gegn og
hefur æ síðan verið einn allra dáðasti
og vinsælasti leikari þjóðarinnar.
Eins og alþjóð veit er Ólafur Darri á
fljúgandi siglingu inn í heim Holly-
wood, en þrátt fyrir að leika reglulega í
kvikmyndum og sjónvarpsþáttum með
stórstjörnum eins og Vin Diesel, Liam
Neeson, Ben Stiller, Woody Harrelson
og Matthew McConaughey er Ólafur
Darri ekki mikið gefinn fyrir sviðsljós-
ið, er frekar félagsfælinn og á oft erfitt
með stór boð og veislur. Hann unir sér
best heima með „fóllkið sitt“ hjá sér og
veit fátt skemmtilegra en að elda góðan
mat fyrir gestina, enda er hann sagður
afburða kokkur. Önnur uppáhaldsiðja
hans er að horfa á kvikmyndir, alls
Ólafur Darri Ólafsson
Fæddur í Connecticut 3. mars 1973
Foreldrar:
Björk Finnbogadóttir og Ólafur Stein-
grímsson
Maki:
Lovísa Ósk Gunnarsdóttir, dansari
Börn:
Hekla Lind 5 ára og Embla Emilía 1 árs
Námsferill:
Ölduselsskóli, Menntaskólinn í Reykjavík,
Leiklistarskóli Íslands.
Íslenskur leiklistarferill:
Meðal verkefna Ólafs Darra í Þjóðleikhús-
inu eru Gerpla, Íslandsklukkan, Frida... viva
la vida, Ívanov, Pétur Gautur og Rambó 7. Í
Borgarleikhúsinu hefur hann meðal annars
leikið í Fjandmanni fólksins, Sumargestum,
Kristnihaldi undir jökli, Hamlet og Músum
og mönnum. Með Vesturporti hefur Ólafur
Darri meðal annars leikið í Rómeó og Júlíu,
Woyzeck, Kommúnunni, Kringlunni rústað,
Títusi og Glæp gegn diskóinu.
Ólafur Darri hefur leikið í fjölmörgum
kvikmyndum og sjónvarpsþáttum og
má þar nefna Perlur og svín, Blóðbönd,
Bjólfskviðu, Börn, Reykjavik Rotterdam,
Brúðgumann, Sveitabrúðkaup, Kóngaveg,
Brim, Rokland, Djúpið og XL að ógleymdri
glæstri frammistöðu hans í Fangavaktinni.
Helstu erlendu kvikmyndir og sjón-
varpsþættir:
The Last Witch Hunter, How and Why,
We Hate Paul Revere, A Walk Among the
Tombstones, Banshee, True Detective og
The Secret Life of Walter Mitty.
konar kvikmyndir, og hlusta á
tónlist sem hann hefur mikla
ástríðu fyrir og er „risastór
partur“ af honum eins og náinn
aðstandandi orðar það. Hann er
líka mikill lestrarhestur, getur
eiginlega ekki hugsað sér dag
þar sem hann les ekki einhvers
konar bókmenntir.
Þegar spurt er um galla Ólafs
Darra vefst viðmælendum tunga
um tönn, þeir humma og jæja
og vilja helst beina talinu að
einhverju öðru helst þó kostum
hans. Öllum ber þeim saman um
að hann hafi hjarta úr gulli, sé
frábær faðir og almennt yndisleg
mannvera sem ekki megi neitt
aumt sjá eins og vinátta hans
og ræktarsemi við Sunnu Val-
dísi, sem glímir við AHC-sjúk-
dóminn, sé gleggsta dæmið um.
Fólki ber þó einnig saman um
að ekki sé alltaf auðvelt að vera
nálægt honum því hann geti illa
leynt því hvernig honum líður.
„Darri er mjög lélegur að fela
hvernig honum líður og með
mjög sterka áru þannig að þegar
honum líður vel og er í góðu
skapi getur hann lýst upp her-
bergið og fengið alla með sér en
á hinn bóginn ef eitthvað amar
að fer það ekki fram hjá neinum
heldur,“ segir einn viðmæland-
inn. „Það er þó alls ekki galli og
hann er frábær félagi og dásam-
legur pabbi, enda með risastórt
hjarta.“
Friðrika Benónýsdóttir
fridrika@frettatiminn.is
14 nærmynd Helgin 18.-20. desember 2015
Í S L E N S K H Ö N N U N O G S M Í Ð I
LAUGAVEGI 61 KRINGLUNNI SMÁRALIND